സര്‍ക്കാര്‍ ജോലിക്ക്​ ആധാർ നിർബന്ധം 

തി​രു​വ​ന​ന്ത​പു​രം: സം​സ്ഥാ​ന​ത്ത് സ​ര്‍ക്കാ​ര്‍ ജോ​ലി​യി​ല്‍ പ്ര​വേ​ശി​ക്കു​ന്ന​തി​ന് ആ​ധാ​ർ നി​ർ​ബ​ന്ധ​മാ​ക്കി. പു​തു​താ​യി ജോ​ലി​യി​ല്‍ പ്ര​വേ​ശി​ക്കു​ന്ന​വ​ർ ഒ​രു​മാ​സ​ത്തി​ന​കം പി.​എ​സ്‌.​സി വ​ണ്‍ടൈം ര​ജി​സ്‌​ട്രേ​ഷ​ന്‍ പ്രൊ​ഫൈ​ലു​മാ​യി ആ​ധാ​ർ ബ​ന്ധി​പ്പി​ക്ക​ണ​മെ​ന്നാ​ണ് ഉ​ദ്യോ​ഗ​സ്ഥ ഭ​ര​ണ​പ​രി​ഷ്കാ​ര വ​കു​പ്പ്​ ഉ​ത്ത​ര​വ്. 

ജോ​ലി​യി​ല്‍ പ്ര​വേ​ശി​ച്ച്‌ നി​യ​മ​ന പ​രി​ശോ​ധ​ന പൂ​ര്‍ത്തി​യാ​ക്കാ​ത്ത​വ​രും ആ​ധാ​ര്‍ ന​മ്പ​റു​മാ​യി പ്രൊ​ഫൈ​ല്‍ ബ​ന്ധി​പ്പി​ക്ക​ണ​മെ​ന്നും നി​ര്‍ദേ​ശ​ത്തി​ലു​ണ്ട്. നി​യ​മ​ന പ​രി​ശോ​ധ​ന സു​ര​ക്ഷി​ത​മാ​ക്കാ​നും തൊ​ഴി​ല്‍ത​ട്ടി​പ്പ് ത​ട​യാ​നും ആ​ധാ​ര്‍ നി​ര്‍ബ​ന്ധ​മാ​ക്ക​ണ​മെ​ന്ന പി.​എ​സ്.​സി ആ​വ​ശ്യം പ​രി​ഗ​ണി​ച്ചാ​ണ് സ​ർ​ക്കാ​ർ ന​ട​പ​ടി.

സി​വി​ൽ പൊ​ലീ​സ് ഓ​ഫി​സ​ർ പ​രീ​ക്ഷ ത​ട്ടി​പ്പി​നെ തു​ട​ർ​ന്നാ​ണ് ക​ഴി​ഞ്ഞ ന​വം​ബ​റി​ൽ ഉ​ദ്യോ​ഗാ​ർ​ഥി​യു​ടെ തി​രി​ച്ച​റി​യ​ൽ ബ​യോ​മെ​ട്രി​ക് സം​വി​ധാ​ന​ത്തി​ലൂ​ടെ ഉ​റ​പ്പാ​ക്കു​ന്ന​തി​ന്‌ ആ​ധാ​റു​മാ​യി ലി​ങ്ക് ചെ​യ്യു​ന്ന പ്ര​വ​ർ​ത്ത​ന​ങ്ങ​ൾ​ക്ക് പി.​എ​സ്.​സി തു​ട​ക്കം കു​റി​ച്ച​ത്. നി​ല​വി​ൽ 50 ല​ക്ഷ​ത്തോ​ളം ഉ​ദ്യോ​ഗാ​ർ​ഥി​ക​ളാ​ണ് ഒ​റ്റ​ത്ത​വ​ണ ര​ജി​സ്‌​ട്രേ​ഷ​ൻ മു​ഖേ​ന പി.​എ​സ്.​സി​യി​ൽ ര​ജി​സ്​​റ്റ​ർ ചെ​യ്ത​ത്. പ​ക്ഷേ, ഇ​വ​രി​ൽ 32 ല​ക്ഷം പേ​ര്‍ മാ​ത്ര​മാ​ണ് പ്രൊ​ഫൈ​ലി​ല്‍ ആ​ധാ​ര്‍ ബ​ന്ധി​പ്പി​ച്ച​ത്. 

ആ​ധാ​ർ ബ​ന്ധി​പ്പി​ക്കു​ന്ന​ത് എ​ങ്ങ​നെ?

പ്രൊ​ഫൈ​ലി​ൽ ലോ​ഗി​ൻ ചെ​യ്ത് ഹോം ​പേ​ജി​ൽ കാ​ണു​ന്ന ആ​ധാ​ർ ലി​ങ്കി​ങ്​ ബ​ട്ട​ൺ ക്ലി​ക്ക് ചെ​യ്യു​ക. ലി​ങ്കി​ങ്​ ആ​ധാ​ർ വി​ത്ത് പ്രൊ​ഫൈ​ൽ വി​ൻ​ഡോ​യി​ൽ ആ​ധാ​ർ ന​മ്പ​ർ, ആ​ധാ​ർ കാ​ർ​ഡി​ലു​ള്ള പേ​ര് എ​ന്നി​വ ന​ൽ​കി ക​ൺ​സ​െൻറ്​ ഫോ​ർ ഒാ​ത​ൻ​റി​ക്കേ​ഷ​നി​ൽ ടി​ക് ചെ​യ്ത​ശേ​ഷം ലി​ങ്ക് വി​ത്ത് പ്രൊ​ഫൈ​ൽ ബ​ട്ട​ൺ ക്ലി​ക്ക് ചെ​യ്ത് ആ​ധാ​ർ ലി​ങ്കി​ങ്​ പൂ​ർ​ത്തി​യാ​ക്കാം.