ഗുരുവായൂരില് പ്രത്യേക ദര്ശനത്തിന് ഇനി മുതൽ ആധാര് കാര്ഡ് നിര്ബന്ധം
text_fields
തൃശൂര്: ഇനിമുതൽ ഗുരുവായൂര് ക്ഷേത്രത്തില് പ്രത്യേക ദര്ശനത്തിന് ടോക്കണ് ലഭിക്കാന് ആധാര് കാര്ഡ് നിര്ബന്ധമാക്കി ക്ഷേത്രം അധികൃതർ. ക്ഷേത്രം ഗോപുരം മാനേജരെ ആധാര് കാര്ഡ് കാണിച്ചാല് മാത്രമേ ടോക്കണ് അനുവദിക്കൂ. ദര്ശനത്തിന് വരുന്നവരില് ഒരാളുടെ കാര്ഡ് നല്കിയാല് മതി.
ആധാറിന്റെ ഒറിജിനല് തന്നെ ഹാജരാക്കണം. ദര്ശനത്തിന് ഗോപുരത്തില് പേര് കൊടുത്തയാളുടെ ആധാര് കാര്ഡ് തന്നെ വേണം കാണിക്കാന്. ദേവസ്വം ജീവനക്കാരുടെ ശിപാര്ശയില് ദര്ശനത്തിനെത്തുന്നവരും കാര്ഡ് കാണിക്കണം. ഇക്കഴിഞ്ഞ ഭരണസമിതി യോഗത്തിലെ തീരുമാനം നടപ്പാക്കിത്തുടങ്ങി.
ദര്ശനത്തിനായി ഗോപുരം മാനേജരില് നിന്ന് ടോക്കണ് വാങ്ങി ചിലര് മറിച്ചു നല്കിയത് ശ്രദ്ധയില്പ്പെട്ടതിനെ തുടര്ന്നാണ് ആധാര് കാര്ഡ് സമ്പ്രദായം നടപ്പാക്കിയതെന്ന് ദേവസ്വം ബോര്ഡ് അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.