മഅ്​ദനിക്ക്​ വികാര നിർഭര വരവേൽപ്​​ VIDEO

ശാസ്​താംകോട്ട: രോഗികളായ മാതാപിതാക്കളെ കാണുന്നതിനും മക​​​െൻറ വിവാഹം നടത്തുന്നതിനും സുപ്രീംകോടതി അനുമതിയോടെ ജന്മനാട്ടിലെത്തിയ മഅ്​ദനിക്ക്​ വികാര നിർഭര വരവേൽപ്​​. ജാതി മത ഭേദ​മെന്യെ നൂറുകണക്കിന്​ പേർ അദ്ദേഹത്തെ വരവേൽക്കാൻ ഒത്തുകൂടി. ഇളയ സഹോദര​​​െൻറ വീട്ടിൽ തങ്ങുന്ന മാതാപിതാക്ക​െള കണ്ടപ്പോൾ തേങ്ങലും കണ്ണീരും അകമ്പടിയായി. രാത്രി 10 ഒാടെയാണ്​ മഅ്​ദനി അൻവാർശ്ശേരിക്ക്​ സമീപം സഹോദര​ൻ ഹസ​​​െൻറ വീട്ടിലെത്തിയത്​. 

പി.ഡി.പി വർക്കിങ്​ ചെയർമാൻ പൂന്തുറ സിറാജ്​, വൈസ്​ ചെയർമാൻ സുബൈർ സബാഹി, ജില്ല പ്രസിഡൻറ്​ മൈലക്കാട്​ ഷാ, ജനറൽ സെക്രട്ടറി നിസാർ മേത്തർ, കാഞ്ഞിരമറ്റം സിറാജ്​, താഹ ഇസ്​മായിൽ എന്നിവർ അദ്ദേഹത്തെ അനുഗമിച്ചു. പിതാവ്​ ടി.എ. അബ്​ദുൽ സമദ്​ മാസ്​റ്ററും മാതാവ്​ അസുമാബീവിയും ഇരുന്ന മുറിയിലേക്ക്​ സഹായികൾ മഅ്​ദനിയെ ചക്രക്കസേരയിൽ എടുത്തുകൊണ്ടുപോയി. പക്ഷാഘാതം ബാധിച്ച പിതാവും അർബുദ ബാധിതയായ മാതാവും തങ്ങളുടെ മകനെ നീണ്ട ഇടവേളക്ക്​ ശേഷമാണ്​ കണ്ടത്​. 

ഒരുമണിക്കൂർ ചെലവഴിച്ച ശേഷം മഅ്​ദനി അൻവാർശ്ശേരിയിലേക്ക്​ പോയി. റൂറൽ എസ്​.പി ബി. അശോക​​​െൻറ നേതൃത്വത്തിൽ വൻ പൊലീസ്​ സന്നാഹം മഅ്​ദനിക്ക്​ അകമ്പടിയായി.