മാസ്ക് ധരിക്കാത്തതിന് 954 കേസുകൾ

തിരുവനന്തപുരം: സംസ്ഥാനത്ത് പൊതുസ്​ഥലങ്ങളിലും ജോലിസ്​ഥലങ്ങളിലും മാസ്​ക് നിർബന്ധമാക്കിയതിനെ തുടർന്ന് ആദ്യ ദിനമായ വ്യാഴാഴ്ച 954 പേർക്കെതിരെ കേസെടുത്തു. വൈകീട്ട് നാല് വരെയുള്ള കണക്കാണിത്.

നിർദേശം ലംഘിച്ചവർക്കെതിരെ ഇന്ത്യൻ ശിക്ഷാനിയമത്തിലെ വകുപ്പ് 290 പ്രകാരം പെറ്റിക്കേസ്​ ചാർജ്​ ചെയ്യുമെന്ന് നേരത്തെ അറിയിച്ചിരുന്നു.

200 രൂപയാണ് മാസ്ക് ധരിക്കാത്തതിന് പിഴയീടാക്കുക. കുറ്റം ആവർത്തിച്ചാൽ 5000 രൂപ പിഴ ഈടാക്കും. തുണികൊണ്ടുള്ള മാസ്​ക്, തോർത്ത്, കർച്ചീഫ് എന്നിവയും ഉപയോഗിക്കാം.