പുനലൂരിൽ അബ്​ദുറഹ്​മാൻ രണ്ടത്താണി ലീഗ്​ സ്​ഥാനാർഥി; പി.എം.എ സലാം സംസ്​ഥാന ജനറൽ സെക്രട്ടറി

മലപ്പുറം: പുനലൂരിൽ അബ്​ദുറഹ്​മാൻ രണ്ടത്താണിയെ മുസ്​ലിം ലീഗ്​ സ്​ഥാനാർഥിയായി പ്രഖ്യാപിച്ചു. മുസ്​ലിം ലീഗ്​ സംസ്​ഥാന ജനറൽ സെക്രട്ടറിയുടെ ചുമതല പി.എം.എ സലാമിന്​ നൽകി. തിരൂരങ്ങാടിയിൽ കെ.പി.എ മജീദിനെ മാറ്റി പി.എം.എ സലാമിനെ സ്​ഥാനാർഥിയാക്കണമെന്ന​ ആവശ്യം പ്രവർത്തകർ ഉന്നയിച്ചിരുന്നു. ഇതിന്​ പകരമായാണ്​ ജനറൽ സെക്രട്ടറിയുടെ ചുമതല നൽകിയത്​. അതേസമയം, പേരാ​മ്പ്രയിലെ സ്​ഥാനാർഥി പ്രഖ്യാപനം നീളുകയാണ്​.

നിയമസഭ തെരഞ്ഞെടുപ്പിൽ മത്സരിക്കുന്ന മുസ്ലിംലീഗ് സ്ഥാനാര്‍ഥികളെ പാർട്ടി അധ്യക്ഷൻ പാണക്കാട് ഹൈദരലി ശിഹാബ് തങ്ങൾ കഴിഞ്ഞദിവസമാണ്​ പ്രഖ്യാപിച്ചത്​. എന്നാൽ, അന്ന്​ പേരാ​മ്പ്രയിലെയും പുനലൂരിലെയും സ്​ഥാനാർഥികളെ പ്രഖ്യാപിച്ചിരുന്നില്ല.

അബ്​ദുറഹ്​മാൻ രണ്ടത്താണി നിലവിൽ മുസ്​ലിം ലീഗ്​ സംസ്​ഥാന സെക്രട്ടറിയാണ്​. 2006ലും 2011ലും താനൂർ മണ്ഡലത്തിൽനിന്ന്​​ നിയമസഭയിലെത്തി. എന്നാൽ, 2016ൽ എൽ.ഡി.എഫിലെ വി. അബ്​ദുറഹിമാനോട്​ പരാജയപ്പെട്ടു.

യു.​ഡി.​എ​ഫി​ൽ ഇ​തു​വ​രെ കേ​ര​ള കോ​ൺ​ഗ്ര​സ് (എം) ​ആ​യി​രു​ന്നു പേ​രാ​മ്പ്ര​യി​ൽ മ​ത്സ​രി​ച്ചി​രു​ന്ന​ത്. ഇ​വ​ർ മു​ന്ന​ണി വി​ട്ട​തോ​ടെയാണ്​ മു​സ്​​ലിം ലീ​ഗ്​ മത്സരിക്കുന്നത്​.

ഇവിടെ എം.​എ​സ്.​എ​ഫ് മു​ൻ സം​സ്ഥാ​ന പ്ര​സി​ഡ​ൻ​റ് മി​സ്ഹ​ബ് കീ​ഴ​രി​യൂ​രി​നെ സ്ഥാ​നാ​ർ​ഥി​യാ​യി പ​രി​ഗ​ണി​ക്കു​ന്നു​ണ്ടെ​ന്ന് ലീ​ഗ് പ്ര​വ​ർ​ത്ത​ക​രു​ടെ വാ​ട്സ് ആ​പ്പ് ഗ്രൂ​പ്പി​ൽ പ്ര​ച​രി​ക്കു​ന്നു​ണ്ട്.

എ​ന്നാ​ൽ, ഒ​രു അ​പ്ര​തീ​ക്ഷി​ത സ്ഥാ​നാ​ർ​ഥി വ​രു​മെ​ന്നാ​ണ് ചി​ല ലീ​ഗ് കേ​ന്ദ്ര​ങ്ങ​ളി​ൽ​നി​ന്ന്​ ല​ഭി​ക്കു​ന്ന വി​വ​രം. മ​ന്ത്രി ടി.​പി. രാ​മ​കൃ​ഷ്ണ​നെ നേ​രി​ടാ​ൻ ക​രു​ത്ത​ൻ​ത​ന്നെ വേ​ണ​മെ​ന്നാ​ണ് യു.​ഡി.​എ​ഫ് അ​ണി​ക​ൾ ചൂ​ണ്ടി​ക്കാ​ണി​ക്കു​ന്ന​ത്.

മുസ്​ലിം ലീഗ്​ സ്​ഥാനാർഥികൾ:

വേങ്ങര: പി.കെ കുഞ്ഞാലിക്കുട്ടി

മഞ്ചേരി: യു.എ ലത്തീഫ്​

മലപ്പുറം: പി.ഉബൈദുല്ല

ഏറനാട്​: പി.കെ ബഷീർ

കൊണ്ടോട്ടി: ടി.വി ഇബ്രാഹീം

കോട്ടക്കൽ: ആബിദ് ഹുസൈൻ​ തങ്ങൾ

പെരിന്തൽമണ്ണ:നജീബ്​ കാന്തപുരം

മങ്കട: മഞ്ഞളാംകുഴി അലി

തിരൂർ: കുറുക്കോളി മൊയ്​തീൻ

താനൂർ: പി.കെ ഫിറോസ്​

തിരൂരങ്ങാടി: കെ.പി.എ മജീദ്​

വള്ളിക്കുന്ന്​: ഹമീദ്​ മാസ്റ്റർ

കോഴിക്കോട്​ സൗത്ത്​: അഡ്വ.നൂർബിന റഷീദ്​

കുറ്റ്യാടി: പാറക്കൽ അബ്​ദുല്ല

കൊടുവള്ളി: എം.കെ മുനീർ

കുന്ദമംഗലം: ദിനേഷ്​ പെരുമണ്ണ (സ്വത)

തിരുവമ്പാടി: സി.പി ചെറിയ മുഹമ്മദ്​

അഴീക്കോട്​: കെ.എം ഷാജി

കാസർകോട്​: എൻ.എ നെല്ലിക്കുന്ന്​

മഞ്ചേശ്വരം: എ.കെ.എം അഷ്​റഫ്​

മണ്ണാർക്കാട്​: എൻ.ഷംസുദ്ദീൻ

ഗുരുവായൂർ: കെഎൻ.എ ഖാദർ

കളമശ്ശേരി: അഡ്വ.വി.ഇ ഗഫൂർ

കൂത്തുപറമ്പ്​: പൊട്ടൻകണ്ടി അബ്​ദുല്ല

കോങ്ങാട്​: യു.സി രാമൻ

പുനലൂർ: അബ്​ദുറഹ്​മാൻ രണ്ടത്താണി

എം.പി അബ്​ദുസമദ്​ സമദാനി ലോക്​സഭയിലേക്കും ഒഴിവുവരുന്ന രാജ്യസഭ സീറ്റിലേക്ക്​ പി.വി അബ്​ദുൽ വഹാബും മത്സരിക്കും.