തിരുവല്ല കാവുംഭാഗത്ത് ബസും കാറും കൂട്ടിയിടിച്ച് അപകടം

തിരുവല്ല: കാവുംഭാഗം ഇടിഞ്ഞില്ലം റോഡിലെ നെടുമ്പള്ളി പടിയിൽ ബസും കാറും കൂട്ടിയിടിച്ചു. അപകടത്തിൽ ആർക്കും പരിക്കില്ല. രാവിലെ 9 മണിയോടെയായിരുന്നു സംഭവം.

കാവുംഭാഗത്ത് നിന്നും വന്ന ബസും എതിർദിശയിലെത്തിയ കാറും തമ്മിലാണ് കൂട്ടിയിടിച്ചത്. അപകടത്തിൽപ്പെട്ട കാറിന്റെ മുൻവശം പൂർണമായും തകർന്നു. അപകടത്തെ തുടർന്നുണ്ടായ ഗതാഗതക്കുരുക്ക് തിരുവല്ല പൊലീസിന്‍റെ മേൽനോട്ടത്തിൽ പരിഹരിച്ചു.