ഓറിയന്‍റേഷൻ ക്ലാസിൽ പങ്കെടുക്കണം; എ.​സി. മൊ​യ്തീ​ൻ ഇന്ന് ഇ.​ഡിക്ക് മുമ്പിൽ ഹാജരാകില്ല

തൃ​ശൂ​ർ: ക​രു​വ​ന്നൂ​ർ സ​ഹ​ക​ര​ണ ബാ​ങ്ക് ത​ട്ടി​പ്പു​കേ​സി​ൽ മു​ൻ മ​ന്ത്രി എ.​സി. മൊ​യ്തീൻ ഇന്ന് ഇ.​ഡിക്ക് മുമ്പിൽ ചോ​ദ്യം ചെ​യ്യലിന് ഹാജരാകില്ല. എം.എൽ.എമാർക്കുള്ള ഓറിയന്‍റേഷൻ ക്ലാസിൽ പങ്കെടുക്കേണ്ടതിനാൽ ഇന്നും നാളെയും ചോദ്യം ചെയ്യലിന് ഹാജരാകില്ലെന്ന് മൊയ്തീൻ ഇമെയ്‍ൽ വഴി ഇഡിയെ അറിയിച്ചു. ക്ലാസിൽ പങ്കെടുക്കാൻ മൊയ്തീൻ തിരുവനന്തപുരത്തെത്തി.

10 വ​ർ​ഷ​ത്തെ ബാ​ങ്ക് ഇ​ട​പാ​ട് രേ​ഖ​ക​ളും ആ​ദാ​യ​നി​കു​തി രേ​ഖ​ക​ളും ഹാ​ജ​രാ​ക്കാ​ൻ നേ​ര​ത്തേ ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ, രേ​ഖ​ക​ൾ അ​പൂ​ർ​ണ​മാ​യ​തി​നാ​ൽ പൂ​ർ​ണ​വി​വ​ര​ങ്ങ​ളു​മാ​യി ചൊ​വ്വാ​ഴ്ച എ​ത്താ​നാ​ണ് നി​ർ​ദേ​ശി​ച്ചി​രി​ക്കു​ന്ന​ത്. സെപറ്റംബർ 10ന് മൊയ്തീനെ ഇ.ഡി 10 മണിക്കൂർ ചോദ്യം ചെയ്തിരുന്നു.

മൊ​യ്തീ​നെ ചോ​ദ്യം ചെ​യ്യു​ന്ന​തി​ന്‍റെ മു​ന്നോ​ടി​യാ​യു​ള്ള തെ​ളി​വ് ശേ​ഖ​ര​ണം ​കൂ​ടി​യാ​ണ് തി​ങ്ക​ളാ​ഴ്ച​യി​ലെ ഇ.​ഡി​യു​ടെ പ​രി​ശോ​ധ​ന​യെ​ന്നാ​ണ് വി​വ​രം. ബാ​ങ്കു​ക​ളി​ലെ പ​രി​ശോ​ധ​ന​ക്കു​ശേ​ഷം സി.​പി.​എം സം​സ്ഥാ​ന ക​മ്മി​റ്റി അം​ഗം എം.​കെ. ക​ണ്ണ​നെ​യും വി​ളി​പ്പി​ച്ചേ​ക്കു​മെ​ന്നാ​ണ് സൂ​ച​ന. മൊ​യ്തീ​നെ കൂ​ടാ​തെ പാ​ർ​ട്ടി​യി​ലെ ര​ണ്ട് പ്ര​മു​ഖ​ർ​ക്കു​കൂ​ടി കേ​സി​ൽ പ​ങ്കു​ണ്ടെ​ന്നാ​ണ് റി​പ്പോ​ർ​ട്ടു​ക​ൾ. പ​ത്തോ​ളം സ​ഹ​ക​ര​ണ ബാ​ങ്കു​ക​ൾ ഉ​ൾ​പ്പെ​ടെ ഇ.​ഡി​യു​ടെ അ​ന്വേ​ഷ​ണ പ​രി​ധി​യി​ലു​ണ്ട്.