പെർമിറ്റില്ലാതെ എ.സി ഡീലക്​സ്​ ബസ്​:ഗതാഗതമന്ത്രിമാരുടെ യോഗം വിളിക്കാനും ആലോചന

തി​രു​വ​ന​ന്ത​പു​​രം: സ്വ​കാ​ര്യ എ.​സി ഡീ​ല​ക്​​സ്​ ബ​സു​ക​ൾ​ക്ക്​ പെ​ർ​മി​റ്റി​ല്ലാ​തെ ഏ​ത്​ റൂ​ട്ടി​ലും ഒാ​ടാ​ൻ അ​നു​മ​തി ന​ൽ​കാ​നു​ള്ള കേ​​​ന്ദ്ര നീ​ക്ക​ത്തി​നെ​തി​രെ ഗ​താ​ഗ​ത മ​ന്ത്രി​മാ​രു​ടെ യോ​ഗം വി​ളി​ക ്കാ​ൻ ആ​േ​ലാ​ച​ന. ​കേ​ന്ദ്ര തീ​രു​മാ​നം പൊ​തു​ഗ​താ​ഗ​ത മേ​ഖ​ല​യി​ൽ അ​രാ​ജ​ക​ത്വം സൃ​ഷ്​​ടി​ക്കു​ന്ന​താ​ണ െ​ന്നും സം​സ്​​ഥാ​ന ഗ​താ​ഗ​ത അ​തോ​റി​റ്റി​ക​ളെ അ​പ്ര​സ​ക്​​ത​മാ​ക്കു​ന്ന​താ​ണെ​ന്നും നി​ല​പാ​ടു​ള്ള സം​സ്​​ഥാ​ന​ങ്ങ​ളു​ടെ മ​ന്ത്രി​മാ​രു​ടെ യോ​ഗം എ​ന്ന നി​ർ​ദേ​ശ​മാ​ണ് സ​ർ​ക്കാ​ർ പ​രി​ഗ​ണ​ന​യി​ലു​ള്ള​ത്.

സാ​ധ്യ​ത​ക​ൾ ആ​രാ​ഞ്ഞ​ശേ​ഷ​മേ ഇ​ക്കാ​ര്യ​ത്തി​ൽ മു​ന്നോ​ട്ടു​പോ​കൂ എ​ന്നാ​ണ്​ ഗ​താ​ഗ​ത വ​കു​പ്പി​ൽ​നി​ന്നു​ള്ള വി​വ​രം. ആ​ഡം​ബ​ര ബ​സു​ക​ൾ​ക്ക്​ പെ​ർ​മി​റ്റ്​ ഒ​ഴി​വാ​ക്ക​ി​യ കേ​ന്ദ്ര​ത്തി​​െൻറ ക​ര​ട്​ നി​ർ​ദേ​ശ​ത്തി​ൽ ട്രേ​ഡ്​ യൂ​നി​യ​നു​ക​ളു​ടെ​യും കെ.​എ​സ്.​ആ​ർ.​ടി.​സി​യു​ടെ​യും നി​യ​മ​വി​ദ​ഗ്​​ധ​രു​ടെ​യും നി​ർ​ദേ​ശ​ങ്ങ​ൾ സ​മാ​ഹ​രി​ച്ച്​ കേ​​ന്ദ്ര​ത്തെ വി​യോ​ജി​പ്പ​റി​യി​ക്കും. തു​ട​ർ​ന്നും കേ​ന്ദ്രം നി​ല​പാ​ട്​ മാ​റ്റി​യി​ല്ലെ​ങ്കി​ൽ ഗ​താ​ഗ​ത മ​ന്ത്രി​മാ​രെ വി​ളി​ച്ചു​ചേ​ർ​ത്ത്​ കൂ​ട്ടാ​യ നീ​ക്ക​ങ്ങ​ൾ​ക്കാ​ണ്​ ധാ​ര​ണ എ​ന്നാ​ണ്​ അ​റി​യു​ന്ന​ത്.

കേ​ന്ദ്ര​നീ​ക്ക​ത്തി​നെ​തി​രെ 16 സം​സ്​​ഥാ​ന​ങ്ങ​ളി​ലെ ഗ​താ​ഗ​ത അ​തോ​റി​റ്റി​ക​ൾ രം​ഗ​ത്തെ​ത്തി​യി​ട്ടു​ണ്ട്. കെ.​എ​സ്.​ആ​ർ.​ടി.​സി​ക്ക്​ സ​മാ​നം മ​റ്റ്​ സം​സ്​​ഥാ​ന​ങ്ങ​ളി​ലെ റോ​ഡ്​ ട്രാ​ൻ​സ്​​പോ​ർ​ട്ട്​ കോ​ർ​പ​റേ​ഷ​നു​ക​ൾ​ക്കും ശ​ക്​​ത​മാ​യ വി​യോ​ജി​പ്പു​ണ്ട്. ഇൗ ​സാ​ഹ​ച​ര്യ​ത്തി​ൽ ക​ര​ട്​ നീ​ക്ക​ത്തി​ൽ​നി​ന്ന്​ കേ​ന്ദ്രം പി​ന്മാ​റു​മെ​ന്നാ​ണ്​ സം​സ്​​ഥാ​ന സ​ർ​ക്കാ​ർ ക​രു​തു​ന്ന​ത്. വി​ഷ​യ​ത്തി​​െൻറ ഗൗ​ര​വം ചൂ​ണ്ടി​ക്കാ​ട്ടി​യും ഇ​ട​പെ​ട​ൽ ആ​വ​ശ്യ​പ്പെ​ട്ടും കേ​ര​ള​ത്തി​ൽ​നി​ന്നു​ള്ള എം.​പി​മാ​ർ​ക്കെ​ല്ലാം ഗ​താ​ഗ​ത വ​കു​പ്പ്​ ക​ത്ത്​ ന​ൽ​കി​യി​ട്ടു​ണ്ട്.

നി​ർ​ദേ​ശം ന​ട​പ്പാ​യാ​ൽ നി​ല​നി​ൽ​പു​ത​ന്നെ ചോ​ദ്യം​ചെ​യ്യ​പ്പെ​ടു​മെ​ന്നാ​ണ്​ കെ.​എ​സ്.​ആ​ർ.​ടി.​സി സ​മ​ർ​പ്പി​ച്ച റി​പ്പോ​ർ​ട്ടി​ൽ പ​റ​യു​ന്ന​ത്. ദീ​ർ​ഘ​ദൂ​ര റൂ​ട്ടി​ൽ നി​ന്നു​ള്ള വ​രു​മാ​ന​ത്തി​​െൻറ ആ​നു​കൂ​ല്യ​ത്തി​ലാ​ണ്​ ന​ഷ്​​ടം സ​ഹി​ച്ചും ഗ്രാ​മീ​ണ മേ​ഖ​ല​യി​ലേ​ക്ക​ട​ക്ക​മു​ള്ള സാ​മൂ​ഹി​ക പ്ര​തി​ബ​ദ്ധ​ത സ​ർ​വി​സു​ക​ൾ ന​ട​ത്തു​ന്ന​ത്. ഇ​ത്​ ഒ​ന്നാ​കെ നി​ല​യ്​​ക്കും. വ​രു​മാ​നം കൂ​ടി​യ റൂ​ട്ടു​ക​ളി​ൽ മാ​ത്രം സ്വ​കാ​ര്യ ബ​സു​ക​ൾ കേ​ന്ദ്രീ​ക​രി​ക്കു​ന്ന​തോ​ടെ മ​റ്റി​ട​ങ്ങ​ളി​ലെ യാ​ത്ര പ്ര​തി​സ​ന്ധി രൂ​ക്ഷ​മാ​കു​മെ​ന്ന്​ മോ​േ​ട്ടാ​ർ വാ​ഹ​ന​വ​കു​പ്പും വി​ല​യി​രു​ത്തു​ന്നു. ​പെ​ർ​മി​റ്റി​ല്ലാ​യ്​​മ സൃ​ഷ്​​ടി​ക്കു​ന്ന അ​നി​ശ്ചി​ത​ത്വ​ത്തി​ന്​ പു​റ​മേ യാ​ത്ര നി​ര​ക്കി​​െൻറ കാ​ര്യ​ത്തി​ലും ആ​ഡം​ബ​ര ബ​സി​ൽ സ​ർ​ക്കാ​റി​നോ സ​ർ​ക്കാ​ർ ഏ​ജ​ൻ​സി​ക​ൾ​ക്കോ നി​യ​​​​ന്ത്ര​ണ​മി​ല്ലാ​ത്ത സ്​​ഥി​തി​യാ​ണു​ണ്ടാ​വു​ക.