ഇപ്പോഴും ഇരുട്ടിലാണ്​ ആമചാടി തേവനെന്ന പോരാളി

കോ​ട്ട​യം: അ​യി​ത്തം ആ​രോ​പി​ച്ച്​ മാ​റ്റി​നി​ർ​ത്തി​യ വൈ​ക്ക​ത്തെ ക്ഷേ​ത്ര​വ​ഴി​ക​ൾ താ​നു​ൾ​പ്പെ​ടു​ന്ന സ​മൂ​ഹ​ത്തി​നു തു​റ​ന്നു​കി​ട്ടാ​ൻ ആ​മ​ചാ​ടി തേ​വ​ൻ ന​ഷ്ട​പ്പെ​ടു​ത്തി​യ​ത്​ ത​ന്‍റെ ജീ​വി​ത​ത്തി​ലെ വെ​ളി​ച്ച​മാ​ണ്. സ​ത്യ​ഗ്ര​ഹം 100 വ​യ​സ്സി​ലെ​ത്തു​മ്പോ​ഴും ആ ​ന​വോ​ത്ഥാ​ന നാ​യ​ക​ൻ അ​വ​ഗ​ണ​ന​യു​ടെ ഇ​രു​ട്ടി​ലാ​ണ്.

അ​ന്യാ​ധീ​ന​പ്പെ​ട്ട ഭൂ​മി വി​ട്ടു​കി​ട്ടാ​ൻ തേ​വ​ന്‍റെ ഇ​ള​യ​മ​ക​ൻ പ്ര​ഭാ​ക​ര​ൻ 81ാംവ​യ​സ്സി​ലും മു​ട്ടാ​ത്ത വാ​തി​ലു​ക​ളി​ല്ല. തേ​വ​ന്‍റേ​താ​യി അ​വ​ശേ​ഷി​ക്കു​ന്ന വീ​ടും ക​ല്ല​റ​യും വീ​ണ്ടു​കി​ട്ടാ​ൻ ഈ ​വ​യോ​ധി​ക​ൻ ഇ​പ്പോ​ഴും അ​ല​യു​ക​യാ​ണ്.

സാ​മൂ​ഹി​ക പ​രി​ഷ്​​ക​ർ​ത്താ​വ്​ എ​ന്ന നി​ല​യി​ൽ സ​ർ​ക്കാ​ർ പ​തി​ച്ചു​ന​ൽ​കി​യ​താ​ണ്​ ആ​മ​ചാ​ടി തു​രുത്തി​ലെ ഒ​രേ​ക്ക​ർ മൂ​ന്നു​സെ​ന്‍റ്​ കാ​യ​ൽ​നി​ലം. ഇ​വി​ടെ​യാ​ണ്​ തേ​വ​ൻ മ​ര​ണം വ​രെ കു​ടും​ബ​​മൊ​ന്നി​ച്ചു​ താ​മ​സി​ച്ചി​രു​ന്ന​ത്​.​ തേ​വ​ന്‍റെ ഭാ​ര്യ​യു​ടെ മൃ​ത​ദേ​ഹം അ​ട​ക്കി​യ​തും ഈ ​മ​ണ്ണി​ലാ​ണ്. ​

തേ​വ​ന്‍റെ കാ​ല​ത്ത്​ സാ​മ്പ​ത്തി​ക ആ​വ​ശ്യം വ​ന്ന​പ്പോ​ൾ 60 സെ​ന്‍റ്​ പ​ണ​യം വെ​ച്ച​താ​ണ്​ എ​ന്നാ​ണ്​ പ്ര​ഭാ​ക​ര​ൻ പ​റ​യു​ന്ന​ത്. പി​ന്നീ​ട്​ ഭൂ​മി തി​രി​ച്ചു​കി​ട്ടി​യി​ട്ടി​ല്ല. മാ​ത്ര​മ​ല്ല ബാ​ക്കി 43 സെ​ന്‍റ്​ കൈ​യേ​റു​ക​യും ക​ല്ല​റ മ​ണ്ണി​ട്ടു​മൂ​ടു​ക​യും ചെ​യ്ത​താ​യി പ്ര​ഭാ​ക​ര​ൻ ആ​രോ​പി​ക്കു​ന്നു. റീ​സ​ർ​വേ പ്ര​കാ​രം ഭൂ​മി മ​റ്റൊ​രാ​ളു​ടെ പേ​രി​ലാ​ണ്​. തേ​വ​ന്‍റെ ഭൂ​മി ഭാ​ഗം വെ​ച്ചു കി​ട്ടി​യ ബ​ന്ധു​ക്ക​ൾ ത​നി​ക്കു വി​റ്റ​താ​ണെ​ന്നാ​ണ്​ ആ​രോ​പ​ണ​വി​ധേ​യ​ന്‍റെ വി​ശ​ദീ​ക​ര​ണം.

അ​ങ്ങ​നെ​യ​ല്ലെ​ന്നു പ്ര​ഭാ​ക​ര​നും പ​റ​യു​ന്നു. ശ​താ​ബ്​​ദി ആ​ഘോ​ഷ​വേ​ള​യി​ലെ​ങ്കി​ലും ത​ന്‍റെ പി​താ​വി​ന്‍റെ പേ​രി​ലു​ള്ള ഭൂ​മി തി​രി​ച്ചെ​ടു​ത്തു​ത​ര​ണ​മെ​ന്നാ​ണ്​ ക​ണ്ണീ​രോ​ടെ പ്ര​ഭാ​ക​ര​ന്‍റെ അ​പേ​ക്ഷ. അ​ല്ലെ​ങ്കി​ൽ വീ​ടും ക​ല്ല​റ​യും ഉ​ൾ​പ്പെ​ട്ട സ്ഥ​ലം സ​ർ​ക്കാ​ർ ഏ​റ്റെ​ടു​ത്ത്​ സം​ര​ക്ഷി​ക്ക​ണം. തേ​വ​ന്‍റെ ഫോ​ട്ടോ​പോ​ലും പ്ര​ഭാ​ക​ര​ന്‍റെ കൈ​യി​ലി​ല്ല.

തു​രു​ത്തി​ലെ വെ​ള്ള​പ്പൊ​ക്ക​ത്തി​ൽ എ​ല്ലാം ന​ശി​ച്ചു. അ​മ്മ​യു​ണ്ടാ​യി​രു​ന്ന കാ​ല​ത്ത്​ എ​ന്നും പി​താ​വി​ന്‍റെ ക​ല്ല​റ​യി​ൽ തി​രി​കൊ​ളു​ത്തു​മാ​യി​രു​ന്നു. നേ​ര​ത്തേ പ്ര​ഭാ​ക​ര​ൻ വ​ള്ള​ത്തി​ൽ തു​രു​ത്തി​ൽ പോ​യി ക​ല്ല​റ വൃ​ത്തി​യാ​ക്കി​യി​ടു​മാ​യി​രു​​ന്നെ​ങ്കി​ലും പ്രാ​യാ​ധി​ക്യം മൂ​ലം ഇ​​പ്പോ​ൾ വ​യ്യ. വ​ലി​യ പൂ​വ​ര​ശി​ൻ കീ​ഴെ ര​ണ്ടു മു​റി​യു​ള്ള കു​ഞ്ഞു​വീ​ട്​ ഇ​ടി​ഞ്ഞു​വീ​ഴാ​റാ​യ നി​ല​യി​ലാ​ണ്. അ​ഡീ​ഷ​ന​ൽ വി​ല്ലേ​ജ്​ അ​സി​സ്റ്റ​ന്‍റാ​യി വി​ര​മി​ച്ച പ്ര​ഭാ​ക​ര​ൻ അ​വി​വാ​ഹി​ത​നാ​ണ്. പൂ​ത്തോ​ട്ട ജ​ങ്കാ​ർ​ജെ​ട്ടി​ക്കു സ​മീ​പം ഒ​റ്റ​ക്കാ​ണ്​ താ​മ​സം.

വി​ര​മി​ച്ച​പ്പോ​ൾ കി​ട്ടി​യ പ​ണം ഉ​പ​യോ​ഗി​ച്ച്​ വാ​ങ്ങി​യ​താ​ണ്​ പൂ​ത്തോ​ട്ട​യി​ലെ ഏ​ഴു​സെ​ന്‍റ്​ ഭൂ​മി. ര​ണ്ടു വി​വാ​ഹ​ത്തി​ലാ​യി 12 മ​ക്ക​ളാ​ണ്​ തേ​വ​ന്. ആ​ദ്യ​ഭാ​ര്യ മ​രി​ച്ച ശേ​ഷ​മാ​യി​രു​ന്നു​ ര​ണ്ടാം വി​വാ​ഹം. ആ ​വി​വാ​ഹ​ത്തി​ലെ എ​ട്ടാ​മ​നാ​യ​ പ്ര​ഭാ​ക​ര​ൻ മാ​ത്ര​മാ​ണ്​ മ​ക്ക​ളി​ൽ അ​വ​ശേ​ഷി​ക്കു​ന്ന​ത്.

സ​മ​ര​ച​രി​ത്ര​ത്തി​ലെ നേ​താ​ക്ക​ളെ​ല്ലാം അ​ന്നു​മി​ന്നും വാ​ഴ്ത്ത​പ്പെ​ടു​ന്നു​ണ്ടെ​ങ്കി​ലും അ​വി​ടെ​യൊ​ന്നും തേ​വ​ൻ എ​ന്ന ദ​ലി​ത​​നെ കാ​ണാ​നാ​വി​ല്ല. തേ​വ​നെ തേ​ടി​ച്ചെ​ല്ലു​ന്ന​വ​രെ കാ​ത്ത്​ പൂ​ത്തോ​ട്ട​യി​ൽ പ്ര​ഭാ​ക​ര​ൻ എ​ന്നു​മു​ണ്ടാ​ക​ണ​മെ​ന്നു​മി​ല്ല. തു​രു​ത്തി​ലെ ആ ​വീ​ടും പു​ര​യി​ട​വും ഇ​ല്ലാ​താ​വു​ന്ന​തോ​ടെ ഇ​ങ്ങ​നെ​യൊ​രാ​ൾ ജീ​വി​ച്ചി​രു​ന്നു എ​ന്ന​തി​ന്‍റെ തെ​ളി​വും ഈ ​ലോ​ക​ത്തു​നി​ന്ന്​ അ​പ്ര​ത്യ​ക്ഷ​മാ​വും.

എ​ന്താ​ണ്​ സം​ഭ​വി​ച്ച​തെ​ന്ന്​ റ​വ​ന്യൂ വി​ഭാ​ഗം അ​ന്വേ​ഷി​ക്കും -സി.​കെ. ആ​ശ

കോ​ട്ട​യം: ഭൂ​മി​യു​ടെ കാ​ര്യ​ത്തി​ൽ എ​ന്താ​ണു സം​ഭ​വി​ച്ച​തെ​ന്ന്​ റ​വ​ന്യൂ വി​ഭാ​ഗം അ​ന്വേ​ഷി​ച്ചു​വ​രു​ക​യാ​ണെ​ന്ന്​ സി.​കെ. ആ​ശ എം.​എ​ൽ.​എ പ​റ​ഞ്ഞു. ക​ഴി​ഞ്ഞ സ​ർ​ക്കാ​റി​ന്‍റെ കാ​ലം മു​ത​ൽ താ​ൻ വി​ഷ​യ​ത്തി​ൽ ഇ​ട​പെ​ടു​ന്നു​ണ്ട്. ഭൗ​തി​ക ശ​രീ​രം അ​ട​ക്കി​യ ഭൂ​മി നി​ല​വി​ൽ മ​റ്റൊ​രാ​ളു​ടെ പേ​രി​ലാ​ണ്. ത​നി​ക്ക്​ വി​റ്റ​താ​ണെ​ന്നാ​ണ്​ സ്ഥ​ലം കൈ​വ​ശം വെ​ച്ചി​രി​ക്കു​ന്ന​യാ​ൾ പ​റ​യു​ന്ന​ത്. അ​ത്​ ക​​ണ്ടെ​ത്തേ​ണ്ട​ത്​ റ​വ​ന്യൂ വ​കു​പ്പാ​ണ്.

ന​ട​പ​ടി​ക​ൾ അ​ന്തി​മ​ഘ​ട്ട​ത്തി​ലാ​യി​ട്ടി​ല്ല. ബ​ന്ധു​ക്ക​ൾ കൈ​മാ​റി​യ​താ​ണെ​ങ്കി​ൽ ഭൂ​മി വി​ല​കൊ​ടു​ത്തു വാ​ങ്ങി ന​ൽ​കും. കൈ​യേ​റ്റ​മാ​ണെ​ങ്കി​ൽ ഒ​ഴി​പ്പി​ക്കും. തേ​വ​ന്‍റെ സ്മൃ​തി അ​വി​ടെ നി​ല​നി​ർ​ത്ത​ണ​മെ​ന്നു​ത​ന്നെ​യാ​ണ്​ സ​ർ​ക്കാ​റും എം.​എ​ൽ.​എ എ​ന്ന നി​ല​യി​ൽ താ​നും ആ​ഗ്ര​ഹി​ക്കു​ന്ന​ത്. സ​ർ​ക്കാ​ർ​ അ​തി​നു​ള്ള ഇ​ട​പെ​ട​ലു​ക​ൾ ന​ട​ത്തി​വ​രു​ക​യാ​ണെ​ന്നും എം.​എ​ൽ.​എ വ്യ​ക്ത​മാ​ക്കി.

ആമചാടി തേവൻ

വൈ​ക്കം സ​ത്യ​ഗ്ര​ഹ​ച​രി​ത്ര​ത്തി​​ൽ മാ​ത്ര​മ​ല്ല പൂ​ത്തോ​ട്ട സം​ഭ​വ​ത്തി​ലും ഉ​ൾ​പ്പെ​ട്ട പോ​രാ​ളി​യാ​ണ്​ ആ​മ​ചാ​ടി തേ​വ​ൻ എ​ന്ന ക​ണ്ണ​ൻ തേ​വ​ൻ. പു​ല​യ സ​മു​ദാ​യ അം​ഗ​മാ​യ തേ​വ​ൻ ജ​നി​ച്ചു​വ​ള​ർ​ന്ന​ത്​ ആ​ല​പ്പു​ഴ​യി​ലെ പെ​രു​മ്പ​ളം ദ്വീ​പി​ലാ​ണ്. ക​ണ്ണോ​ത്തു ത​റ​വാ​ട്ടി​ലെ പ​ണി​ക്ക​രാ​യി​രു​ന്ന മാ​താ​പി​താ​ക്ക​ൾ ക​ണ്ണ​നും കാ​ളി​യും വ​സൂ​രി ബാ​ധി​ച്ചു മ​രി​ച്ച​ശേ​ഷം തേ​വ​നെ വ​ള​ർ​ത്തി​യ​ത്​ അ​വി​ട​ത്തെ അ​ച്ചു​ക്കു​ട്ടി ത​മ്പു​രാ​ട്ടി​യാ​ണ്. മ​ക്ക​​ളോ​ടൊ​പ്പ​മി​രു​ത്തി അ​വ​ർ തേ​വ​നെ​യും അ​ക്ഷ​രം പ​ഠി​പ്പി​ച്ചു.

സ​മൂ​ഹ​ത്തി​ൽ അ​ധഃ​സ്ഥി​ത വി​ഭാ​ഗ​ങ്ങ​ൾ അ​നു​ഭ​വി​ക്കു​ന്ന വി​വേ​ച​ന​ങ്ങ​ൾ ചോ​ദ്യം ചെ​യ്ത​തോ​ടെ സ​വ​ർ​ണ​വി​ഭാ​ഗ​ത്തി​ന്‍റെ ക​ണ്ണി​ലെ ക​ര​ടാ​യി തേ​വ​ൻ. സ​വ​ർ​ണ​രെ പേ​ടി​ച്ച്​ ദ​ലി​ത്​ സ​മു​ദാ​യ അം​ഗ​ങ്ങ​ൾ സ​മ​ര​ത്തി​ൽ ക​ട​ന്നു​വ​രാ​ൻ പ്ര​ത്യ​ക്ഷ​ത്തി​ൽ ധൈ​ര്യം കാ​ണി​ക്കാ​തി​രു​ന്ന​പ്പോ​ഴാ​ണ്​ തേ​വ​ൻ മ​ടി​യി​ല്ലാ​തെ സ​ത്യ​ഗ്ര​ഹി​ക​ൾ​ക്കൊ​പ്പം നി​ന്ന​ത്.

ഒ​രി​ക്ക​ൽ സ​ത്യ​ഗ്ര​ഹ പ​ന്ത​ലി​ൽ​നി​ന്ന്​ മ​ട​ങ്ങു​ന്ന വ​ഴി തേ​വ​ന്‍റെ​യും സ​ഹ​പ്ര​വ​ർ​ത്ത​ക​രു​ടെ​യും ക​ണ്ണി​ൽ സ​മ​ര​വി​രോ​ധി​ക​ൾ ചു​ണ്ണാ​മ്പും ക​മ്മ​ട്ടി​പ്പാ​ലും (ക​മ്മ​ട്ടി മ​ര​ത്തി​ന്‍റെ ക​റ) ചേ​ർ​ന്ന മി​ശ്രി​തം ക​ല​ക്കി ഒ​ഴി​ച്ച​തോ​ടെ തേ​വ​ന്റെ കാ​ഴ്ച ന​ഷ്ട​പ്പെ​ട്ടു.

വി​വാ​ഹ​ശേ​ഷ​മാ​ണ്​ തേ​വ​ൻ എ​റ​ണാ​കു​ളം ജി​ല്ല​യി​ലെ​ ആ​മ​ചാ​ടി തു​രു​ത്തി​ലെ​ത്തി കു​ടി​ൽ കെ​ട്ടി താ​മ​സ​മാ​ക്കി​യ​ത്. കോ​ട്ട​യം, എ​റ​ണാ​കു​ളം, ആ​ല​പ്പു​ഴ ജി​ല്ല​ക​ളു​ടെ അ​തി​ർ​ത്തി​യി​ൽ വേ​മ്പ​നാ​ട്ടു​കാ​യ​ലി​ലാ​ണ്​ ഈ ​തു​രു​ത്ത്. മ​നു​ഷ്യ​വാ​സ​മി​ല്ലാ​തി​രു​ന്ന ഈ ​ദ്വീ​പി​ൽ ആ​മ​ക​ൾ വെ​ള്ള​ത്തി​ലേ​ക്കു ചാ​ടു​ന്ന കാ​ഴ്ച ​പ​തി​വാ​യി​രു​ന്ന​തി​നാ​ലാ​ണ്​ തു​രു​ത്തി​ന്​ ആ​മ​ചാ​ടി എ​ന്നു​പേ​രു വ​ന്ന​ത്.

സ​ത്യ​ഗ്ര​ഹ​ത്തി​ൽ പ​​​ങ്കെ​ടു​ത്ത​തി​ന്​ തേ​വ​നെ ജ​യി​ലി​ട​ച്ച​പ്പോ​ൾ ഭാ​ര്യ പൊ​ന്നാ​ച്ചി​യും മ​ക്ക​ളും വൈ​ക്ക​ത്തെ ആ​ശ്ര​മ​ത്തി​ലാ​ണ്​ ക​ഴി​ഞ്ഞി​രു​ന്ന​ത്. സ​ത്യ​ഗ്ര​ഹം ക​ഴി​ഞ്ഞാ​ണ്​ തേ​വ​ൻ പു​റ​ത്തു​വ​രു​ന്ന​ത്. തു​രു​ത്തി​ൽ തി​രി​ച്ചെ​ത്തി​യ​പ്പോ​ൾ ത​ന്‍റെ കു​ടി​ൽ അ​വ​ശേ​ഷി​ച്ചി​രു​ന്നി​ല്ല. താ​മ​സി​ക്കാ​നി​ട​മി​ല്ലാ​താ​യ തേ​വ​ന്​ ടി.​കെ. മാ​ധ​വ​ന്‍റെ ശ്ര​മ​ഫ​ല​മാ​യി 104 ഏ​ക്ക​ർ കാ​യ​ൽ നി​ലം സ​ർ​ക്കാ​ർ പ​തി​ച്ചു​ന​ൽ​കി. ഇ​വി​ടെ ക​ഴി​യു​ന്ന​തി​നി​ടെ 84ാം വ​യ​സ്സി​ലാ​ണ്​ അ​ർ​ബു​ദം ബാ​ധി​ച്ച്​​ തേ​വ​ൻ മ​രി​ച്ച​ത്.