ദിലീപിനെതിരെ പുതിയ കേസ്; അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന

കൊ​ച്ചി: ന​ടി ആ​ക്ര​മി​ക്ക​പ്പെ​ട്ട കേ​സി​ൽ സം​വി​ധാ​യ​ക​ൻ ബാ​ല​ച​ന്ദ്ര​കു​മാ​റി​ന്‍റെ വെ​ളി​പ്പെ​ടു​ത്ത​ലു​ക​ളു​ടെ അ​ടി​സ്ഥാ​ന​ത്തി​ല്‍ നടൻ ദിലീപിനെതിരെ പുതിയ കേസ്. അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന നടത്തിയെന്ന് ചൂണ്ടിക്കാട്ടി ദിലീപ്, സഹോദരൻ അനൂപ് അടക്കം ആറു പേർക്കെതിരെ ക്രൈംബ്രാഞ്ച് തിരുവനന്തപുരം യൂനിറ്റ് ആണ് കേസ് രജിസ്റ്റർ ചെയ്തത്.

ജാമ്യം ലഭിച്ച് പുറത്തിറങ്ങിയ ദിലീപ്, വീട്ടിൽവെച്ച് സഹോദരൻ അടക്കമുള്ളവരോട് അന്വേഷണ ഉദ്യോഗസ്ഥർക്കെതിരെ എന്തെങ്കിലും ചെയ്യണമെന്നും 'എസ്.പി കെ.എസ് സുദർശന്‍റെ കൈ വെട്ടണം' എന്ന് പറഞ്ഞതായും ബാ​ല​ച​ന്ദ്ര​കു​മാ​ർ മീഡിയവൺ അഭിമുഖത്തിൽ വ്യക്തമാക്കിയിരുന്നു. ഈ വിവരങ്ങൾ അന്വേഷണ ഉദ്യോഗസ്ഥർ മുമ്പാകെ ബാ​ല​ച​ന്ദ്ര​കു​മാ​ർ ആവർത്തിക്കുകയും ചെയ്തു. ശബ്ദരേഖയും ഫോൺ റെക്കോഡുകളും അടക്കം തെളിവായി ശേഖരിച്ചാണ് ക്രൈംബ്രാഞ്ച് നടപടി.

ന​ടി ആ​ക്ര​മി​ക്ക​പ്പെ​ട്ട കേ​സി​ൽ സം​വി​ധാ​യ​ക​ൻ ബാ​ല​ച​ന്ദ്ര​കു​മാ​റി​ന്‍റെ വെ​ളി​പ്പെ​ടു​ത്ത​ലു​ക​ളു​ടെ അ​ടി​സ്ഥാ​ന​ത്തി​ല്‍ അ​ന്വേ​ഷ​ണം ദ്രു​ത​ഗ​തി​യി​ലാ​ക്കാ​ൻ പൊലീസ് തീ​രു​മാ​നിച്ചിരുന്നു. ബാ​ല​ച​ന്ദ്ര​കു​മാ​ർ, പ്ര​തി​ക​ളാ​യ പ​ൾ​സ​ർ സു​നി, ന​ട​ൻ ദി​ലീ​പ് എ​ന്നി​വരെ വൈകാതെ ചോ​ദ്യം ചെയ്യും.

ബാ​ല​ച​ന്ദ്ര​കു​മാ​റി​ന്‍റെ ര​ഹ​സ്യ​മൊ​ഴി​യെ​ടു​ക്ക​ണ​മെ​ന്ന അ​ന്വേ​ഷ​ണ​സം​ഘ​ത്തി​ന്‍റെ ആ​വ​ശ്യം അം​ഗീ​ക​രി​ച്ച കോ​ട​തി, ഈ ​മാ​സം 12ന് ​ഹാ​ജ​രാ​കാ​ൻ നോ​ട്ടീ​സ് അ​യ​ച്ചിരുന്നു. ആ​രോ​പ​ണ​ങ്ങ​ളി​ലെ തെ​ളി​വു​ക​ൾ ശേ​ഖ​രി​ക്കും. ക്രൈം​ബ്രാ​ഞ്ച് മേ​ധാ​വി എ​സ്. ശ്രീ​ജി​ത്തി​ന്‍റെ നേ​തൃ​ത്വ​ത്തി​ൽ പ്ര​ത്യേ​ക അ​ന്വേ​ഷ​ണ​സം​ഘം യോ​ഗം ചേ​ർ​ന്നാ​ണ് തു​ട​ർ​ന​ട​പ​ടി തീ​രു​മാ​നി​ച്ച​ത്.

ദി​ലീ​പി​നെ​യും സു​നി​യെ​യും ഏ​തു​ദി​വ​സം ചോ​ദ്യം ചെ​യ്യ​ണ​മെ​ന്ന് അ​ട​ക്ക​മു​ള്ള കാ​ര്യ​ങ്ങ​ൾ തീ​രു​മാ​നി​ച്ച​താ​യാ​ണ് വി​വ​രം. ചോ​ദ്യാ​വ​ലി​യും ത​യാ​റാ​ക്കി​. അ​ന്വേ​ഷ​ണം വേ​ഗ​ത്തി​ൽ ന​ട​ക്കേ​ണ്ട​തു​ള്ള​തി​നാ​ൽ 13 അം​ഗ അ​ന്വേ​ഷ​ണ സം​ഘ​ത്തി​ലെ ഓ​രോ ഉ​ദ്യോ​ഗ​സ്ഥ​ർ​ക്കും പ്ര​ത്യേ​കം ചു​മ​ത​ല​ക​ൾ ഏ​ൽ​പി​ച്ചി​ട്ടു​ണ്ട്. തെ​ളി​വു​ക​ളു​ടെ ശാ​സ്ത്രീ​യ പ​രി​ശോ​ധ​ന​ക്ക് പ്ര​ത്യേ​ക ഉ​ദ്യോ​ഗ​സ്ഥ​രെ​യും ചു​മ​ത​ല​പ്പെ​ടു​ത്തി. ദൃ​ശ്യ​ങ്ങ​ൾ എ​ഡി​റ്റ്​ ചെ​യ്ത്​ ശ​ബ്ദം ഉ​യ​ർ​ത്തി​യ സ്റ്റു​ഡി​യോ ജീ​വ​ന​ക്കാ​രെ​യും ചോ​ദ്യം ചെ​യ്തേ​ക്കും.

വി​ചാ​ര​ണ​ഘ​ട്ടം പൂ​ർ​ത്തി​യാ​ക്കാ​നി​രി​ക്കെ​യാ​ണ് ദി​ലീ​പി​നെ​തി​രെ ബാ​ല​ച​ന്ദ്ര​കു​മാ​ർ പു​തി​യ വെ​ളി​പ്പെ​ടു​ത്ത​ൽ ന​ട​ത്തി​യ​ത്. ന​ടി ആ​ക്ര​മി​ക്ക​പ്പെ​ടു​ന്ന ദൃ​ശ്യ​ങ്ങ​ളു​ടെ പ​ക​ർ​പ്പ് ദി​ലീ​പി​ന്‍റെ കൈ​വ​ശം ഉ​ണ്ടെ​ന്നാ​ണ് വെ​ളി​പ്പെ​ടു​ത്ത​ൽ. ദി​ലീ​പും പ​ൾ​സ​ർ സു​നി​യും ത​മ്മി​ൽ അ​ടു​ത്ത ബ​ന്ധ​മു​ണ്ടെ​ന്നും ആ​രോ​പി​ച്ചി​രു​ന്നു. ഇ​ക്കാ​ര്യ​ങ്ങ​ളി​ലൊ​ക്കെ വ്യ​ക്ത​ത വ​രു​ത്തും.

ഫെ​ബ്രു​വ​രി 16ന് ​വി​ചാ​ര​ണ പൂ​ർ​ത്തി​യാ​ക്കി വി​ധി പ​റ​യേ​ണ്ട​തി​നാ​ൽ ഈ ​മാ​സം 20ന് ​അ​ന്വേ​ഷ​ണ​സം​ഘം റി​പ്പോ​ർ​ട്ട് സ​മ​ർ​പ്പി​ക്ക​ണം. ക്രൈം​ബ്രാ​ഞ്ച് ഐ.​ജി ഫി​ലി​പ്, എ​സ്.​പി​മാ​രാ​യ കെ.​എ​സ്. സു​ദ​ർ​ശ​ൻ, സോ​ജ​ൻ തു​ട​ങ്ങി​യ​വ​ർ കഴിഞ്ഞ ദിവസം കൊച്ചിയിൽ ചേർന്ന യോ​ഗ​ത്തി​ൽ പ​ങ്കെ​ടു​ത്തിരുന്നു. 13 ഉ​ദ്യോ​ഗ​സ്ഥ​രാ​ണ് അ​ന്വേ​ഷ​ണ സം​ഘ​ത്തി​ലു​ള്ള​ത്. ക​ഴി​ഞ്ഞ ദി​വ​സം അ​ന്വേ​ഷ​ണ​സം​ഘം പ​ള്‍സ​ര്‍ സു​നി​യു​ടെ അ​മ്മ​യു​ടെ മൊ​ഴി രേ​ഖ​പ്പെ​ടു​ത്തി​യി​രു​ന്നു. സു​നി അ​മ്മ​യെ ഏ​ൽ​പി​ച്ച ക​ത്ത് അ​ന്വേ​ഷ​ണ​സം​ഘ​ത്തി​ന് കൈ​മാ​റി​യി​ട്ടു​ണ്ട്.

കോ​ട​തി നി​ർ​ദേ​ശം അ​നു​സ​രി​ച്ച് അ​ന്വേ​ഷ​ണം മു​ന്നോ​ട്ട് കൊ​ണ്ടു​ പോ​കു​മെ​ന്നാണ് യോ​ഗ​ത്തി​ന് ​ശേ​ഷം എ.​ഡി.​ജി.​പി എ​സ്. ശ്രീ​ജി​ത്ത് മാ​ധ്യ​മ​ങ്ങ​ളോ​ട് പ​റ​ഞ്ഞത്. അ​ന്വേ​ഷ​ണം സ​ത്യ​സ​ന്ധ​മാ​യി ന​ട​ക്കും. എ​ല്ലാ​കാ​ര്യ​ങ്ങ​ളും അ​ന്വേ​ഷി​ക്കു​ന്നു​ണ്ടെ​ന്നും വെ​ളി​പ്പെ​ടു​ത്ത​ലു​ക​ളെ​ല്ലാം അ​ന്വേ​ഷ​ണ ​പ​രി​ധി​യി​ലു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.