Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകെ. സുധാകരൻ...

കെ. സുധാകരൻ മനുസ്​മൃതിയുടെ കാലത്ത്​ ജീവിക്കുന്ന അപരിഷ്​കൃതനെന്ന് എ.എ. റഹീം

text_fields
bookmark_border
aa rahim
cancel

തിരുവനന്തപുരം: കെ. കരുണാകരൻ ട്രസ്​റ്റിന്​ വേണ്ടി പിരിച്ച 16 കോടി രൂപ എവിടെയെന്ന്​ വിശദീകരിക്കണമെന്ന്​ ഡി.വൈ.എഫ്​.​െഎ സംസ്ഥാന സെക്രട്ടറി എ.എ. റഹീം. കെ. കരുണാകരനെ വിറ്റ അഴിമതിക്കാരനാണ്​ കെ.പി.സി.സി തലപ്പത്തുള്ളതെന്നും അദ്ദേഹം വാർത്തസമ്മേളനത്തിൽ ആരോപിച്ചു.

കെ. കരുണാകരൻ പഠിച്ച കണ്ണൂർ രാജാസ്‌ ഹയർ സെക്കൻഡറി സ്കൂൾ ഏറ്റെടുക്കാനായി സമാഹരിച്ച 16 കോടി എന്തുചെയ്‌തെന്ന്‌ സുധാകരൻ വ്യക്തമാക്കണം. ആ പണം എവിടെയും ഉപയോഗിച്ച് കണ്ടില്ല. കരുണാകരന് വേണ്ടി പിരിച്ച പണം സുധാകര​െൻറ കീശയിലാണ്. ഇന്ന് ആ കീശയിലാണ് കെ. മുരളീധരൻ. കരുണാകരൻ മുന്നറിയിപ്പ് നൽകിയ കോടാലിയാണ് മുരളീധരൻ പിടിക്കുന്നത്. സുധാകരൻ മനുസ്​മൃതിയുടെ കാലത്ത്​ ജീവിക്കുന്ന അപരിഷ്​കൃതനാണ്​.

കേന്ദ്ര സർക്കാർ പൊതു ആസ്‌തി വിൽക്കുന്നതി​െനതിരെ ഡി.വൈ.എഫ്‌.ഐ വിവിധ കാമ്പയിനുകൾ നടത്തും. ഇന്ത്യൻ റെയിൽവേ വിൽക്കരു​െതന്നാവശ്യപ്പെട്ട്‌ 29ന്‌ ജില്ലകളിൽ റെയിൽവേ ആസ്ഥാനത്ത്‌ യുവജന ധർണ നടത്തും. 'ഇന്ത്യയെ വിൽക്കരുത്‌' എന്ന മുദ്രാവാക്യമുയർത്തി ഒക്‌ടോബർ രണ്ടിന്‌ ഗാന്ധിസ്‌മൃതി ജ്വാലയും സംഘടിപ്പിക്കും.

നാർകോട്ടിക്ക്​ ജിഹാദ്​ അടക്കമുള്ള വിഷയങ്ങളിൽ സർവകക്ഷിയോഗം വിളിക്കുന്നതാണ്​ നല്ലത്​. യോഗം വിളിക്കേണ്ടന്ന നിലപാട്​ സർക്കാറിനുണ്ടെന്ന്​ കരുതുന്നില്ല. ആർ.എസ്​.എസും എസ്​.ഡി.പി.​െഎയും ജമാഅത്തെ ഇസ്​ലാമിയും ഇൗ വിഷയം സുവർണാവസരമായി കാണുകയാണ്​. കേസെടുത്ത്​ പരിഹരിക്കേണ്ട വിഷയമ​െല്ലന്നും അദ്ദേഹം പറഞ്ഞു. സംസ്ഥാന പ്രസിഡൻറ്​ എസ്​. സതീഷും വാർത്തസമ്മേളനത്തിൽ സംബന്ധിച്ചു.

Show Full Article
TAGS:AA Rahim K Sudhakaran 
News Summary - AA Rahim attack to K Sudhakaran
Next Story