ഇ​വി​ടെ ‘കൂ​ളാ’​ണ് കു​ഞ്ഞു​ങ്ങ​ൾ

മു​ക്കം: ശീ​തീ​ക​രി​ച്ച ക്ലാ​സ്മു​റി​ക്കു​ള്ളി​ൽ ചൂ​ടും പു​ക​ച്ചി​ലു​മി​ല്ലാ​തെ കു​ഞ്ഞു​കു​ട്ടി​ക​ൾ കൂ​ളാ​ണി​വി​ടെ. മി​ക്ക അം​ഗ​ൻ​വാ​ടി​ക​ളും നേ​രി​ടു​ന്ന പൊ​ടി​ശ​ല്യ​വും ഈ​ച്ച ശ​ല്യ​വും ഇ​വി​ടി​ല്ല. വേ​ന​ൽ​ചൂ​ടി​ൽ ഞെ​രി​പി​രി കൊ​ണ്ടും കാ​ല​വ​ർ​ഷ​ത്തി​ൽ ഭീ​തി​യി​ലും ക​ഴി​യു​ന്ന അം​ഗ​ൻ​വാ​ടി​ക​ൾ​ക്കി​ടി​യി​ൽ വേ​റി​ട്ടൊ​രു മാ​തൃ​ക​യാ​വു​ക​യാ​ണ് കോ​ഴി​ക്കോ​ട് ജി​ല്ല​യി​ലെ  മു​ക്കം കാ​ര​ശ്ശേ​രി പ​ഞ്ചാ​യ​ത്ത് 13ാം വാ​ർ​ഡ്‌ നെ​ല്ലി​ക്കാ​പ​റ​മ്പ് അം​ഗ​ൻ​വാ​ടി. എ​യ​ർ ക​ണ്ടീ​ഷ​ൻ റൂം, ​ഇ​ൻ​റ​ർ​ലോ​ക്ക് ചെ​യ്ത മു​റ്റം, മ​നോ​ഹ​ര​മാ​യ ടൈ​ലു​ക​ൾ പാ​കി​യ നി​ല​വും ഭി​ത്തി​യും, മി​ക​ച്ച അ​ടു​ക്ക​ള, മു​ന്തി​യ ടോ​യി​ല​റ്റ്​ സം​വി​ധാ​നം, മ​നോ​ഹ​ര​മാ​യ ചു​റ്റു​മ​തി​ൽ തു​ട​ങ്ങി​യ​വ​യാ​ണ് ഈ ​അം​ഗ​ൻ​വാ​ടി​യെ വേ​റി​ട്ട​താ​ക്കു​ന്ന​ത്. 

ഭ​ക്ഷ​ണം പാ​കം​ചെ​യ്യാ​നാ​യി പു​ക​യി​ല്ലാ​ത്ത അ​ടു​പ്പും ഗ്യാ​സ് അ​ടു​പ്പം ഉ​ൾ​പ്പെ​ടെ മി​ക​ച്ച അ​ടു​ക്ക​ള. കൊ​ച്ചു കു​ട്ടി​ക​ൾ​ക്ക് എ​ളു​പ്പ​ത്തി​ൽ ഉ​പ​യോ​ഗി​ക്കാ​വു​ന്ന വി​ധ​ത്തി​ലു​ള്ള ടോ​യി​ല​റ്റ്. കു​ഞ്ഞു​ങ്ങ​ളു​ടെ സു​ര​ക്ഷ​ക്കാ​യി ചു​റ്റു​മ​തി​ലും ഒ​പ്പം ഒ​രു കു​ഞ്ഞു ഗേ​റ്റു​മു​ണ്ട്. ക​ളി​പ്പാ​ട്ട​ങ്ങ​ളും ധാ​രാ​ളം. നാ​ട്ടു​കാ​രും പ​ഞ്ചാ​യ​ത്തും ഇ​ട​പെ​ട്ട് 2015ലാ​ണ് അം​ഗ​ൻ​വാ​ടി യാ​ഥാ​ർ​ഥ്യ​മാ​ക്കി​യ​ത്. കാ​ര​ശ്ശേ​രി പ​ഞ്ചാ​യ​ത്തും നെ​ല്ലി​ക്കാം​പ​റ​മ്പ് കൊ​ത്ത​നാ​പ​റ​മ്പ് നി​വാ​സി​ക​ളു​ടെ​യും അ​ക്ഷീ​ണ പ്ര​യ​ത്​​നം പി​ന്നി​ല​ു​ണ്ട്. നേ​ര​ത്തെ, വാ​ട​ക കെ​ട്ടി​ട​ത്തി​ൽ പ്ര​വ​ർ​ത്തി​ച്ചി​രു​ന്ന അം​ഗ​ൻ​വാ​ടി​ക്കു​വേ​ണ്ടി ഫ​ണ്ട് ല​ഭ്യ​മാ​ക്കാ​നും സ്ഥ​ലം വാ​ങ്ങാ​നു​മൊ​ക്കെ പ​ഞ്ചാ​യ​ത്തും നാ​ട്ടു​കാ​രും ചേ​രു​ക​യാ​യി​രു​ന്നു. പി​ന്നീ​ട് പ​ഞ്ചാ​യ​ത്ത് നാ​ല് സ​​െൻറ്​ സ്ഥ​ലം വാ​ങ്ങി. കു​ന്ദ​മം​ഗ​ലം ബ്ലോ​ക്ക് പ​ഞ്ചാ​യ​ത്തി​​​െൻറ 10 ല​ക്ഷം രൂ​പ കൂ​ടി ല​ഭി​ച്ച​തോ​ടെ പു​ത്ത​ൻ കെ​ട്ടി​ടം നി​ർ​മി​ച്ചു. 

മു​ൻ പ​ഞ്ചാ​യ​ത്തം​ഗം റ​ഷീ​ദ് ക​ണി​യാ​ത്താ​ണ് എ​യ​ർ ക​ണ്ടീ​ഷ​ൻ ഘ​ടി​പ്പി​ക്കാ​ൻ സ​ഹാ​യം ന​ൽ​കി​യ​ത്. ഇ​ൻ​റ​ർ​ലോ​ക്ക് വി​രി​ക്കാ​നും കെ​ട്ടി​ട നി​ർ​മാ​ണ​ത്തി​​​െൻറ അ​ധി​ക​ച്ചെ​ല​വ് ന​ൽ​കി​യ​തും നാ​ട്ടു​കാ​ർ ത​ന്നെ. കു​ട്ടി​ക​ളെ ചേ​ർ​ത്താ​നാ​യി കൂ​ടു​ത​ൽ ര​ക്ഷി​താ​ക്ക​ൾ അം​ഗ​ൻ​വാ​ടി​യെ സ​മീ​പി​ക്കു​ന്ന അ​വ​സ്ഥ​യാ​ണി​പ്പോ​ൾ. നി​ല​വി​ൽ 28 കു​ട്ടി​ക​ൾ പ​ഠി​ക്കു​ന്നു​ണ്ടി​വി​ടെ.