മെഡി. കോളജ് പരിസരത്ത് ആദിവാസി യുവാവിന്റെ ആത്മഹത്യ; വിശ്വനാഥന് നീതി ലഭിച്ചില്ലെന്ന് കുടുംബം

കോ​ഴി​ക്കോ​ട്: ആ​ൾ​ക്കൂ​ട്ട വി​ചാ​ര​ണ​യെ​ത്തു​ട​ർ​ന്ന് മെ​ഡി​ക്ക​ൽ കോ​ള​ജ് പ​രി​സ​ര​ത്ത് ആ​ദി​വാ​സി യു​വാ​വ് മ​ര​ത്തി​ൽ തൂ​ങ്ങി​മ​രി​ച്ച് ഒ​രു വ​ർ​ഷം പൂ​ർ​ത്തി​യാ​യി​ട്ടും നീ​തി ല​ഭി​ച്ചി​ല്ലെ​ന്ന് ആ​ക്ഷേ​പം. ആ​രം​ഭം മു​ത​ൽ മു​ൻ​വി​ധി​യോ​ടെ​യാ​ണ് പൊ​ലീ​സ് സ​മീ​പി​ച്ച​തെ​ന്ന് ആ​ക്ഷേ​പം നി​ല​നി​ൽ​ക്കു​ന്ന കേ​സി​ൽ അ​ന്വേ​ഷ​ണം അ​വ​സാ​നി​പ്പി​ച്ച് കോ​ട​തി​യി​ൽ റി​പ്പോ​ർ​ട്ട് സ​മ​ർ​പ്പി​ച്ചി​രി​ക്കു​ക​യാ​ണ് ക്രൈം​ബ്രാ​ഞ്ച്.

സം​ഭ​വ​ത്തി​ൽ ആ​ൾ​ക്കൂ​ട്ട വി​ചാ​ര​ണ ഉ​ണ്ടാ​യി​ട്ടി​ല്ലെ​ന്നാ​ണ് ക്രൈം​ബ്രാ​ഞ്ച് ജി​ല്ല കോ​ട​തി​യി​ൽ റി​പ്പോ​ർ​ട്ട് ന​ൽ​കി​യ​ത്. എ​ന്നാ​ൽ, വി​ശ്വാ​നാ​ഥ​ന് നീ​തി ല​ഭി​ക്കു​ന്ന​തു​വ​രെ പോ​രാ​ടാ​നാ​ണ് കു​ടും​ബ​ത്തി​ന്‍റെ തീ​രു​മാ​ന​മെ​ന്ന് സ​ഹോ​ദ​ര​ൻ വി​നോ​ദ് പ​റ​ഞ്ഞു. പ​രാ​തി കൊ​ടു​ക്കാ​ൻ പൊ​ലീ​സ് സ്റ്റേ​ഷ​നി​ൽ എ​ത്തി​യ​പ്പോ​ൾ മു​ത​ൽ മു​ൻ​ധാ​ര​ണ​യോ​ടെ​യാ​യി​രു​ന്നു പൊ​ലീ​സി​​ന്റെ സ​മീ​പ​നം. കേ​സ് ക്രൈം​ബ്രാ​ഞ്ചി​നെ ഏ​ൽ​പി​ച്ചി​ട്ടും സ​ഹോ​ദ​ര​ന് നീ​തി ല​ഭി​ച്ചി​ട്ടി​ല്ലെ​ന്നും വി​നോ​ദ് പ​റ​ഞ്ഞു.

കേ​സ് അ​ന്വേ​ഷ​ണം ഏ​റ്റെ​ടു​ത്ത ക്രൈം​ബ്രാ​ഞ്ച് റി​പ്പോ​ർ​ട്ടി​ന്‍റെ പ​ക​ർ​പ്പി​നാ​യി കോ​ഴി​ക്കോ​ട് കോ​ട​തി​യി​ൽ അ​പേ​ക്ഷ ന​ൽ​കി​യി​രി​ക്കു​ക​യാ​ണെ​ന്നും ഇ​ത് ല​ഭി​ച്ചാ​ലു​ട​ൻ തു​ട​ർ​ന​ട​പ​ടി​യെ​ക്കു​റി​ച്ച് ആ​ലോ​ചി​ച്ച് തീ​രു​മാ​ന​മെ​ടു​ക്കു​മെ​ന്നും ആ​ക്ഷ​ൻ ക​മ്മി​റ്റി ഭാ​ര​വാ​ഹി ഡോ. ​പി.​ജി. ഹ​രി​യും അ​റി​യി​ച്ചു.

ക​ഴി​ഞ്ഞ ഫെ​ബ്രു​വ​രി 11നാ​ണ് മേ​പ്പാ​ടി സ്വ​ദേ​ശി വി​ശ്വ​നാ​ഥ​നെ കോ​ഴി​ക്കോ​ട് മെ​ഡി. കോ​ള​ജ് പ​രി​സ​ര​ത്ത് മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ഭാ​ര്യ​യു​ടെ പ്ര​സ​വ​ത്തി​ന് ഒ​പ്പ​മെ​ത്തി​യ​താ​യി​രു​ന്നു വി​ശ്വ​നാ​ഥ​ർ.

മാ​തൃ​ശി​ശു സം​ര​ക്ഷ​ണ കേ​ന്ദ്ര​ത്തി​ന് മു​ന്നി​ൽ രാ​ത്രി നി​ൽ​ക്ക​വെ മൊ​ബൈ​ൽ ഫോ​ൺ ക​വ​ർ​ന്നെ​ന്ന് ചി​ല​ർ വി​ശ്വ​നാ​ഥ​നെ​തി​രെ പ​രാ​തി ഉ​ന്ന​യി​ച്ചി​രു​ന്നു. തു​ട​ർ​ന്ന് ത​ർ​ക്ക​മു​ണ്ടാ​യ​തോ​ടെ ഓ​ടി​പ്പോ​യ വി​ശ്വ​നാ​ഥ​നെ പി​റ്റേ​ന്ന് മെ​ഡി​ക്ക​ൽ കോ​ള​ജ് വ​ള​പ്പി​ലെ വ​ലി​യ മ​ര​ത്തി​നു​മു​ക​ളി​ൽ തൂ​ങ്ങി​മ​രി​ച്ച നി​ല​യി​ലാ​ണ് ക​ണ്ടെ​ത്തി​യ​ത്. മോ​ഷ​ണ കു​റ്റം ആ​രോ​പി​ച്ചു​ള്ള ആ​ൾ​ക്കൂ​ട്ട വി​ചാ​ര​ണ​യെ തു​ട​ർ​ന്നാ​ണ് വി​ശ്വ​നാ​ഥ​ൻ ആ​ത്മ​ഹ​ത്യ ചെ​യ്ത​തെ​ന്നാ​ണ് കു​ടും​ബം ആ​രോ​പി​ക്കു​ന്ന​ത്.

കേ​സെ​ടു​ത്ത മെ​ഡി​ക്ക​ൽ കോ​ള​ജ് പൊ​ലീ​സ്, ആ​ശു​പ​ത്രി അ​ധി​കൃ​ത​രി​ൽ നി​ന്ന​ട​ക്കം മൊ​ഴി​യെ​ടു​ത്തെ​ങ്കി​ലും ആ​ൾ​ക്കൂ​ട്ട വി​ചാ​ര​ണ​യോ ആ​ക്ര​മ​മോ ന​ട​ന്ന​താ​യി ക​ണ്ടെ​ത്താ​നാ​യി​ല്ല. സി.​സി.​ടി.​വി ദൃ​ശ്യ​ങ്ങ​ൾ പ​രി​ശോ​ധി​ച്ച​പ്പോ​ഴും ഇ​തു​മാ​യി ബ​ന്ധ​പ്പെ​ട്ട തെ​ളി​വു​ക​ളൊ​ന്നും ല​ഭി​ച്ചി​ല്ലെ​ന്നും പൊ​ലീ​സ് പ​റ​യു​ന്നു. കേ​സി​ൽ മ​നു​ഷ്യാ​വ​കാ​ശ ക​മീ​ഷ​ൻ ഇ​ട​പെ​ട്ടി​രു​ന്നു.