Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഒന്നര വയസ്സുകാരനെ...

ഒന്നര വയസ്സുകാരനെ തെരുവുനായ്ക്കൾ വലിച്ചിഴച്ചു

text_fields
bookmark_border
stray dogs
cancel

കൊട്ടിയം: വീടിന് മുന്നിൽ നിന്ന ഒന്നര വയസ്സുകാരനെ തെരുവുനായ്ക്കൾ കടിച്ചെടുത്ത്​ വലിച്ചിഴച്ചു. കുട്ടിയുടെ കരച്ചിൽ കേട്ട് ഓടിയെത്തിയ മുത്തശ്ശി നായ്ക്കളുടെ ഇടയിൽനിന്ന്​ കുട്ടിയെ സാഹസികമായി രക്ഷിച്ചു. മയ്യനാട് പുല്ലിച്ചിറ കക്കാക്കടവിൽ രാജേഷ്-ആതിര ദമ്പതികളുടെ മകൻ അർണവിനെയാണ് വെള്ളിയാഴ്ച ഉച്ചക്ക്​ ഒന്നോടെ നായ്ക്കൾ ആക്രമിച്ചത്.

ചുറ്റുമതിലില്ലാത്ത വീടിന്റെ സിറ്റൗട്ടിൽ നിന്ന്​ കുട്ടി പുറത്തേക്കിറങ്ങവെ കൂട്ടത്തോടെയെത്തിയ തെരുവുനായ്ക്കൾ വലിച്ചിഴക്കുകയായിരുന്നു. മുത്തശ്ശി ഉഷ തടിക്കഷണംകൊണ്ട്​ അടിച്ച്​ നായ്ക്കളെ തുരത്തിയശേഷം കുട്ടിയെ രക്ഷിച്ചു. കുട്ടിയുടെ തലക്കും മുഖത്തും വയറ്റിലും കടിയേറ്റു. നാട്ടുകാർ കുട്ടിയെ മയ്യനാട്ടെ സ്വകാര്യ ആശുപത്രിയിലും പിന്നീട് ജില്ല ആശുപത്രിയിലും പ്രവേശിപ്പിച്ചു.

സംഭവസമയം മാതാവ്​ ആശുപത്രിയിൽ പോയിരിക്കുകയായിരുന്നു. കക്കാക്കടവ് പ്രദേശത്ത് തെരുവുനായ്​ ശല്യം വർധിച്ചതു സംബന്ധിച്ച്​ ​അധികൃതർക്ക്​ പരാതി നൽകിയിട്ടും നടപടിയുണ്ടായില്ലെന്ന്​ പ്രദേശവാസികൾ പറയുന്നു. മേഖലയിൽ സ്ഥിരമായി കോഴി അവശിഷ്ടം തള്ളാറുണ്ടെന്നും അത് ഭക്ഷിക്കാനാണ് നായ്ക്കൾ കൂട്ടത്തോടെ തമ്പടിക്കുന്നതെന്നും നാട്ടുകാർ പറയുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:stray dogs
Next Story