സിംഹവാലൻ കുരങ്ങിന്‍റെ ആക്രമണത്തിൽ മൂന്നു വയസുകാരിക്ക്​ പരിക്ക്​

ചെറുതോണി: സിംഹവാലൻ കുരങ്ങിന്റെ ആക്രമണത്തിൽ മൂന്നു വയസു​കാരിക്ക്​ ദേഹമാസകലം പരിക്കേറ്റു. ​മക്കുവള്ളി നെല്ലിക്കുന്നേൽ ഷിജു പോളിന്റെ മകൾ നിത്യക്കാണ് പരിക്കേറ്റത്. ഇടുക്കി മെഡിക്കൽ കോളജ്​ ആശുപത്രിയിൽ പ്രവേശിപ്പിച്ചു.

വനമേഖലയോടു ചേർന്നാണ് ഇവരുടെ വീട്. കുട്ടി വീട്ടുമുറ്റത്ത്​ കളിക്കുകയായിരുന്നു. തൊടുപുഴ റേഞ്ചിൽപെട്ട വേളൂർ ഫോറസ്റ്റ് സ്‌റ്റേഷന്റെ പരിധിയിലാണ്​ ഈ പ്രദേശം. അടുത്ത കാലത്തായി ഈ കുരങ്ങിനെ പ്രദേശത്ത്​ തുടർച്ചയായി കണ്ടു വരുന്നതായി പ്രദേശവാസികൾ പറഞ്ഞു.