നെഹ്​റു ട്രോഫി വള്ളംകളിയിലെ തുഴച്ചിലുകാരനായ പൊലീസുകാരന് പാമ്പുകടിയേറ്റു

ആലപ്പുഴ: നെഹ്​റു ട്രോഫി വള്ളംകളിയിലെ പൊലീസ് ക്ലബിന്‍റെ തുഴച്ചിലുകാരന് പാമ്പുകടിയേറ്റു. തലശ്ശേരി കോസ്റ്റൽ പൊലീസിലെ കോൺസ്റ്റബിൾ തലശ്ശേരി ഗോപാൽപേട്ട ഫാത്തിമപുരം മൂളയിൽ ഹൗസ് മാക്സൻ ജോസഫിനാണ്​ (35) കടിയേറ്റത്.

പൊലീസ് ക്ലബിനെ പ്രതിനിധാനം ചെയ്ത്​ ചമ്പക്കുളം വള്ളത്തിലെ തുഴച്ചിലുകാരനായിരുന്നു മാക്സൻ ജോസഫ്. തുഴച്ചിൽ കഴിഞ്ഞ് കരയിലെത്തിയ ഇദ്ദേഹത്തിന്‍റെ ഇടത് കാലിലാണ്​ കടിയേറ്റത്​.

ഇദ്ദേഹത്തെ ആലപ്പുഴ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. വിഷപ്പാമ്പല്ലെന്നും ആരോഗ്യം തൃപ്തികരമാണെന്നും ആശുപത്രി അധികൃതർ പറഞ്ഞു.