ട്രാൻസ്ഫോർമറിന്‍റെ അറ്റകുറ്റപ്പണിക്കിടെ തീപടർന്നു; കെ.എസ്.ഇ.ബി വാഹനം കത്തിനശിച്ചു, ട്രാൻസ്ഫോർമറുകൾക്കും നാശനഷ്ടം

ഫോ​ർ​ട്ട്​​കൊ​ച്ചി: വൈ​ദ്യു​തി ഉ​പ​ഭോ​ഗം ഏ​റി​യ​തി​നെ തു​ട​ർ​ന്ന് ലോ​ഡ് താ​ങ്ങാ​നാ​കാ​തെ ഫോ​ർ​ട്ട്കൊ​ച്ചി​യി​ൽ മൂ​ന്ന് ട്രാ​ൻ​സ്ഫോ​ർ​മ​റു​ക​ൾ ത​ക​രാ​റി​ലാ​യി. ട്രാ​ൻ​സ്ഫോ​ർ​മ​റി​ന്‍റെ അ​റ്റ​കു​റ്റ​പ​ണി​ക്കി​ടെ തീ ​ഉ​യ​ർ​ന്ന് കെ.​എ​സ്.​ഇ.​ബി​യു​ടെ ക​രാ​ർ വാ​ഹ​ന​മാ​യ മി​നി വാ​ൻ ക​ത്തി ന​ശി​ച്ചു. വെ​ള്ളി​യാ​ഴ്ച പു​ല​ർ​ച്ചെ അ​ഞ്ച​ര​ക്ക് ഫോ​ർ​ട്ട്കൊ​ച്ചി വൈ.​എം.​സി.​എ റോ​ഡി​ലു​ള്ള ട്രാ​ൻ​സ്ഫോ​ർ​മ​റാ​ണ് ആ​ദ്യം ത​ക​രാ​റി​ലാ​യ​ത്.

ജീ​വ​ന​ക്കാ​ർ എ​ത്തി അ​റ്റ​കു​റ്റ​പ്പ​ണി​ക​ൾ തീ​ർ​ത്ത് വൈ​ദ്യു​തി ബ​ന്ധം പു​നഃ​സ്ഥാ​പി​ച്ചെ​ങ്കി​ലും ശ​നി​യാ​ഴ്ച രാ​ത്രി പ​ത്തോ​ടെ വീ​ണ്ടും ഈ ​ട്രാ​ൻ​സ്ഫോ​ർ​മ​ർ ത​ക​രാ​റി​ലാ​യി. വീ​ണ്ടും ത​ക​രാ​ർ പ​രി​ഹ​രി​ച്ച് വൈ​ദ്യു​തി ബ​ന്ധം പു​നഃ​സ്ഥാ​പി​ച്ചു. ഞാ​യ​റാ​ഴ്ച പു​ല​ർ​ച്ചെ ര​ണ്ട​ര​യോ​ടെ ഫോ​ർ​ട്ട്കൊ​ച്ചി ചി​ര​ട്ട​പ്പാ​ലം കി​റ്റ്കാ​റ്റ് റോ​ഡി​ലു​ള്ള ട്രാ​ൻ​സ്ഫോ​ർ​മ​റും ത​ക​രാ​റി​ലാ​യി.

ഇ​ത് ശ​രി​യാ​ക്കി ചാ​ർ​ജ് ചെ​യ്യു​ന്ന​തി​നി​ടെ ഓ​യി​ലും തീ​പ്പൊ​രി​യും പു​റ​ത്തേ​ക്ക് വ​ന്ന് തീ​പി​ടു​ത്ത​മു​ണ്ടാ​കു​ക​യും ട്രാ​ൻ​സ്ഫോ​ർ​മ​റി​ന്​ സ​മീ​പം നി​ർ​ത്തി​യി​ട്ടി​രു​ന്ന കെ.​എ​സ്.​ഇ.​ബി​യു​ടെ ക​രാ​ർ വാ​ഹ​ന​ത്തി​ന് തീ ​പി​ടി​ക്കു​ക​യും ക​ത്തിന​ശി​ക്കു​ക​യു​മാ​യി​രു​ന്നു. ഇ​തി​ന് പു​റ​മേ ട്രാ​ൻ​സ്ഫോ​ർ​മ​റി​ന്റെ കേ​ബി​ളു​ക​ളും ഷ​ട്ട​റു​ക​ളും തീ​പി​ടു​ത്ത​ത്തി​ൽ ന​ശി​ച്ചി​ട്ടു​ണ്ട്. ജീ​വ​ന​ക്കാ​ർ ഓ​ടി ര​ക്ഷ​പ്പെ​ട്ട​തി​നാ​ൽ വ​ലി​യ അ​പ​ക​ടം ഒ​ഴി​വാ​യി. മ​ട്ടാ​ഞ്ചേ​രി​യി​ൽ​നി​ന്ന് എ​ത്തി​യ അ​ഗ്നി​ര​ക്ഷ സേ​ന ഒ​രു മ​ണി​ക്കൂ​ർ പ​രി​ശ്ര​മി​ച്ചാ​ണ് തീ​യ​ണ​ച്ച​ത്.

ഗ്യാ​സ് ഉ​പ​യോ​ഗി​ച്ച് ഓ​ടു​ന്ന വാ​ഹ​ന​മാ​ണെ​ങ്കി​ലും സി​ലി​ണ്ട​റി​ന് തീ​പി​ടി​ക്കാ​ത്ത​ത് വ​ലി​യ ദു​ര​ന്തം ഒ​ഴി​വാ​ക്കി. ഗ്രേ​ഡ് അ​സി. സ്റ്റേ​ഷ​ൻ ഓ​ഫി​സ​ർ എം.​എ​ൻ. മ​ഹേ​ഷ്, ഡ്രൈ​വ​ർ ലി​വി​ൻ​സ​ൻ, ഫ​യ​ർ​മാ​ൻ​മാ​രാ​യ മ​നു, പ്ര​ജോ, പ്ര​ശാ​ന്ത് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് തീ​യ​ണ​ച്ച​ത്. ഏ​ക​ദേ​ശം പ​തി​ന​ഞ്ച് ല​ക്ഷം രൂ​പ​യു​ടെ ന​ഷ്ട​മു​ള്ള​താ​യി കെ.​എ​സ്.​ഇ.​ബി ഫോ​ർ​ട്ട്​​കൊ​ച്ചി അ​സി. എ​ക്സി​ക്യൂ​ട്ടീ​വ് എ​ൻ​ജി​നീ​യ​ർ ആ​ന്റ​ണി ഡി​ക്രൂ​സ് പ​റ​ഞ്ഞു.