‘അവൻ അഭിമന്യു, ചക്രവ്യൂഹത്തിൽ അകപ്പെട്ടവൻ’ 

കൊ​ച്ചി: ‘മ​ഹാ​ഭാ​ര​ത യു​ദ്ധ​ത്തി​ലാ​ണ് ച​ക്ര​വ്യൂ​ഹ​ത്തി​ല​ക​പ്പെ​ട്ട അ​ഭി​മ​ന്യു​വി​നെ​ക്കു​റി​ച്ച് വി​വ​രി​ക്കു​ന്ന​ത്. മ​ഹാ​ര​ഥ​ന്മാ​ർ യു​ദ്ധ​സ്ഥാ​ന​ങ്ങ​ള്‍ മാ​റി​ക്കൊ​ണ്ടി​രി​ക്കു​ന്ന സേ​നാ​വി​ന്യാ​സ​മാ​ണ്​ ച​ക്ര​വ്യൂ​ഹം. ഇ​ങ്ങ​നെ​യു​ള്ള സ്ഥാ​ന​മാ​റ്റം വ​ഴി അ​വ​രു​ടെ യു​ദ്ധ​മു​ന്ന​ണി എ​പ്പോ​ഴും സ​ജീ​വ​മാ​യി​രി​ക്കും. എ​ന്നാ​ൽ, എ​തി​ർ​ത്തു​നി​ൽ​ക്കു​ന്ന​വ​ൻ ഒ​രേ ദി​ശ​യി​ൽ​ത​ന്നെ യു​ദ്ധം​ചെ​യ്ത് ത​ള​രും. അ​തു ഭേ​ദി​ച്ച്​ പു​റ​ത്തെ​ത്തു​ക ദു​ഷ്ക​ര​മാ​ണ്​’-​അ​ഭി​മ​ന്യു​വെ​ന്ന ഇ​രു​പ​തു​കാ​ര​നോ​ട്​ കാ​മ്പ​സ് രാ​ഷ്​​ട്രീ​യ​ത്തി​െൻറ ജീ​വി​ക്കു​ന്ന ര​ക്ത​സാ​ക്ഷി സൈ​മ​ൺ ബ്രി​േ​ട്ടാ ഇ​ട​ക്കി​ടെ ഇ​ക്കാ​ര്യം സൂ​ചി​പ്പി​ച്ചി​രു​ന്നു.

ജീ​വി​ത​ത്തി​ലും രാ​ഷ്​​ട്രീ​യ​ത്തി​ലും വെ​ല്ലു​വി​ളി​ക​ളും എ​തി​ർ​പ്പു​ക​ളു​മൊ​ക്കെ ച​ക്ര​വ്യൂ​ഹം തീ​ർ​ക്കു​ന്ന സാ​ഹ​ച​ര്യ​ങ്ങ​ളു​ണ്ടാ​കും. കാ​ര്യ​ങ്ങ​ൾ ശ​രി​യാ​യി മ​ന​സ്സി​ലാ​ക്കി അ​തി​ൽ നി​ന്നെ​ല്ലാം ഒ​ഴി​ഞ്ഞ്​ ല​ക്ഷ്യ​ത്തി​ലേ​ക്ക്​ മു​ന്നേ​റ​ണം. സൂ​ത്ര​പ്പ​ണി​യൊ​ന്നും വ​ശ​മി​ല്ലാ​ത്ത നീ ​സൂ​ക്ഷി​ക്ക​ണം. പ​ക്ഷേ അ​പ്പോ​ഴൊ​ന്നും ഇ​ത്ത​ര​മൊ​രു ദു​ര​ന്ത​ത്തി​ന് താ​ൻ സാ​ക്ഷി​യാ​കു​മെ​ന്ന് സൈ​മ​ൺ ബ്രി​ട്ടോ ക​രു​തി​യി​രു​ന്നി​ല്ല.  

അ​ഭി​മ​ന്യു​വി​െൻറ വി​യോ​ഗ​ത്തി​ൽ​നി​ന്ന് അ​ദ്ദേ​ഹം ഇ​പ്പോ​ഴും മോ​ചി​ത​നാ​യി​ട്ടി​ല്ല. വ​ർ​ഗീ​യ വെ​റി പൂ​ണ്ട​വ​രു​ടെ ക​ത്തി​മു​ന​യി​ലാ​ണ് അ​വ​​െൻറ സ്വ​പ്ന​ങ്ങ​ൾ ഇ​ല്ലാ​താ​യ​തെ​ന്ന് അ​ദ്ദേ​ഹം ഉ​റ​ച്ചു​വി​ശ്വ​സി​ക്കു​ന്നു. ജ​ന​റ​ല്‍ ആ​ശു​പ​ത്രി​യി​ലും മ​ഹാ​രാ​ജാ​സ് കോ​ള​ജ് ഓ​ഡി​റ്റോ​റി​യ​ത്തി​ന്​ മു​ന്നി​ലും നി​റ​ക​ണ്ണു​ക​ളോ​ടെ അ​ദ്ദേ​ഹ​മ​വ​നെ പി​ന്തു​ട​ർ​ന്നു. ഭാ​ര്യ സീ​ന​യും മ​ക​ൾ നി​ലാ​വും അ​ദ്ദേ​ഹ​ത്തി​നൊ​പ്പ​മു​ണ്ടാ​യി​രു​ന്നു.  

സൈ​മ​ണ്‍ ബ്രി​ട്ടോ​യു​ടെ വീ​ട്ടി​ലെ നി​ത്യ സ​ന്ദ​ര്‍ശ​ക​നാ​യി​രു​ന്നു അ​ഭി​മ​ന്യു. 1800 പേ​ജു​ള്ള അ​ദ്ദേ​ഹ​ത്തി​െൻറ യാ​ത്ര വി​വ​ര​ണ​ത്തി​െൻറ ഏ​റി​യ പ​ങ്ക് പ​ക​ർ​ത്തി​യെ​ഴു​തി​യ​തും അ​ഭി​മ​ന്യു​വാ​ണ്. എ​ല്ലാ​വ​രോ​ടും വ​ലി​യ സ്‌​നേ​ഹ​മാ​യി​രു​ന്നു അ​വ​ന്. കു​ടും​ബാം​ഗ​ത്തെ പോ​ലെ​യാ​യി​രു​ന്നു. ത​ന്നെ ക​ട്ടി​ലി​ല്‍നി​ന്ന്​ ഉ​യ​ർ​ത്താ​നും ഫി​സി​യോ തെ​റാ​പ്പി ചെ​യ്യാ​നും സ​ഹാ​യി​ക്കും. ക​ഴി​ഞ്ഞ​ദി​വ​സം മു​ണ്ട്​ സ​മ്മാ​ന​മാ​യി ന​ൽ​കി. അ​വ​ന​ത്​ ഉ​ടു​ത്തി​രു​ന്നോ​യെ​ന്ന് അ​റി​യി​ല്ലെ​ന്ന്​ പ​റ​യു​മ്പോ​ഴേ​ക്കും ബ്രി​ട്ടോ​യു​ടെ ക​ണ്ണു​ക​ൾ നി​റ​ഞ്ഞൊ​ഴു​കി.  

ക​ടു​ത്ത സാ​മ്പ​ത്തി​ക ബു​ദ്ധി​മു​ട്ടും ജീ​വി​ത പ്രാ​ര​ബ്​​ധ​ങ്ങ​ളും അ​വ​നെ വ​ല​ച്ചി​രു​ന്നു. വീ​ട്ടി​ൽ​പോ​കാ​ൻ പൈ​സ​യി​ല്ലെ​ങ്കി​ൽ​പോ​ലും കൊ​ടു​ത്താ​ൽ വാ​ങ്ങാ​ത്ത പ്ര​കൃ​തം. ഭ​ക്ഷ​ണം കൊ​ടു​ത്താ​ൽ ഹോ​സ്​​റ്റ​ലി​ൽ ആ​രും ക​ഴി​ച്ചി​ട്ടു​കൂ​ടി​യി​ല്ലെ​ന്നു പ​റ​ഞ്ഞാ​യി​രു​ന്നു അ​വ​ന​ത് ക​ഴി​ച്ചി​രു​ന്ന​ത്. സ​ഹ​ജീ​വി​ക​ളോ​ടു​ള്ള അ​വ​​െൻറ സ്നേ​ഹം എ​ന്നി​ലു​ണ്ടാ​ക്കി​യ മ​തി​പ്പി​ന്​ പ​രി​ധി​യി​ല്ലാ​യി​രു​ന്നെ​ന്നും ക​ണ്ണീ​രോ​ടെ അ​ദ്ദേ​ഹം ഓ​ർ​ക്കു​ന്നു.