പാർട്ടി ജനാധിപത്യവിരുദ്ധമെന്ന്; ആം ആദ്മി സംസ്ഥാന നേതാക്കൾ രാജിവെച്ചു

കൊ​ച്ചി: ആം ​ആ​ദ്മി പാ​ർ​ട്ടി​യി​ൽ ജ​നാ​ധി​പ​ത്യം ഇ​ല്ലാ​താ​യെ​ന്നും സ്വേ​ച്ഛാ​ധി​പ​ത്യ​വും സ്വ​ജ​ന​പ​ക്ഷ​പാ​ത​വു​മാ​ണ് പാ​ർ​ട്ടി​യെ ന​യി​ക്കു​ന്ന​തെ​ന്നും ആ​രോ​പി​ച്ച് സം​സ്ഥാ​ന വൈ​സ് പ്ര​സി​ഡ​ൻ​റ്, ട്ര​ഷ​റ​ർ ഉ​ൾ​െ​പ്പ​ടെ​യു​ള്ള​വ​ർ രാ​ജി​വെ​ച്ചു. വൈ​സ് പ്ര​സി​ഡ​ൻ​റ് ടി. ​ശ്രീ​ധ​ര​നു​ണ്ണി, ട്ര​ഷ​റ​ർ ബി.​എം സാ​ദി​ഖ്​ ലു​ഖ്മാ​ൻ, പ​രാ​തി പ​രി​ഹാ​ര സ​മി​തി പ്ര​സി​ഡ​ൻ​റ് പ്ര​ഫ. ല​സ്​​ലി പ​ള്ള​ത്ത് തു​ട​ങ്ങി​യ​വ​രാ​ണ് ദേ​ശീ​യ നേ​തൃ​ത്വ​ത്തി​ന് രാ​ജി​ക്ക​ത്ത് ന​ൽ​കി​യ​ത്. ഇ​വ​ർ പ്രാ​ഥ​മി​ക അം​ഗ​ത്വ​ത്തി​ൽ​നി​ന്ന് ഒ​ഴി​ഞ്ഞി​ട്ടു​മു​ണ്ട്.

തു​ട​ക്ക​കാ​ല​ത്ത് ദേ​ശീ​യ ക​ൺ​വീ​ന​ർ അ​ര​വി​ന്ദ് കെ​ജ്​​രി​​വാ​ൾ ജ​ന​ങ്ങ​ളെ നേ​രി​ട്ട് കാ​ണാ​റു​ണ്ടാ​യി​രു​ന്നെ​ങ്കി​ലും ഇ​പ്പോ​ൾ സം​സ്ഥാ​ന നേ​താ​ക്ക​ൾ​ക്കു​പോ​ലും ദേ​ശീ​യ നേ​താ​ക്ക​ളെ​യൊ​ന്നും കാ​ണാ​ൻ​പോ​ലും ക​ഴി​യു​ന്നി​ല്ലെ​ന്ന് രാ​ജി​വെ​ച്ച​വ​ർ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. തു​ട​ക്ക​ത്തി​ൽ സാ​ധാ​ര​ണ​ക്കാ​രു​ടെ ക്ഷേ​മ​ത്തി​ന് മു​ൻ​തൂ​ക്കം ന​ൽ​കി​യി​രു​ന്ന പാ​ർ​ട്ടി നേ​തൃ​ത്വം നി​ല​വി​ൽ രാ​ഷ്ട്രീ​യ നേ​ട്ട​ങ്ങ​ൾ​ക്കാ​ണ് ഊ​ന്ന​ൽ ന​ൽ​കു​ന്ന​ത്. കെ​ജ്​​രി​​വാ​ളി​ന്‍റെ വീ​ട് കോ​ടി​ക​ൾ ചെ​ല​വ​ഴി​ച്ച് മോ​ടി പി​ടി​പ്പി​ച്ച​ത് അം​ഗീ​ക​രി​ക്കാ​നാ​വി​ല്ല.

ഡ​ൽ​ഹി സ​ർ​ക്കാ​റി​ന്‍റെ മ​ദ്യ​ന​യ​വു​മാ​യി ബ​ന്ധ​പ്പെ​ട്ട്​ കേ​സു​ക​ളും ന​ട​പ​ടി​ക​ളും പ്ര​വ​ർ​ത്ത​ക​രി​ൽ പാ​ർ​ട്ടി​യോ​ടു​ള്ള വി​ശ്വാ​സം ന​ഷ്ട​പ്പെ​ടു​ത്തി.

എ​ക്സി​ക്യൂ​ട്ടി​വ് ക​മ്മി​റ്റി​യു​ടെ അം​ഗീ​കാ​ര​മി​ല്ലാ​തെ സം​സ്ഥാ​ന ജ​ന​റ​ൽ സെ​ക്ര​ട്ട​റി സ്വ​ജ​ന​പ​ക്ഷ​പാ​ത​പ​ര​മാ​യ ഇ​ട​പെ​ട​ലു​ക​ൾ ന​ട​ത്തു​ക​യും ഇ​തി​നെ​ല്ലാം പ്ര​സി​ഡ​ൻ​റ് കൂ​ട്ടു​നി​ൽ​ക്കു​ക​യും ചെ​യ്തു. അ​തൃ​പ്ത​രാ​യ സം​സ്ഥാ​ന ഭാ​ര​വാ​ഹി​ക​ളു​ൾ​െ​പ്പ​ടെ നി​ര​വ​ധി​പേ​ർ രാ​ജി​ക്കൊ​രു​ങ്ങു​ന്ന​താ​യും ശ്രീ​ധ​ര​നു​ണ്ണി, സാ​ദി​ഖ്​ ലു​ഖ്​​മാ​ൻ എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.