തൃശൂരിൽ ഗുരുതര സാഹചര്യമില്ല; 919 പേർ നിരീക്ഷണത്തിൽ -മന്ത്രി

തൃശൂർ: ജില്ലയിൽ കോവിഡ്​ 19 മൂലം ഗുരുതരസാഹചര്യമില്ലെന്ന്​ മന്ത്രി എ.സി മൊയ്​തീൻ. 919 പേരെ ഇന്ന്​ നിരീക്ഷത്തിലാക്കിയിട്ടു​ണ്ട്​. രോഗികളുടെ എണ്ണത്തിൽ അപ്രതീക്ഷിത വർധനയുണ്ടായിട്ടില്ല. 10 പ്രദേശങ്ങളെ കണ്ടെയിൻമ​െൻറ്​ സോണുകളാക്കി മാറ്റിയിട്ടുണ്ടെന്നും അദ്ദേഹം പറഞ്ഞു.

അണുവിമുക്​തമാക്കുന്നതിനായി ജില്ലയിലെ പ്രധാന നഗരങ്ങളിലെ മാർക്കറ്റുകൾ രണ്ട്​ ദിവസം അടച്ചിടും. ചൊവ്വ, ബുധൻ ദിവസങ്ങളിലായിരിക്കും മാർക്കറ്റുകൾ അടച്ചിടുക. ക്വാറൻറീൻ നിർദേശങ്ങൾ പാലിക്കാത്തവർക്കെതി​െര കർശന നടപടിയുണ്ടാകുമെന്നും അദ്ദേഹം കൂട്ടിച്ചേർത്തു. വ്യാഴാഴ്​ച 25 പേർക്കാണ്​ ജില്ലയിൽ കോവിഡ്​ സ്ഥിരീകരിച്ചത്​. ഇതിൽ നാല്​ ശുചീകരണ തൊഴിലാളികൾക്കും നാല്​ ചുമട്ടുതൊഴിലാളികൾക്കും സമ്പർക്കത്തിലൂടെയാണ്​ രോഗം ബാധിച്ചത്​.

തൃശൂരിൽ ഗുരുതര സാഹചര്യം നില നിൽക്കുന്നുണ്ടെന്നും വീണ്ടും ലോക്​ഡൗൺ പ്രഖ്യാപിക്കണമെന്നും ടി.എൻ പ്രതാപൻ എം.പി ആവശ്യപ്പെട്ടിരുന്നു. സമ്പർക്കത്തിലൂടെയുള്ള കോവിഡ്​ കേസുകൾ ​കൂടുതലായി റിപ്പോർട്ട്​ ചെയ്യാൻ തുടങ്ങിയതോടെയാണ്​ വീണ്ടും ലോക്​ഡൗൺ ഏർപ്പെടുത്തണമെന്ന ആവശ്യമുയർന്നത്​.