ഫോർട്ട് കൊച്ചിയിൽ കടയിൽ കയറി യുവാവിനെ കുത്തിക്കൊന്നു

കൊച്ചി: ഫോർട്ടുകൊച്ചിയിൽ കടയിൽ കയറി യുവാവിനെ കുത്തിക്കൊന്നു. തോപ്പുപടി മൂലംകുഴി സ്വദേശി ബിനോയ് സ്റ്റാൻലിയാണ് കൊല്ലപ്പെട്ടത്. തോപ്പുപടി അത്തിപ്പുഴ സ്വദേശി അലനാണ് അക്രമം നടത്തിയത്.

സംഭവത്തിന്റെ സി.സി.ടി.വി ദൃശ്യങ്ങൾ പുറത്തുവന്നിട്ടുണ്ട്. കൈ പിന്നിൽ കെട്ടി കടയിലേക്ക് കയറി വന്ന അലൻ അൽപ നേരം സംസാരിക്കുകയും പിറകിൽ ഒളിപ്പിച്ച കത്തിയുമായി ബിനോയിയെ ആഞ്ഞു കുത്തുന്നതും ദൃശ്യങ്ങളിൽ കാണാം. മുൻ വൈരാഗ്യമാണ് കൊലപാതകത്തിന് പിന്നിലെന്നാണ് സൂചന.