അ​ടൂ​രി​ൽ സ്​കൂട്ടർ മിനിലോറിയിലിടിച്ച് മൂന്നു വിദ്യാർഥികൾ മരിച്ചു

അടൂർ: നിയന്ത്രണം വിട്ട സ്​കൂട്ടർ മിനിലോറിയിലിടിച്ച് സ്​കൂട്ടർ യാത്രക്കാരായ മൂന്നു വിദ്യാർഥികൾ തൽക്ഷണം മരിച്ചു. ഏഴംകുളം കൈതപ്പറമ്പ് ലക്ഷ്മി ഭവനത്തിൽ ഷാജിയുടെ മകൻ വിഷാദ് (16), പട്ടാഴി വടക്കേക്കര മെതുകുമ്മേൽ മഞ്ചാടിമുക്ക് പള്ളിതെക്കേതിൽ വീട്ടിൽ വിനോദി‍​​െൻറ മകൻ വിമൽ (16), ഏഴംകുളം മാങ്കൂട്ടം ചരുവിള പുത്തൻവീട്ടിൽ പരേതനായ ജോർജി‍​​െൻറ മകൻ ചാൾസ്​ (16) എന്നിവരാണ് മരിച്ചത്. 

മൂവരും ഏഴംകുളം നെടുമൺ ഗവ. വൊക്കേഷനൽ ഹയർ സെക്കൻഡറി സ്​കൂൾ കോമേഴ്സ്​ ഒന്നാം വർഷ വിദ്യാർഥികളാണ്. തിങ്കളാഴ്ച പുലർച്ച ഒന്നിന് എം.സി റോഡിൽ കിളവയലിനും വട്ടക്കടത്തുകാവിനും മധ്യേ നടക്കാവ് ജങ്ഷനിലാണ് അപകടം.  മറ്റൊരു സുഹൃത്തി​​​െൻറ സ്​കൂട്ടറെടുത്ത് അടൂരിൽനിന്ന് എനാത്തിനു പോകുമ്പോൾ എതിരെവന്ന തമിഴ്നാട് രജിസ്​േട്രഷൻ മിനിലോറിയിൽ ഇടിക്കുകയായിരുന്നു. സ്​കൂട്ടർ പൂർണമായി തകർന്നു. മൂവരുടെയും മൃതദേഹങ്ങൾ അടൂർ ജനറൽ ആശുപത്രിയിൽ പോസ്​റ്റ്​മോർട്ടത്തിനു ശേഷം ഉച്ചക്ക് രണ്ടിന് ബന്ധുക്കൾക്ക് വിട്ടുകൊടുത്തു. 2.15ന് നെടുമൺ ഗവ. വി.എച്ച്.എസ്​.എസിൽ പൊതുദർശനത്തിനുവെച്ചു.

വിഷാദി​​െൻറ മാതാവ്: ബിന്ദു. സഹോദരങ്ങൾ: വിഷ്ണു (ചെന്നൈ), ലക്ഷ്മി. ചാൾസി​​െൻറ മാതാവ്: റോസമ്മ. സഹോദരൻ: മാർട്ടിൻ. വിമലി​​െൻറ മാതാവ്: ആലീസ്. സഹോദരൻ: വിഷ്ണു. വിഷാദി​​െൻറ മൃതദേഹം സംസ്കരിച്ചു. മറ്റു രണ്ടുപേരുടെയും മൃതദേഹങ്ങൾ ചായലോട് മൗണ്ട് സീയോൻ മെഡിക്കൽ കോളജ് ആശുപത്രി മോർച്ചറിയിൽ. ചാൾസി​​െൻറ സംസ്കാരം ചൊവ്വാഴ്ച ഉച്ചക്ക് ഒന്നിന് വയല ലത്തീൻ കത്തോലിക്ക പള്ളി സെമിത്തേരിയിലും വിമലിേൻറത് മഞ്ചാടിമുക്ക് ബ്രദറൺ ചർച്ച് സെമിത്തേരിയിലും നടക്കും.