പുല്‍പ്പള്ളിയിൽ യുവാവിനെ തലക്കടിച്ച് കൊലപ്പെടുത്തി; കൊല നടത്തിയത് പിതാവെന്ന് പൊലീസ്

പുല്‍പ്പള്ളി: പുല്‍പ്പള്ളിയിൽ യുവാവിനെ തലക്കടിച്ച് കൊലപ്പെടുത്തിയ നിലയില്‍ കണ്ടെത്തി. കല്ലുവയൽ കതവാക്കുന്നിലാണ് സംഭവം. കതവാക്കുന്ന് തെക്കേക്കര വീട്ടില്‍ അമല്‍ദാസ് (22) ആണ് കൊല്ലപ്പെട്ടത്.

കോടാലി കൊണ്ട് തലക്കടിച്ച് കൊലപ്പെടുത്തിയ നിലയിലാണ് മൃതദേഹം വീട്ടിനുള്ളിൽ കണ്ടെത്തിയത്. പിതാവാണ് കൊലപാതകം നടത്തിയതെന്നാണ് പൊലീസിന്‍റെ പ്രാഥമിക നിഗമനം.

പിതാവ് ശിവദാസനായി പൊലീസ് തിരച്ചിൽ ഊർജിതമാക്കി. പുൽപ്പള്ളി സി.ഐ അനന്തകൃഷ്ണന്റെ നേതൃത്വത്തിൽ അന്വേഷണം പുരോഗമിക്കുകയാണ്.