അഭിമന്യു വധം: ഒരാൾകൂടി അറസ്​റ്റിൽ

കൊച്ചി: മഹാരാജാസ് കോളജിൽ അഭിമന്യു കൊല്ലപ്പെട്ട സംഭവത്തിൽ ഒരാൾകൂടി അറസ്​റ്റിൽ. അക്രമിസംഘത്തിന് സഹായം നൽകിയ മട്ടാഞ്ചേരി സ്വദേശി അനസാണ് അറസ്​റ്റിലായത്. ഇയാൾ പോപുലർ ഫ്രണ്ട് കൊച്ചി ഏരിയ പ്രസിഡൻറാണെന്ന്​ െപാലീസ് പറഞ്ഞു. കേസിലെ മുഖ്യപ്രതിയെന്ന് സംശയിക്കുന്ന മഹാരാജാസ് കോളജിലെ വിദ്യാർഥി മുഹമ്മദിനെ ഫോണിൽ ബന്ധപ്പെട്ട ഒരാളെ ആലപ്പുഴയിൽനിന്ന് കസ്​റ്റഡിയിലെടുത്തതായി സൂചനയുണ്ട്.     

അതിനിടെ, അഭിമന്യുവിനൊപ്പം കുത്തേറ്റ്​ ചികിത്സയിലുള്ള അർജു​​െൻറ മൊഴിയെടുത്തു. കേസിൽ നിർണായക വിവരങ്ങൾ ലഭിച്ചെന്നാണ് സൂചന. ആരോഗ്യനില പൂർണമായി വീണ്ടെടുക്കുന്നതുവരെ അർജുൻ ആശുപത്രിയിൽ തുടരും. അതേസമയം, മൊഴിയെ സംബന്ധിച്ചോ കേസി​​െൻറ മറ്റ്​ വിശദാംശങ്ങളോ അന്വേഷണസംഘം പുറത്തുവിട്ടിട്ടില്ല. 
കേസിൽ മുഖ്യപ്രതിയിലേക്കുള്ള തെളിവുകൾ കണ്ടെത്താനുള്ള ശ്രമത്തിലാണ് പൊലീസ്.

അഭിമന്യുവിന്​ കുത്തേറ്റ സ്ഥലത്തിന്​ സമീപത്തെ സ്ഥാപനങ്ങളിലെ സി.സി.ടി.വി ദൃശ്യങ്ങൾ ഉൾപ്പെടെ പൊലീസ് ശേഖരിച്ചിരുന്നു. ദൃശ്യങ്ങളിൽനിന്ന് അക്രമിസംഘത്തെ തിരിച്ചറിയാൻ സാധിച്ചേക്കുമെന്നാണ് പൊലീസി​​െൻറ പ്രതീക്ഷ. ഇതുവരെ അറസ്​റ്റിലായവരുടെയും അവരുമായി ബന്ധപ്പെട്ടവരുടെയും ഫോൺകാളുകൾ ഉൾപ്പെടെ സൈബർ സെൽ പരിശോധിക്കുന്നുണ്ട്. സംഭവദിവസം വിളിച്ചുവരുത്തുകയായിരു​െന്നന്ന ആരോപണങ്ങളെത്തുടർന്ന് അഭിമന്യുവി​​െൻറ ഫോണിലേക്ക്​ വന്നതും പോയതുമായ വിളികളും പരിശോധിക്കും.