അഭിമന്യു വധം: രണ്ട്​ പ്രതികൾക്ക്​ ജാമ്യം, മൂന്നാം പ്രതിയുടെ ജാമ്യാപേക്ഷ തള്ളി

കൊച്ചി: മഹാരാജാസ്​ കോളജ്​ വിദ്യാർഥിയായിരുന്ന അഭിമന്യുവിനെ ​െകാലപ്പെടുത്തിയ കേസിലെ രണ്ടു പ്രതികൾക്ക് ഹൈ​ േകാടതിയുടെ ജാമ്യം. അതേസമയം കേസിലെ മൂന്നാം ​പ്രതിയുടെ ജാമ്യ ഹരജി തള്ളി. നാലും അഞ്ചും പ്രതികളായ ബിലാൽ സജി (19), ഫാറൂ ഖ് അമാനി (19) എന്നിവർക്കാണ് കർശന ഉപാധികളോടെ ജസ്​റ്റിസ്​ സുനിൽ തോമസ്​ ജാമ്യം അനുവദിച്ചത്. ഫോർട്ട് കൊച്ചി സ്വദേശി റിയാസ് ഹുസൈ​​​​െൻറ (37) ജാമ്യ ഹരജിയാണ്​ തള്ളിയത്​.

പ്രതികൾക്ക്​ ജാമ്യം നൽകുന്നത് ഒളിവിലുള്ള മറ്റു പ്രതികളെ കണ്ടെത്താൻ തടസ്സമാവുമെന്നും തെളിവ്​ നശിപ്പിക്കാനിടയാവുമെന്നും പ്രോസിക്യൂഷൻ വാദിച്ചിരുന്നു. കൊലപാതകം, വധശ്രമം, ക്രിമിനൽ ഗൂഢാലോചന, അന്യായമായി സംഘം ചേരൽ, മാരകായുധങ്ങളുപയോഗിച്ച് മുറിവേൽപിക്കൽ തുടങ്ങിയ കുറ്റങ്ങളാണ് കുറ്റപത്രത്തിൽ ചുമത്തിയിരുന്നത്​.

കുറ്റകൃത്യത്തിൽ മൂന്നാം പ്രതിയുടെ പങ്കാളിത്തവും പ്രോസിക്യൂഷൻ ചൂണ്ടിക്കാട്ടിയിരുന്നു. അതേസമയം, തങ്ങൾക്ക് പ്രായം കുറവാണെന്നും ക്രിമിനൽ പശ്ചാത്തലമില്ലെന്നും അതിനാൽ ജാമ്യം അനുവദിക്കണമെന്നുമായിരുന്നു നാലും അഞ്ചും പ്രതികളുടെ വാദം. തുടർന്നാണ്​ കർശനമായ ജാമ്യ വ്യവസ്ഥകളോടെ രണ്ട്​ പേർക്ക്​ ജാമ്യം അനുവദിച്ചത്​.