അഭിമന്യു വധം: അന്വേഷണം കേരളത്തിന്​ പുറത്തേക്ക്​

കൊച്ചി: എറണാകുളം മഹാരാജാസ്​ കോളജ്​ വിദ്യാർഥിയും എസ്​.എഫ്​.​െഎ പ്രവർത്തകനുമായ അഭിമന്യുവിനെ കൊലപ്പെടുത്തിയ സംഭവത്തിൽ അന്വേഷണം കേരളത്തിന്​ പുറത്തേക്ക്​. സംഭവവുമായി നേരിട്ട്​ ബന്ധമുള്ള പ്രതികൾ സംസ്​ഥാനം വി​െട്ടന്ന സംശയത്തി​​െൻറ അടിസ്​ഥാനത്തിലാണ്​ ബംഗളൂരു, കുടക്​, മൈസൂരു എന്നിവിടങ്ങളിലേക്ക്​ അന്വേഷണം വ്യാപിപ്പിച്ചത്​. അന്വേഷണച്ചുമതല സർക്കിളിൽനിന്ന്​ അസിസ്​റ്റൻറ്​ കമീഷണർക്ക്​ കൈമാറി. 

സംഭവത്തിൽ നാലുപേരാണ്​ അറസ്​റ്റിലായത്​. 15 അംഗ സംഘമാണ്​ കൊലപാതകം നടത്തിയതെന്നും ഇവർ​ എസ്​.ഡി.പി.​െഎ, കാമ്പസ്​ ഫ്രണ്ട്​ എന്നീ സംഘടനകളുമായി ബന്ധമുള്ളവരാണെന്നുമാണ്​ പൊലീസ്​ കണ്ടെത്തൽ. കൊലപാതകവുമായി നേരിട്ട്​ ബന്ധമുള്ള ബാക്കി പ്രതികളെ തിരിച്ചറിഞ്ഞതായും ആറുപേർ എറണാകുളം നെട്ടൂർ സ്വദേശികളാണെന്നുമാണ്​ പൊലീസ്​ പറയുന്നത്​. ഇവർ ഒളിവിലാണ്​.

മുഖ്യപ്രതിയെന്ന്​ കരുതുന്ന വടുതല സ്വദേശി മുഹമ്മദും കുടുംബവും സ്​ഥലത്തില്ല. പ്രതികൾ രാജ്യംവിട്ടുപേകാതിരിക്കാൻ മുൻകരുതൽ സർക്കുലർ പുറപ്പെടുവിക്കുകയും വിമാനത്താവളങ്ങളിൽ ജാഗ്രതനിർദേശം നൽകുകയും ചെയ്​തിട്ടുണ്ട്​. എത്താനിടയുള്ള സ്​ഥലങ്ങളിലെല്ലാം തിരച്ചിൽ നടത്താനാണ്​ തീരുമാനം. അറസ്​റ്റ്​ വൈകാതെ ഉണ്ടാകുമെന്ന്​ സിറ്റി പൊലീസ്​ കമീഷണർ എം.പി. ദിനേശ്​ പറഞ്ഞു​. 

എറണാകുളം സെൻട്രൽ സി.​െഎ അനന്തലാലിനായിരുന്നു അന്വേഷണ ചുമതല. കൺട്രോൾ റൂം അസി. കമീഷണർ എസ്​.ടി. സുരേഷ്​കുമാറിനാണ്​ പുതുതായി ചുമതല നൽകിയിരിക്കുന്നത്​. അന്വേഷണം വിപുലപ്പെടുത്തുന്നതി​​െൻറ ഭാഗമാണ്​ മാറ്റം. സംഭവം നടന്ന്​ അഞ്ചുദിവസം കഴിഞ്ഞിട്ടും കൊലയാളിയെ അടക്കം അറസ്​റ്റ്​ ചെയ്യാൻ കഴിയാത്തതി​​െൻറ സമ്മർദവും പൊലീസിന്​ മേലുണ്ട്​.