മുഖ്യമന്ത്രിക്ക് ഇന്ന് 75ാം പിറന്നാൾ
text_fieldsതിരുവനന്തപുരം: മുഖ്യമന്ത്രി പിണറായി വിജയന് ഞായറാഴ്ച 75ാം പിറന്നാൾ. കേരളത്തിെൻറ കോവിഡ് പ്രതിരോധ പോരാട്ടത്തെ മുന്നിൽനിന്ന് നയിക്കുന്നതിനിടെയാണ് പിറന്നാൾ കടന്നുവരുന്നത്. പൊതുവേ വ്യക്തിപരമായ ആഘോഷങ്ങളോട് മുഖംതിരിഞ്ഞ് നിൽക്കുന്ന പിണറായി ഇത്തവണയും പിറന്നാൾ ആഘോഷിക്കുന്നുണ്ടാവില്ല.
2016ലെ നിയമസഭ തെരഞ്ഞെടുപ്പിൽ വിജയിച്ച് തെൻറ നേതൃത്വത്തിലുള്ള സർക്കാർ സത്യപ്രതിജ്ഞ ചെയ്ത് അധികാരമേറ്റടുക്കുന്ന മേയ് 25 െൻറ തലേദിവസമാണ് യഥാർഥ പിറന്നാൾ തീയതി 24 ആണെന്ന് പിണറായി വെളിപ്പെടുത്തിയത്. മുഖ്യമന്ത്രിയായി ഇൗ മൂന്ന് വർഷവും പിറന്നാൾദിനം മറ്റേതൊരു ദിവസവും പോലെയാണ് കടന്നുപോയത്.
അവധി ദിനങ്ങളിലും മറ്റ് ചില പ്രത്യേക അവസരങ്ങളിലും ഒഴികെ ദിവസവും വൈകീട്ട് അഞ്ചിന് കോവിഡ് സ്ഥിതിവിവര കണക്കുകളും സംസ്ഥാനം സ്വീകരിക്കുന്ന നടപടികളും വിശദീകരിച്ചും പ്രതിരോധ നടപടികൾക്ക് ജനങ്ങളെ ഒാർമിപ്പിച്ചും മുഖ്യമന്ത്രി ജനങ്ങളുടെ മുന്നിൽ എത്തുകയാണ്. കഴിഞ്ഞ രണ്ട് മാസമായി ഇത് തുടരുകയാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.