ഭരണത്തുടർച്ചയുടെ അമരക്കാരന്​ ഇന്ന്​ 80

തി​രു​വ​ന​ന്ത​പു​രം: ഭ​ര​ണ​ത്തു​ട​ർ​ച്ച​യു​ടെ അ​മ​ര​ക്കാ​ര​നാ​യ​തി​ന്‍റെ ഒ​മ്പ​ത്​ വ​ർ​ഷം പൂ​ർ​ത്തി​യാ​ക്കു​മ്പോ​ൾ മു​ഖ്യ​മ​ന്ത്രി പി​ണ​റാ​യി വി​ജ​യ​ന് ഇ​ന്ന്​​ 80 വ​യ​സ്സ്​​ പൂ​ർ​ത്തി​യാ​കു​ന്നു. ഔ​ദ്യോ​ഗി​ക രേ​ഖ​ക​ളി​ല്‍ മാ​ര്‍ച്ച് 21ആ​ണ് മു​ഖ്യ​മ​ന്ത്രി​യു​ടെ ജ​ന്മ​ദി​ന​മാ​യി രേ​ഖ​പ്പെ​ടു​ത്തി​യി​രു​ന്ന​ത്. ഒ​മ്പ​ത്​ വ​ർ​ഷ​ങ്ങ​ൾ​ക്കു​മു​മ്പ് ഒ​ന്നാം പി​ണ​റാ​യി സ​ര്‍ക്കാ​ര്‍ സ​ത്യ​പ്ര​തി​ജ്ഞ ചെ​യ്യു​ന്ന​തി​ന് ത​ലേ​ന്നാ​ണ് ത​ന്റെ യ​ഥാ​ര്‍ഥ ജ​ന്മ​ദി​നം 1945 മേ​യ് 24നാ​ണെ​ന്ന് പി​ണ​റാ​യി ത​ന്നെ വെ​ളി​പ്പെ​ടു​ത്തി​യ​ത്.

മൂ​ന്നാം പി​ണ​റാ​യി സ​ർ​ക്കാ​ർ എ​ന്ന പ്ര​ചാ​ര​ണ കാ​മ്പ​യി​ന്​ പാ​ർ​ട്ടി​യും മു​ന്ന​ണി​യും ഒ​രു​പോ​ലെ അ​ര​ങ്ങൊ​രു​ക്കു​മ്പോ​ഴാ​ണ്​ സ​ർ​ക്കാ​റി​ന്‍റെ ‘ക്യാ​പ്​​റ്റ​ൻ’ എ​ൺ​പ​തി​ലേ​ക്ക്​ ചു​വ​ടു​​വെ​ക്കു​ന്ന​ത്. ച​രി​ത്രം​കു​റി​ച്ച തു​ട​ർ ഭ​ര​ണ​ത്തി​നൊ​പ്പം മൂ​ന്നാം ഭ​ര​ണ​മെ​ന്ന പു​തി​യ​ച​രി​ത്ര​മെ​ഴു​താ​ൻ പി​ണ​റാ​യി​ക്ക്​ ക​ഴി​യു​മെ​ന്ന വി​ശ്വാ​സ​ത്തി​ലാ​ണ്​ പാ​ർ​ട്ടി​യും അ​ണി​ക​ളും. അ​തി​നാ​യി വി​ഴി​ഞ്ഞം, ദേ​ശീ​യ​പാ​ത വി​ക​സ​ന​മു​ൾ​പ്പെ​ടെ വി​ക​സ​ന​ങ്ങ​ളു​ടെ നീ​ണ്ട പ​ട്ടി​ക നി​ര​ത്തു​ക​യും ചെ​യ്യു​ന്നു.

ക​ണ്ണൂ​ർ ത​ല​ശ്ശേ​രി​യി​ലെ പി​ണ​റാ​യി പ​ഞ്ചാ​യ​ത്തി​ൽ പാ​റ​പ്പു​റം​കാ​രാ​യ മു​ണ്ട​യി​ൽ കോ​ര​ന്‍റെ​യും ക​ല്യാ​ണി​യു​ടെ​യും ഇ​ള​യ മ​ക​നാ​യാ​ണ്​ പി​ണ​റാ​യി വി​ജ​യ​ന്‍റെ ജ​ന​നം. പി​ണ​റാ​യി ശാ​ര​ദാ​വി​ലാ​സം ​എ​ൽ.​പി സ്കൂ​ൾ, പെ​ര​ള​​ശ്ശേ​രി ഹൈ​സ്കൂ​ൾ എ​ന്നി​വി​ട​ങ്ങ​ളി​ലെ സ്കൂ​ൾ പ​ഠ​ന​ത്തി​നു​​ശേ​ഷം ത​ല​​​ശ്ശേ​രി ഗ​വ. ബ്ര​ണ്ണ​ൻ കോ​ള​ജി​ൽ നി​ന്ന്​ പ്രീ ​യൂ​നി​വേ​ഴ്​​സി​റ്റി കോ​ഴ്​​സും സാ​മ്പ​ത്തി​ക ശാ​സ്ത്ര​ത്തി​ൽ ബി​രു​ദ​വും പൂ​ർ​ത്തി​യാ​ക്കി. കേ​ര​ള സ്റ്റു​ഡ​ന്‍റ്​ ഫെ​ഡ​റേ​ഷ​നി​ലൂ​ടെ​യും കേ​ര​ള സ്​​റ്റേ​റ്റ്​ യൂ​ത്ത്​ ഫെ​ഡ​റേ​ഷ​നി​ലൂ​ടെ​യും വി​ദ്യാ​ർ​ഥി, യു​വ​ജ​ന പ്ര​സ്ഥാ​ന​ങ്ങ​ളി​ൽ പ​ങ്കാ​ളി​യാ​യി.

1964ൽ ​ക​മ്യൂ​ണി​സ്റ്റ്​ പാ​ർ​ട്ടി​യി​ൽ ചേ​ർ​ന്നു. 1968ൽ 24ാം ​വ​യ​സ്സി​ൽ ക​ണ്ണൂ​ർ ജി​ല്ല ക​മ്മി​റ്റി​യി​ലും നാ​ലു​വ​ർ​ഷ​ത്തി​നു​ ശേ​ഷം ജി​ല്ല സെ​ക്ര​ട്ടേ​റി​യ​റ്റി​ലു​മെ​ത്തി. 1978ൽ ​സി.​പി.​എം സം​സ്ഥാ​ന ക​മ്മി​റ്റി​യി​ലെ​ത്തി. 1986ൽ ​പാ​ർ​ട്ടി ക​ണ്ണൂ​ർ ജി​ല്ല സെ​ക്ര​ട്ട​റി​യാ​യി. 1988 മു​ത​ൽ സം​സ്ഥാ​ന സെ​ക്ര​ട്ടേ​റി​യ​റ്റ്​ അം​ഗ​മാ​യ പി​ണ​റാ​യി, 1998ൽ ​ച​ട​യ​ൻ​ ഗോ​വി​ന്ദ​ന്‍റെ നി​ര്യാ​ണ​ത്തെ തു​ട​ർ​ന്ന്​ ഇ.​കെ. നാ​യ​നാ​ർ മ​ന്ത്രി​സ​ഭ​യി​ൽ നി​ന്ന്​ രാ​ജി​വെ​ച്ച്​ പാ​ർ​ട്ടി സം​സ്ഥാ​ന സെ​ക്ര​ട്ട​റി​യാ​യി. 2015 വ​രെ പ​ദ​വി​യി​ൽ തു​ട​ർ​ന്നു. 2002 മു​ത​ൽ പോ​ളി​റ്റ്​ ബ്യൂ​റോ അം​ഗ​മാ​ണ്.

പാ​ർ​ട്ടി ച​രി​ത്ര​ത്തി​ലെ എ​ണ്ണ​പ്പെ​ട്ട പോ​രാ​ട്ട മു​ഖം കൂ​ടി​യാ​ണ് പി​ണ​റാ​യി വി​ജ​യ​ൻ. അ​ടി​യ​ന്ത​രാ​വ​സ്ഥ​ക്കാ​ല​ത്ത് പൊ​ലീ​സി​ൽ നി​ന്ന്​ ക്രൂ​ര​മാ​യ പീ​ഡ​ന​മേ​ൽ​ക്കേ​ണ്ടി​വ​ന്നു. മോ​ചി​ത​നാ​യ ശേ​ഷം, ര​ക്തം​പു​ര​ണ്ട ഷ​ർ​ട്ട് വീ​ശി​ക്കൊ​ണ്ട്​ അ​ദ്ദേ​ഹം നി​യ​മ​സ​ഭ​യി​ൽ ന​ട​ത്തി​യ പ്ര​സം​ഗം നി​യ​മ​സ​ഭ​യു​ടെ​യും കേ​ര​ള രാ​ഷ്ട്രീ​യ​ത്തി​ലെ​യും വീ​റു​റ്റ അ​ധ്യാ​യ​മാ​ണ്. 1970ലും ‘77​ലും ‘91ലും ​കൂ​ത്തു​പ​റ​മ്പി​ൽ നി​ന്നും ‘96ൽ ​പ​യ്യ​ന്നൂ​രി​ൽ നി​ന്നും 2016ലും 2021​ലും ധ​ർ​മ​ട​ത്തു​നി​ന്നും നി​യ​മ​സ​ഭ​യി​ലെ​ത്തി. 1996ലെ ​നാ​യ​നാ​ർ മ​ന്ത്രി​സ​ഭ​യി​ൽ വൈ​ദ്യു​തി, സ​ഹ​ക​ര​ണ​മ​ന്ത്രി​യാ​യി​രു​ന്നു.