Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right'കേന്ദ്രമന്ത്രിക്കും...

'കേന്ദ്രമന്ത്രിക്കും കുറച്ച്​ പരിസരബോധമാകാം, ഏത് കോടതിയാണ് എന്നെ ശിക്ഷിച്ചത്'; വി.മുരളീധരനോട്​ അബ്​ദുന്നാസിർ മഅ്​ദനി

text_fields
bookmark_border
Abdul Nasir Maudany Politician against v muraleedharan
cancel

കേന്ദ്രമന്ത്രി വി.മുരളീധര​െൻറ തന്നെക്കുറിച്ചുള്ള തെറ്റായ പരാമർത്തിനെതിരേ അബ്​ദുന്നാസിർ മഅ്​ദനി. കോടതി ശിക്ഷിച്ച പ്രതിയാണ്​ അബ്​ദുന്നാസിർ മഅ്​ദനിയെന്ന മുരളീധര​െൻറ പരാമർശത്തിനെതിരായാണ്​ അദ്ദേഹം സമൂഹമാധ്യമത്തിൽ പ്രതിഷേധിച്ചത്​. ഏത്​ കോടതിയാണ്​ തന്നെ ശിക്ഷിച്ചതെന്നും എപ്പോഴായിരുന്നു അതെന്നും മഅ്​ദനി ഫേസ്​ബുക്കിൽ ചോദിച്ചു. 'കേന്ദ്രമന്ത്രിക്കും കുറച്ച്​ പരിസരബോധവും നിയമവിവരവുമൊക്കെ ആകാവുന്നതാണ്​. വല്ലപ്പോഴുമൊക്കെ സത്യവും പറഞ്ഞു ശീലിക്കുന്നത് നല്ലതാണ്. മാന്യന്മാരൊക്കെ ഇരിന്നിട്ടുള്ള പദവിയോട് അൽപ്പമെങ്കിലും നീതി കാട്ടലാകാമല്ലോ'-അദ്ദേഹം കുറിച്ചു.


അബ്​ദുന്നാസിര്‍ മഅ്ദനിയെ തെളിവി​െൻറ അടിസ്ഥാനത്തില്‍ ഇന്ത്യയിലെ നീതിന്യായ കോടതി ശിക്ഷിച്ചിരുന്നെന്നും, ആ ശിക്ഷിച്ച ആളുകളെ തുറന്നു വിടണം എന്നാവശ്യപ്പെട്ട് കേരള നിയമസഭ പ്രമേയം പാസാക്കിയിരുന്നു എന്നുമാണ് മുരളീധരന്‍ പറഞ്ഞത്. പ്രഗ്യാസിങ്​ ഠാക്കൂറുമായി ബന്ധപ്പെട്ട ചോദ്യം മാധ്യമപ്രവർത്തകർ ചോദിച്ചപ്പോഴായിരുന്നു മുരളീധര​െൻറ തെറ്റായ ആരോപണം.

'കേന്ദ്രമന്ത്രിക്കും കുറച്ചു പരിസരബോധവും നിയമവിവരവുമൊക്കെ ആകാവുന്നതാണ്. ഏത് കോടതിയാണ് ശിക്ഷിച്ചത്? എപ്പോഴായിരുന്നു അത് ? വല്ലപ്പോഴുമൊക്കെ സത്യവും പറഞ്ഞു ശീലിക്കുന്നത് നല്ലതാണ്.മാന്യന്മാരൊക്കെ ഇരിന്നിട്ടുള്ള പദവിയോട് അൽപ്പമെങ്കിലും നീതി കാട്ടലാകാമല്ലോ'-മഅ്​ദനി ഫേസ്​ബുക്കിൽ എഴുതി.

മുരളീധരന്‍ സംസാരിക്കുന്ന വീഡിയോയും അദ്ദേഹം പങ്കുവച്ചിട്ടുണ്ട്​. 1998ലെ കോയമ്പത്തൂര്‍ സ്‌ഫോടന കേസില്‍ പങ്കുണ്ടെന്നാരോപിച്ചാണ് മഅ്ദനിയെ കസ്റ്റഡിയിലെടുക്കുന്നത്. ഒമ്പത് വര്‍ഷക്കാലം വിചാരണ തടവുകാരനായി കഴിഞ്ഞ ശേഷം നിരപരാധിയെന്നു കണ്ട് 2007ല്‍ പ്രത്യേക കോടതി അദ്ദേഹത്തെ വെറുതെ വിടുകയായിരുന്നു.

Show Full Article
TAGS:Abdul Nasir Maudany Maudany v muraleedharan minister 
News Summary - Abdul Nasir Maudany against v.muraleedharan
Next Story