Begin typing your search above and press return to search.
proflie-avatar
Login
exit_to_app
exit_to_app

ജസ്ന തിരോധാന കേസിൽ സി.ബി.ഐക്ക് നിർണായക മൊഴി

text_fields
bookmark_border
jasna missing
cancel

കോട്ടയം: എരുമേലി സ്വദേശിയായ ജസ്നയുടെ തിരോധാനത്തിൽ നിർണായക മൊഴി പുറത്ത്. കേസന്വേഷിക്കുന്ന സി.ബി.ഐ സംഘത്തിനാണ് നിർണായക മൊഴി ലഭിച്ചത്. പൂജപ്പുര ജയിലിലെ തടവുകാരന്റേതാണ് മൊഴി. പത്തനംതിട്ടയിൽ തനിക്കൊപ്പമുണ്ടായിരുന്ന പ്രതിക്ക് ജസ്ന തിരോധാനത്തെ കുറിച്ച് അറിയാമെന്ന് തന്നോട് വെളിപ്പെടുത്തിയതായാണ് മൊഴി. ജയിൽ മോചിതനായ ശേഷം ഇയാൾ ഒളിവിലാണ്. ഇയാൾക്കായുള്ള അന്വേഷണം സി.ബി.ഐ ആരംഭിച്ചിട്ടുണ്ട്.

2018 മാര്‍ച്ച് 22നാണ് കാഞ്ഞിരപ്പള്ളി എസ് ഡി കോളേജിലെ രണ്ടാം വര്‍ഷ ബിരുദ വിദ്യാര്‍ത്ഥിനിയായ ജസ്നാ മരിയ ജയിംസിനെ എരുമേലിയിൽ നിന്നും കാണതാകുന്നത്. വീട്ടില്‍ നിന്നും മുണ്ടകയത്തെ ബന്ധുവീട്ടിലേക്ക് പോകുംവഴിയായിരുന്നു തിരോധാനം. കണ്ടെത്താന്‍ ക്രൈംബ്രാഞ്ചടക്കം കേരളാ പോലീസിന്‍റെ നിരവധി സംഘങ്ങള്‍ അന്വേഷണം നടത്തിയെങ്കിലും ഫലമുണ്ടായില്ല.

അന്വേഷണപുരോഗതിയില്ലെന്നു കാണിച്ച് ക്രിസ്ത്യന്‍ അലയന്‍സ് ആന്‍റ് സോഷ്യല്‍ ആക്ഷന്‍ എന്ന സംഘടന ഹൈക്കോടതിയെ സമീപിച്ചതോടെയാണ് കേസ് സിബിഐക്ക് കൈമാറാന്‍ ഉത്തരവിടുന്നത്. 2021 ഫെബ്രൂവരിയിലായിരുന്നു കോടതി ഉത്തരവ്. ഇതിന്‍റെ അടിസ്ഥാനത്തിലാണ് സി.ബി.ഐ അന്വേഷിക്കുന്നത്.

Show Full Article
25% Off
E-Paper First Page
Today
Today's Edition is out

Want the complete newspaper?

Print Replica Crop & Save India & GCC Zoom in and zoom out
News Summary - A decisive statement to the CBI in the Jasna disappearance case
Next Story