പാറക്കുളത്തിൽ 52കാരനെ മുങ്ങി മരിച്ച നിലയിൽ കണ്ടെത്തി

തിരുവല്ല: കവിയൂർ നാഴിപ്പാറയിലെ പുലിയിരിക്കാൻ പാറക്കുളത്തിൽ 52കാരനെ മുങ്ങി മരിച്ച നിലയിൽ കണ്ടെത്തി. കവിയൂർ നാഴിപാറ കണ്ണംകുളത്ത് വീട്ടിൽ സുകുമാരനെയാണ് ഇന്ന് രാവിലെ എട്ടു മണിയോടെ പാറക്കുളത്തിൽ മരിച്ച നിലയിൽ കണ്ടെത്തിയത്.

ഇന്നലെ ഉച്ചക്ക് ശേഷം ഇയാളെ കാണാതാവുകയായിരുന്നു. തിരുവല്ലയിൽ നിന്നുള്ള അഗ്നിരക്ഷാസേനയും പൊലീസും എത്തി പുറത്തെടുത്ത മൃതദേഹം മേൽനടപടികൾക്കു ശേഷം തിരുവല്ലയിലെ സ്വകാര്യ ആശുപത്രി മോർച്ചറിയിലേക്ക് മാറ്റി.