സം​സ്ഥാ​ന​ത്ത് 77 ബാ​റു​ക​ൾ തു​റന്നു

തി​രു​വ​ന​ന്ത​പു​രം: ഇ​ട​തു ​സ​ർ​ക്കാ​റി​ന്‍റെ പുതി‍യ മ​ദ്യ​ന​യ​ത്തി​ന്‍റെ ഭാ​ഗ​മാ​യി സം​സ്ഥാ​ന​ത്ത് 77 ബാ​റു​ക​ൾ പ്ര​വ​ർ​ത്തി​ച്ചു​ തു​ട​ങ്ങി. തി​രു​വ​ന​ന്ത​പു​രം-11, കൊ​ല്ലം-3, ആ​ല​പ്പു​ഴ-2, എ​റ​ണാ​കു​ളം-20, കോ​ട്ട​യം-6, തൃ​ശൂ​ർ-9, പാ​ല​ക്കാ​ട്-6, മ​ല​പ്പു​റം-4, കോ​ഴി​ക്കോ​ട്-5, ക​ണ്ണൂ​ർ-8, വ​യ​നാ​ട്-2, ഇ​ടു​ക്കി-1 എന്നിങ്ങനെയാണ് തുറന്നു പ്രവർത്തിക്കുന്ന ബാറുകളുടെ ജില്ല തിരിച്ചുള്ള എണ്ണം. ജൂ​ലൈ ഒ​ന്നു​ മു​ത​ലാ​ണ് മ​ദ്യ​ന​യം നി​ല​വി​ൽ​ വ​ന്ന​തെ​ങ്കി​ലും ശ​നി​യാ​ഴ്ച ഡ്രൈ​ഡേ ‍ആ​യ​തി​നാ​ലാ​ണ് ഞാ​യ​റാ​ഴ്ച ബാ​റു​ക​ൾ തു​റ​ക്കുന്ന​ത്. 23 ത്രീ ​സ്​​റ്റാ​ർ-ഫോ​ർ സ്​​റ്റാ​ർ ബാ​റു​കളും 24 ഫൈ​വ്​ സ്​​റ്റാ​ർ ബാ​റു​ക​ളും ഉൾപ്പെടെ ആകെ നൂറോളം ബാറുകളാണ് സംസ്ഥാനത്ത് പ്രവർത്തിക്കുന്നത്. 

ഏ​റ്റ​വും കൂ​ടു​ത​ൽ ബാ​റു​ക​ൾ തു​റ​ന്ന​ത് എ​റ​ണാ​കു​ള​ത്താ​ണ്, 20 എണ്ണം. 11 എണ്ണവുമായി തി​രു​വ​ന​ന്ത​പു​ര​മാ​ണ് തൊ​ട്ടു​പു​റ​കി​ൽ. 2014 മാ​ർ​ച്ച് 31 വ​രെ ബാ​ർ പ്ര​വ​ർ​ത്തി​ച്ച​തും ത്രീ ​സ്​​റ്റാ​റി​ന്​ മു​ക​ളി​ൽ ന​ക്ഷ​ത്ര​പ​ദ​വി​യു​ള്ള​തു​മാ​യ ഹോ​ട്ട​ലു​ക​ൾ​ക്കാ​ണ് ബാ​ർ ലൈ​സ​ൻ​സ് പു​തു​ക്കി​ ന​ൽ​കിയിട്ടുള്ള​ത്. എന്നാൽ, സ്​​റ്റാ​ർ പ​ദ​വി ല​ഭി​ക്കാ​ത്ത​തി​നാ​ൽ പ​ത്ത​നം​തി​ട്ട, കാ​സ​ർ​കോ​ട് ജി​ല്ല​ക​ളി​ൽ ഒ​റ്റ ബാ​റും ത​ൽ​ക്കാ​ലം പ്ര​വ​ർ​ത്തി​ക്കി​ല്ല.

പു​തി​യ മ​ദ്യ​ന​യം അ​നു​സ​രി​ച്ച് സം​സ്ഥാ​ന​ത്ത് ത്രീ, ​ഫോ​ർ സ്​​റ്റാ​ർ പ​ദ​വി ല​ഭി​ച്ച​തും ദേ​ശീ​യ സം​സ്ഥാ​ന​പാ​ത​ക​ളി​ൽ​ നി​ന്ന് 500 മീ​റ്റ​ർ അ​ക​ല​ത്തി​ൽ പ്ര​വ​ർ​ത്തി​ക്കു​ന്ന​തു​മാ​യ 158 ഹോ​ട്ട​ലു​ക​ൾ ഉ​ണ്ടെ​ന്നാ​ണ് എ​ക്സൈ​സ് വ​കു​പ്പ് ക​രു​തി​യി​രു​ന്ന​ത്. എ​ന്നാ​ൽ, ഇ​ട​തു സ​ർ​ക്കാ​റിന്‍റെ പു​തി​യ മ​ദ്യ​ന​യം എ​ന്തെ​ന്ന് അ​റി​യാ​ത്ത​തി​നാ​ൽ പ​ല ബാ​റു​കാ​രും ന​ക്ഷ​ത്ര​പ​ദ​വി പു​തു​ക്കു​ന്ന​തി​ന് കേ​ന്ദ്ര ടൂ​റി​സം മ​ന്ത്രാ​ല​യ​ത്തി​ന് അ​പേ​ക്ഷ ന​ൽ​കി​യി​രു​ന്നി​ല്ല. 

അ​ഞ്ചു​ വ​ർ​ഷ​മാ​ണ് സ്​​റ്റാ​ർ പ​ദ​വി​യു​ടെ കാ​ലാ​വ​ധി. നി​ല​വി​ൽ ലൈ​സ​ൻ​സ് ല​ഭി​ക്കു​ന്ന​തി​നെ​ക്കാ​ളും വി​ഷ​മ​ക​ര​മാ​ണ് പു​തു​ക്കി ല​ഭി​ക്കു​ന്ന​തി​ന്. അ​പേ​ക്ഷ ന​ൽ​കി​യ​വ​രു​ടെ​താ​ക​ട്ടെ പ​രി​ശോ​ധ​ന ക​ഴി​ഞ്ഞ് കി​ട്ടി​യി​ട്ടു​മി​ല്ല. പ​രി​ശോ​ധ​ന ക​ഴി​ഞ്ഞ് വ​രു​ന്ന മു​റ​ക്ക് ബാ​റു​ക​ളു​ടെ എ​ണ്ണം പ്ര​തീ​ക്ഷി​ച്ച സം​ഖ്യ​യി​ലേ​ക്ക് എ​ത്തു​മെ​ന്നാ​ണ് സ​ർ​ക്കാ​റി​ന്‍റെ നി​ഗ​മ​നം. 

വെ​ള്ളി​യാ​ഴ്ച​വ​രെ ക​ള്ളു​ഷാ​പ്പ് ലൈ​സ​ൻ​സി​നാ​യി അ​പേ​ക്ഷി​ച്ച 2528 എ​ണ്ണ​ത്തി​ൽ 2112 അ​പേ​ക്ഷ​കൾക്ക് എക്സൈസ് വകുപ്പ് പ്രവർത്തിക്കാൻ അനുമതി നൽകിയി​ട്ടു​ണ്ട്. നാല് ബാറുകളുടെ അപേക്ഷ എക്സൈസ് കമീഷണറുടെ പരിഗണനയിലാണ്.