Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right''പാണക്കാട്​ സന്ദർശനം: ...

''പാണക്കാട്​ സന്ദർശനം: മതമൗലികവാദികളുമായി കോൺഗ്രസ്​ കൂട്ടുകെട്ട്​ വിപുലപ്പെടുത്തുമോ എന്ന സംശയമാണ്​ ഉന്നയിച്ചത്​''

text_fields
bookmark_border
പാണക്കാട്​ സന്ദർശനം: മതമൗലികവാദികളുമായി കോൺഗ്രസ്​ കൂട്ടുകെട്ട്​ വിപുലപ്പെടുത്തുമോ എന്ന സംശയമാണ്​ ഉന്നയിച്ചത്​
cancel

തിരുവനന്തപുരം: കോൺഗ്രസ്​ നേതാക്കളുടെ പാണക്കാട്​ സന്ദർശനത്തെക്കുറിച്ചുള്ള പ്രതികരണത്തിൽ വിശദീകരണവുമായി സി.പി.എം സംസ്ഥാന സെക്രട്ടറി എ.വിജയരാഘവൻ. മതമൗലികവാദികളുമായി കോൺഗ്രസ്​ കൂട്ടുകെട്ട്​ വിപുലപ്പെടുത്തുമോ എന്ന ന്യായമായ സംശയമാണ്​ ഉന്നയിച്ചതെന്ന്​ എ.വിജയരാഘവൻ പ്രതികരിച്ചു. മുസ്​ലിംലീഗ്​ നേതാക്കളെ സന്ദർശിച്ചതിനെ​ വിമർശിച്ചത്​ അവർ ഒരുമിച്ചാണ്​ വെൽഫയർപാർട്ടിയുമായി കൂട്ടുകെട്ട്​ ഉണ്ടാക്കിയത് എന്നതിനാലാണെന്നും വിജയരാഘവൻ കൂട്ടിച്ചേർത്തു​. ലീഗിനോടുള്ള സി.പി.എം നിലപാട്​ നേരത്തെ വ്യക്തമാക്കിയതാണ്​. പത്തനംതിട്ടയിൽ എസ്​.ഡി.പി.ഐയുമായി സി.പി.എം ധാരണയുണ്ടാക്കിയിട്ടില്ലെന്നും വിജയരാഘവൻ വാർത്തസമ്മേളനത്തിൽ പ്രതികരിച്ചു. കോൺഗ്രസ്​ നേതാക്കൾ പാണക്കാട്​ പോയതിന്​ പിറകിലെ രാഷ്​ട്രീയ സന്ദേശം വ്യക്തമാണെന്ന്​ വിജയരാഘവൻ ബുധനാഴ്ച പരാമർശിച്ചിരുന്നു.

''വർഗീയതക്കെതിരെ സി.പി.എം നിലപാട്​ വ്യക്തമാക്കിയതാണ്​. കോൺഗ്രസും നിലപാട്​ വ്യക്തമാക്കണം. കേരളത്തിൽ കോൺഗ്രസ്​ മതാധിഷ്​ഠിത ചേരിയുമായി കൂട്ടുകെട്ടിലേർപ്പെട്ടുകൊണ്ടിരിക്കുകയാണ്​. തദ്ദേശ തെരഞ്ഞെടുപ്പിലെ വെൽഫെയർ പാർട്ടി സഖ്യം തുടരുമെന്നാണ്​ മനസ്സിലാക്കാൻ സാധിക്കുന്നത്​. ജമാഅത്തെ ഇസ്​ലാമി മുസ്​ലിംകൾക്കിടയിലെ മതാധിഷ്​ഠിതമായി അണിനിരത്താൻ പ്രവർത്തിക്കുന്ന പ്രസ്ഥാനമാണ്​. കഴിഞ്ഞ ​തദ്ദേശ തെരഞ്ഞെടുപ്പിൽ ഇത്തരം മുന്നണി ​രൂപീകരിച്ചത്​ കണ്ടുപിടിക്ക​െപ്പട്ടു. ജനം നിരാകരിച്ചിട്ടും കോൺഗ്രസ്​ ജമാഅത്തെ ഇസ്​ലാമി പിന്തുണ തുടരുകയാണ്​.

മതപരമായ ചേരിതിരിവുണ്ടാക്കാൻ ശ്രമിക്കുന്ന സംഘ്​പരിവാർ ചേരിയെ എതിർക്കുന്നതിന്​ മറ്റൊരു മതമൗലികവാദ ചേരി ഉണ്ടാക്കുക എന്നനിലപാടല്ല സി.പി.എമ്മിന്​. ഇന്ത്യയിൽ ഉറച്ച മതനിരപേക്ഷയുള്ള പാർട്ടിയാണ്​ സി.പി.എം. കോൺഗ്രസ്​ ബി.ജെ.പിയെ പലയിടത്തും സഹായിക്കുന്നു'' - വിജയരാഘവൻ കൂട്ടിച്ചേർത്തു.

Show Full Article
TAGS:A Vijayaraghavan cpim 
Next Story