മരം കൊള്ള: ഉത്തരവ് ദുർവിനിയോഗം ചെയ്തു -എ. വിജയരാഘവൻ

തിരുവനന്തപുരം: മരം മുറിക്കാനുള്ള റവന്യൂ ഉത്തരവ് ദുർവിനിയോഗം ചെയ്യുകയായിരുന്നെന്നും കുറ്റം ചെയ്തവർക്കെതിരെ സർക്കാർ കർശന നടപടിയെടുക്കുമെന്നും എ. വിജയരാഘവൻ. കർഷകരെ അനുകൂലിക്കുന്ന നിലപാടിൻെറ അടിസ്ഥാനത്തിലാണ് ഉത്തരവിറക്കിയതെന്നും അദ്ദേഹം വാർത്താ സമ്മേളനത്തിൽ പറഞ്ഞു.

പണത്തിന് ബുദ്ധിമുട്ടുണ്ടാകുമ്പോഴെല്ലാം കേന്ദ്രം ജനങ്ങളെ കൊള്ളയടിക്കുകയാണെന്ന് ഇന്ധനവിലക്കയറ്റത്തെക്കുറിച്ച് അദ്ദേഹം വിമർശിച്ചു. ഈ മാസം 30ന് എല്ലാ തദ്ദേശ വാർഡുകളിലും പ്രതിഷേധം സംഘടിപ്പിക്കുമെന്നും അദ്ദേഹം വ്യക്തമാക്കി.