ഭക്ഷണം വിതരണം ചെയ്യാൻ പോകവെ സ്കൂട്ടർ മറിഞ്ഞ്​ യുവാവ് മരിച്ചു

നടുവിൽ: ഓർഡർ ചെയ്ത ഭക്ഷണം വിതരണം ചെയ്യാൻ പോകവെ യുവാവ്​ സ്കൂട്ടർ അപകടത്തിൽ മരിച്ചു. നടുവിൽ ടൗണിലെ ഹോട്ടൽ ജീവനക്കാരനായ ഉത്തൂരിലെ ചപ്പിലി ഷിജു (24) ആണ് മരിച്ചത്.

ചൊവ്വാഴ്ച ഉച്ച ഒരു മണിയോടെ നടുവിൽ സെൻട്രൽ ജങ്​ഷനിലായിരുന്നു അപകടം. ഷിജു സഞ്ചരിച്ച സ്കൂട്ടർ നിയന്ത്രണം വിട്ട് മറിയുകയായിരുന്നു. റോഡിലേക്ക് തലയടിച്ചു വീണ ഷിജുവിനെ ആശുപത്രിയിൽ കൊണ്ടുപോയെങ്കിലും വഴിമധ്യേ മരിച്ചു.

പരേതയായ കാർത്യായനിയാണ് മാതാവ്. സഹോദരൻ: ബൈജു.