ഭൂഖണ്ഡങ്ങൾ താണ്ടി ഒരു വർഷം; സൈക്കിളേറി ഫായിസ് യൂറോപ്പിൽ

തൃ​ക്ക​രി​പ്പൂ​ർ: വി​വി​ധ ദേ​ശ​ങ്ങ​ളി​ലെ അ​നു​ഭ​വ ദൂ​ര​ങ്ങ​ൾ ച​വി​ട്ടി​ക്ക​യ​റി​യ ഫാ​യി​സി​ന്റെ സൈ​ക്കി​ൾ യാ​ത്ര ഒ​രു വ​ർ​ഷം പി​ന്നി​ടു​മ്പോ​ൾ യൂ​റോ​പ്പി​ലൂ​ടെ മു​ന്നേ​റു​ന്നു. ക​ഴി​ഞ്ഞ സ്വാ​ത​ന്ത്ര്യ ദി​ന​ത്തി​ൽ ആ​രം​ഭി​ച്ച യാ​ത്ര ഏ​ഷ്യ​യി​ലും പ​ശ്ചി​മേ​ഷ്യ​യി​ലു​മാ​യി 15 രാ​ഷ്ട്ര​ങ്ങ​ൾ താ​ണ്ടി​ക്ക​ഴി​ഞ്ഞു.

യൂ​റോ​പ്പി​ലെ സെ​ർ​ബി​യ​യി​ലൂ​ടെ​യാ​ണ്, സ​ർ​ലേ സൈ​ക്കി​ളി​ൽ ഫാ​യി​സ് അ​ഷ്റ​ഫ് അ​ലി ഇ​പ്പോ​ൾ സ​ഞ്ച​രി​ക്കു​ന്ന​ത്. ഇ​ന്ത്യ​യി​ൽ​നി​ന്ന് ആ​രം​ഭി​ച്ച് ഒ​മാ​ൻ, യു.​എ.​ഇ, സൗ​ദി അ​റേ​ബ്യ, ഖ​ത്ത​ർ, ബ​ഹ്‌​റൈ​ൻ, കു​വൈ​ത്ത്, ഇ​റാ​ഖ്, ഇ​റാ​ൻ, അ​ർ​മീ​നി​യ, ജോ​ർ​ജി​യ, തു​ർ​ക്കി, ഗ്രീ​സ്, മാ​സി​ഡോ​ണി​യ എ​ന്നീ രാ​ജ്യ​ങ്ങ​ളാ​ണ് പി​ന്നി​ട്ട​ത്. സെ​ർ​ബി​യ​ക്കു​ശേ​ഷം ക്രൊ​യേ​ഷ്യ, സ്ലൊ​വീ​നി​യ, ഓ​സ്ട്രി​യ, സ്​​ലോ​വാ​ക്യ, ഹം​ഗ​റി, ചെ​ക് റി​പ്പ​ബ്ലി​ക്, ജ​ർ​മ​നി എ​ന്നി​ങ്ങ​നെ​യാ​ണ് യാ​ത്രാ​പ​ഥം.

തു​ർ​ക്കി ആ​തി​ഥ്യ​മ​ര്യാ​ദ​കൊ​ണ്ട് വീ​ർ​പ്പു​മു​ട്ടി​ച്ച​പ്പോ​ൾ ജോ​ർ​ജി​യ​യും അ​ർ​മീ​നി​യ​യും നി​രാ​ശ​പ്പെ​ടു​ത്തി. ഇ​റാ​നി​ൽ പ്ര​വേ​ശി​ച്ച​പ്പോ​ൾ പ​ഴ്‌​സ് ന​ഷ്ട​പ്പെ​ട്ടു. കൈ​യി​ൽ പ​ണ​മി​ല്ലാ​തെ യാ​ത്ര തു​ട​ർ​ന്ന​പ്പോ​ൾ പ്ര​ദേ​ശ​വാ​സി​ക​ളാ​ണ് ആ​ഹാ​ര​വും വെ​ള്ള​വും ന​ൽ​കി സ​ഹാ​യി​ച്ച​ത്. ഓ​രോ പ്ര​ദേ​ശ​ത്തും കൂ​ടെ കൊ​ണ്ടു​ന​ട​ക്കു​ന്ന കൂ​ടാ​ര​ത്തി​ലാ​ണ് താ​മ​സി​ച്ചി​രു​ന്ന​ത്. ഗു​രു​ദ്വാ​ര​ക​ൾ, സ​ത്ര​ങ്ങ​ൾ, പെ​ട്രോ​ൾ പ​മ്പു​ക​ൾ എ​ന്നി​വ​യും പ​ല​പ്പോ​ഴും ആ​ശ്ര​യ​മാ​യി. ഇ​റാ​ൻ-​ഇ​റാ​ഖ് അ​തി​ർ​ത്തി​യി​ൽ മാ​ത്ര​മാ​ണ് സു​ര​ക്ഷ കാ​ര​ണ​ങ്ങ​ളാ​ൽ മു​റി​യെ​ടു​ത്ത് താ​മ​സി​ക്കേ​ണ്ടി​വ​ന്ന​ത്.

തു​ർ​ക്കി​യ​യി​ൽ യാ​ത്ര​യു​ടെ ഓ​രോ ഘ​ട്ട​ത്തി​ലും ആ​ളു​ക​ൾ അ​വ​രു​ടെ വീ​ടു​ക​ളി​ൽ താ​മ​സി​പ്പി​ക്കാ​ൻ മ​ത്സ​രി​ക്കു​ന്ന അ​വ​സ്ഥ​യാ​യി​രു​ന്നു. വി​വി​ധ രാ​ജ്യ​ങ്ങ​ളി​ലെ ഇ​ന്ത്യ​ൻ സ്ഥാ​ന​പ​തി​മാ​രെ കാ​ണാ​ൻ ശ്ര​ദ്ധി​ക്കു​ന്നു. ക​ഴി​യു​ന്ന​ത്ര സ്‌​കൂ​ളു​ക​ളി​ലും കോ​ള​ജു​ക​ളി​ലും ല​ഹ​രി​വി​രു​ദ്ധ, സീ​റോ കാ​ർ​ബ​ൺ, ആ​രോ​ഗ്യ പ​രി​പാ​ല​നം, സ​മാ​ധാ​നം എ​ന്നി​ങ്ങ​നെ സ​ന്ദേ​ശം കൈ​മാ​റു​ന്നു.

യൂ​റോ​പ്പി​ൽ പ്ര​വേ​ശി​ച്ച​പ്പോ​ൾ ത​ന്നെ വ​ർ​ണ​വി​വേ​ച​നം അ​നു​ഭ​വ​പ്പെ​ട്ടു​തു​ട​ങ്ങി. ഓ​രോ രാ​ജ്യ​ത്തും അ​തി​ഥി​ക​ൾ​ക്ക് വീ​ടു​ക​ളി​ൽ താ​മ​സം ഒ​രു​ക്കു​ന്ന സ​മൂ​ഹ​മാ​ധ്യ​മ കൂ​ട്ടാ​യ്മ​യാ​യ ‘കൗ​ച് സ​ർ​ഫി​ങ്’ വ​ഴി അ​ന്വേ​ഷ​ണം ന​ട​ത്തി​യ​പ്പോ​ഴു​ണ്ടാ​യ അ​നു​ഭ​വം ഫാ​യി​സ് പ​ങ്കു​വെ​ച്ചു. കൂ​ടെ​യു​ണ്ടാ​യി​രു​ന്ന സാ​യി​പ്പി​ന് ത​ങ്ങാ​ൻ ഇ​ടം ന​ൽ​കി​യ വ്യ​ക്തി പ​ക്ഷേ, ഫാ​യി​സി​ന് ന​ൽ​കി​യ മ​റു​പ​ടി ‘സ്ഥ​ല​ത്തി​ല്ല’ എ​ന്നാ​യി​രു​ന്നു. ജോ​ർ​ജി​യ​യി​ൽ വ​ഴി​യ​രി​കി​ൽ ടെ​ന്റി​ൽ കി​ട​ന്ന​പ്പോ​ൾ പ​രി​സ​ര​വാ​സി​ക​ളി​ൽ​നി​ന്ന് മോ​ശം പെ​രു​മാ​റ്റം ഉ​ണ്ടാ​യി. വി​സ​യു​മാ​യി ബ​ന്ധ​പ്പെ​ട്ട ആ​വ​ശ്യ​ങ്ങ​ൾ​ക്ക് ര​ണ്ടു​ത​വ​ണ നാ​ട്ടി​ൽ വ​ന്നു. അ​തു​പോ​ലെ ജ​ർ​മ​നി​യി​ൽ​നി​ന്ന് ഒ​രി​ക്ക​ൽ​ക്കൂ​ടി നാ​ട്ടി​ൽ വ​രേ​ണ്ടി​വ​രും. ദു​ബൈ​യി​ലും പി​ന്നീ​ട് തു​ർ​ക്കി​യ​യി​ലും കു​ടും​ബം ഫാ​യി​സി​നെ കാ​ണാ​ൻ എ​ത്തി​യി​രു​ന്നു. ഇ​നി​യും 20 രാ​ജ്യ​ങ്ങ​ൾ പി​ന്നി​ട്ടാ​ലാ​ണ് ല​ണ്ട​നി​ൽ എ​ത്തു​ക.

കോ​ഴി​ക്കോ​ട് ത​ല​ക്കു​ള​ത്തൂ​ർ സ്വ​ദേ​ശി​യാ​യ ഫാ​യി​സ് എ​ൻ​ജി​നീ​യ​റാ​ണ്. ജോ​ലി രാ​ജി​വെ​ച്ചാ​ണ് യാ​ത്ര​ക്കി​റ​ങ്ങി​യ​ത്. ഭാ​ര്യ ഡോ. ​അ​സ്മി​ൻ ഫാ​യി​സ്, കൂ​ർ​ഗ് ഇ​ൻ​സ്റ്റി​റ്റ്യൂ​ട്ട് ഓ​ഫ് ഡെ​ന്റ​ൽ സ​യ​ൻ​സ​സി​ൽ അ​സി. പ്ര​ഫ​സ​റാ​ണ്. മ​ക്ക​ൾ: ഫ​ഹ​സി​ൻ ഉ​മ​ർ, ഐ​സി​ൻ ന​ഹേ​ൽ.