ഇടുക്കിയിൽ അർ​ബുദ ബാധിതരുടെ രജിസ്ട്രി ഒരുങ്ങുന്നു

തൊ​ടു​പു​ഴ: ജി​ല്ല​യി​ൽ അ​ർ​​ബു​ദ രോ​ഗ ബാ​ധി​ത​യു​ടെ എ​ണ്ണം ക​ണ്ടെ​ത്താ​ൻ ക്യാ​ൻ​സ​ർ ര​ജി​സ്ട്രി ഒ​രു​ങ്ങു​ന്നു. ജ​ന​സം​ഖ്യാ​ധി​ഷ്ഠി​ത അ​ർ​ബു​ദ രോ​ഗി​ക​ളു​ടെ എ​ണ്ണം, വ്യാ​പ​ന​ത്തോ​ത്, ഇ​ന​ങ്ങ​ൾ, കാ​ര​ണം എ​ന്നി​വ മ​ന​സി​ലാ​ക്കു​ക​യും ചി​കി​ത്സാ സൗ​ക​ര്യ​ങ്ങ​ൾ ഒ​രു​ക്കു​ക​യു​മാ​ണ് ല​ക്ഷ്യം.

കൊ​ച്ചി​ൻ കാ​ൻ​സ​ർ റി​സ​ർ​ച്ച് സെ​ന്‍റ​ർ ഇ​ടു​ക്കി ജി​ല്ല പ​ഞ്ചാ​യ​ത്ത്, സ്വ​കാ​ര്യ ആ​ശു​പ​ത്രി​ക​ൾ, ആ​രോ​ഗ്യ വ​കു​പ്പ്‌ ,എ​ൻ.​എ​ച്ച്.​എം എ​ന്നി​വ​യു​മാ​യി സ​ഹ​ക​രി​ച്ചാ​ണ് പ​ദ്ധ​തി ന​ട​പ്പാ​ക്കു​ക. ജി​ല്ല നേ​രി​ടു​ന്ന പ്ര​ധാ​ന വെ​ല്ലു​വി​ളി​യാ​ണ് അ​ർ​ബു​ദ ചി​കി​ത്സ. ചി​കി​ത്സ സൗ​ക​ര്യ​ങ്ങ​ളു​ടെ അ​ഭാ​വം വ​ലി​യ വെ​ല്ലു​വി​ളി​യാ​ണ്​ സൃ​ഷ്ടി​ക്കു​ന്ന​ത്.

രോ​ഗം നേ​ര​ത്തേ ക​ണ്ടെ​ത്താ​നു​ള്ള സൗ​ക​ര്യ​ങ്ങ​ളും അ​പ​ര്യാ​പ്ത​മാ​ണ്. രോ​ഗം സ്ഥി​രീ​ക​രി​ച്ച് വീ​ടു​ക​ളി​ലും ആ​ശു​പ​ത്രി​ക​ളി​ലു​മാ​യി ചി​കി​ത്സ​യി​ല്‍ ക​ഴി​യു​ന്ന നി​ര​വ​ധി പേ​ര്‍ ജി​ല്ല​യി​ലു​ണ്ട്. ഇ​തി​ല്‍ കു​ട്ടി​ക​ളും ഉ​ള്‍പ്പെ​ടും. പ​ല​രും രോ​ഗം വെ​ളി​പ്പെ​ടു​ത്താ​ന്‍ ആ​ഗ്ര​ഹി​ക്കു​ന്നി​ല്ല. ചി​ല​രാ​വ​ട്ടെ രോ​ഗം മ​ന​സി​ലാ​കാ​ത്ത​വ​രാ​ണ്. പ​ല കു​ടും​ബ​ങ്ങ​ളും രോ​ഗ​വി​വ​രം മ​റ​ച്ചു വെ​ക്കു​ന്ന സാ​ഹ​ച​ര്യ​വു​മു​ണ്ട്.

ക​ഴി​ഞ്ഞ ദി​വ​സം ര​ജി​സ്​​ട്രി​യു​മാ​യി ബ​ന്ധ​പ്പെ​ട്ട്​ ജി​ല്ല ക​ല​ക്ട​ർ ഷീ​ബ ജോ​ർ​ജി​ന്‍റെ നേ​തൃ​ത്വ​ത്തി​ൽ ന​ട​ന്ന യോ​ഗ​ത്തി​ൽ ക്യാ​ൻ​സ​ർ സെ​ന്‍റ​ർ ഡ​യ​റ​ക്ട​ർ ഡോ.​പി ജി ​ബാ​ല​ഗോ​പാ​ൽ, ആ​ർ.​എം.​ഒ. ഡോ ​പോ​ൾ ജോ​ർ​ജ് , ഡെ​പ്യൂ​ട്ടി ക​ല​ക്ട​ർ അ​രു​ൺ നാ​യ​ർ, ബി​ൻ​സി​യ, അ​ല​ൻ ജോ​സ്, സ്വ​കാ​ര്യ ആ​ശു​പ​ത്രി പ്ര​തി​നി​ധി​ക​ൾ തു​ട​ങ്ങി​യ​വ​ർ പ​ങ്കെ​ടു​ത്തി​രു​ന്നു.

​ തൊ​ടു​പു​ഴ ജി​ല്ല ആ​ശു​പ​ത്രി​യി​ൽ കീ​മോ തെ​റാ​പ്പി യൂ​നി​റ്റ് ഉ​ണ്ടെ​ങ്കി​ലും കൃ​ത്യ​മാ​യ രോ​ഗ​നി​ർ​ണ​യ​ത്തി​നും ചി​കി​ത്സ​ക്കും മ​റ്റ്​ ജി​ല്ല​ക​ളെ ആ​ശ്ര​യി​ക്കേ​ണ്ട സാ​ഹ​ച​ര്യ​മാ​ണ്. ജി​ല്ല​യി​ൽ നി​ന്നു​ള്ള രോ​ഗി​ക​ൾ​ക്ക് ഏ​റ്റ​വും അ​ടു​ത്തു​ള്ള ചി​കി​ത്സാ കേ​ന്ദ്രം 100 കി​ലോ​മീ​റ്റ​ർ അ​ക​ലെ​യു​ള്ള കോ​ട്ട​യം മെ​ഡി​ക്ക​ൽ കോ​ള​ജോ എ​റ​ണാ​കു​ളം ജി​ല്ല​യി​ലെ ആ​ശു​പ​ത്രി​ക​ളോ ആ​ണ്.

ജി​ല്ല​യി​ൽ ഓ​രോ വ​ർ​ഷ​വും കാ​ൻ​സ​ർ രോ​ഗി​ക​ളു​ടെ എ​ണ്ണ​ത്തി​ൽ 10-15 ശ​ത​മാ​നം വ​ർ​ധ​ന ഉ​ണ്ടാ​കു​ന്ന​താ​യാ​ണു ആ​രോ​ഗ്യ​വ​കു​പ്പി​ന്റെ വി​ല​യി​രു​ത്ത​ൽ. സ്ത​നാ​ർ​ബു​ദം, ശ്വാ​സ​കോ​ശാ​ർ​ബു​ദം എ​ന്നി​വ​യാ​ണ് കൂ​ടു​ത​ലാ​യും ക​ണ്ടു​വ​രു​ന്ന​ത്. തോ​ട്ടം മേ​ഖ​ല​യി​ൽ അ​ർ​ബു​ദ രോ​ഗി​ക​ളു​ടെ എ​ണ്ണം ദി​നം പ്ര​തി കൂ​ടു​ന്ന​ത് ആ​രോ​ഗ്യ പ്ര​വ​ർ​ത്ത​ക​രെ ആ​ശ​ങ്ക​പ്പെ​ടു​ത്തു​ന്നു​ണ്ട്.

നൂ​റു​ക​ണ​ക്കി​ന് രോ​ഗി​ക​ള്‍ ജി​ല്ല​യി​ലും മ​റ്റു​ജി​ല്ല​ക​ളി​ലു​മാ​യി വി​വി​ധ ആ​ശു​പ​ത്രി​ക​ളി​ല്‍ ചി​കി​ത്സ​യി​ല്‍ ക​ഴി​യു​ന്നു​ണ്ട്. ഇ​തേ​ക്കു​റി​ച്ച് പ​ഠി​ക്കാ​നോ ആ​വ​ശ്യ​മാ​യ ന​ട​പ​ടി​ക​ള്‍ സ്വീ​ക​രി​ക്കു​വാ​നോ ആ​രോ​ഗ്യ വ​കു​പ്പ് ത​യാ​റാ​കു​ന്നി​ല്ലെ​ന്ന ആ​ക്ഷേ​പ​വും ഉ​യ​ർ​ന്നി​രു​ന്നു. ഇ​തി​നി​ടെ​യാ​ണ്​ അ​ർ​​ബു​ദ രോ​ഗ ബാ​ധി​ത​രു​ടെ എ​ണ്ണം ക​ണ്ടെ​ത്തി തു​ട​ർ ചി​കി​ത്സ​യ​ട​ക്ക​മു​ള്ള കാ​ര്യ​ങ്ങ​ൾ ഉ​റ​പ്പാ​ക്കാ​ൻ ര​ജി​സ്​​ട്രി ഒ​രു​ങ്ങു​ന്ന​തെ​ന്ന്​ അ​ധി​കൃ​ത​ർ പ​റ​ഞ്ഞു.