77 ലക്ഷം കുട്ടികള്‍ക്ക് ഇന്ന് വിര ഗുളിക നൽകും

തി​രു​വ​ന​ന്ത​പു​രം: ദേ​ശീ​യ വി​ര​വി​മു​ക്ത ദി​നാ​ച​ര​ണ​ത്തി​ന്റെ ഭാ​ഗ​മാ​യി വ്യാ​ഴാ​ഴ്ച സ്‌​കൂ​ളു​ക​ളും അം​ഗ​ൻ​വാ​ടി​ക​ളും വ​ഴി കു​ട്ടി​ക​ള്‍ക്ക് വി​ര ന​ശീ​ക​ര​ണ​ത്തി​നു​ള്ള ആ​ല്‍ബ​ന്‍ഡ​സോ​ള്‍ ഗു​ളി​ക ന​ൽ​കും. ഫെ​ബ്രു​വ​രി എ​ട്ട്​ വി​ര​വി​മു​ക്ത ദി​ന​മാ​യി ആ​ച​രി​ക്കു​ന്ന​തി​ന്‍റെ ഭാ​ഗ​മാ​യാ​ണി​ത്.

വ്യാ​ഴാ​ഴ്ച സ്‌​കൂ​ളു​ക​ളി​ലെ​ത്തു​ന്ന കു​ട്ടി​ക​ള്‍ക്ക് അ​വി​ടെ നി​ന്നും സ്‌​കൂ​ളു​ക​ളി​ലെ​ത്താ​ത്ത ഒ​ന്നു മു​ത​ല്‍ 19 വ​യ​സ്സ്​ വ​രെ പ്രാ​യ​മു​ള്ള കു​ട്ടി​ക​ള്‍ക്ക് അം​ഗ​ൻ​വാ​ടി​ക​ള്‍ വ​ഴി​യും ഗു​ളി​ക ന​ല്‍കാ​നാ​ണ്​ തീ​രു​മാ​നം. വ്യാ​ഴാ​ഴ്ച ഗു​ളി​ക ല​ഭി​ക്കാ​ത്ത കു​ട്ടി​ക​ള്‍ക്ക് ഫെ​ബ്രു​വ​രി 15ന് ​ന​ല്‍കും. ഈ ​വ​ര്‍ഷം ഒ​ന്നു മു​ത​ല്‍ 19 വ​യ​സ്സ്​ വ​രെ​യു​ള്ള 77,44,054 കു​ട്ടി​ക​ള്‍ക്ക് ഗു​ളി​ക ന​ല്‍കാ​നാ​ണ് ല​ക്ഷ്യ​മി​ടു​ന്ന​ത്.

ര​ണ്ടു​​വ​യ​സ്സ്​ വ​രെ അ​ര ഗു​ളി​ക: ഒ​ന്നു​ മു​ത​ല്‍ ര​ണ്ടു​​വ​യ​സ്സ് വ​രെ​യു​ള്ള കു​ട്ടി​ക​ള്‍ക്ക് അ​ര ഗു​ളി​ക​യും (200 മി.​ഗ്രാം) ര​ണ്ടു മു​ത​ല്‍ 19 വ​യ​സ്സ്​ വ​രെ​യു​ള്ള കു​ട്ടി​ക​ള്‍ക്ക് ഒ​രു ഗു​ളി​ക​യു​മാ​ണ്​ (400 മി.​ഗ്രാം) ന​ൽ​കു​ന്ന​ത്. ചെ​റി​യ കു​ട്ടി​ക​ള്‍ക്ക് തി​ള​പ്പി​ച്ചാ​റി​യ വെ​ള്ള​ത്തി​ല്‍ ഗു​ളി​ക അ​ലി​യി​ച്ച് ന​ല്‍ക​ണം. മു​തി​ര്‍ന്ന കു​ട്ടി​ക​ള്‍ ഉ​ച്ച​ഭ​ക്ഷ​ണ​ത്തി​നു ശേ​ഷം ഗു​ളി​ക ച​വ​ച്ച​ര​ച്ച് ക​ഴി​ക്ക​ണം. അ​സു​ഖ​മു​ള്ള കു​ട്ടി​ക​ള്‍ക്ക് ഗു​ളി​ക ന​ല്‍കേ​ണ്ട​തി​ല്ല.