ആറാം ക്ലാസ് വിദ്യാർഥിയെ ചൂരൽ കൊണ്ട് അടിച്ചു; അധ്യാപകനെതിരെ കേസ്

കൊടുങ്ങല്ലൂർ: ആറാം ക്ലാസ് വിദ്യാർഥിയെ ചൂരൽ കൊണ്ട് അടിച്ച അധ്യാപകനെതിരെ മതിലകം പൊലീസ് കേസെടുത്തു. മതിലകം മേഖലയിലെ പ്രമുഖ വിദ്യാലയത്തിലെ അധ്യാപകനായ ആന്റണിക്കെതിരെയാണ് കേസെടുത്തത്.

പടിയൂർ സ്വദേശിയായ കുട്ടിയുടെ രക്ഷിതാവിന്റെ പരാതിയിലാണ് നടപടി. കുട്ടിയുടെ ശരീരത്തിൽ അടിയേറ്റ പാടുകളുണ്ട്. ചൊവ്വാഴ്ചയാണ് സംഭവം. കുട്ടിക്ക് ആശുപത്രിയിൽ ചികിത്സ നൽകി.