എഴുപത്തഞ്ചിലും ചുവടുതെറ്റാതെ നിറഞ്ഞാടി ദേവി ടീച്ചർ

ബാ​ലു​ശ്ശേ​രി: വ​യ​സ്സ് എ​ഴു​പ​ത്തി​യ​ഞ്ചാ​യെ​ങ്കി​ലും നൃ​ത്ത​ച്ചു​വ​ടു​ക​ൾ തെ​റ്റാ​തെ വേ​ദി​യി​ൽ നി​റ​ഞ്ഞാ​ടി ദേ​വി ടീ​ച്ച​ർ. ബാ​ലു​ശ്ശേ​രി ബ്ലോ​ക്ക് പ​ഞ്ചാ​യ​ത്തി​ന്റെ നേ​തൃ​ത്വ​ത്തി​ൽ ന​ട​ന്ന വ​യോ​ജ​ന ക​ലോ​ത്സ​വ​ത്തി​ലാ​ണ് പ്രാ​യം മ​റ​ന്ന് ദേ​വി ടീ​ച്ച​ർ കാ​ലി​ൽ ചി​ല​ങ്ക കെ​ട്ടി നാ​ടോ​ടി നൃ​ത്ത​ത്തി​നാ​യി ചു​വ​ടു​ക​ൾ​വെ​ച്ച​ത്. ക​ഴി​ഞ്ഞ 62 വ​ർ​ഷ​മാ​യി ആ​യി​ര​ക്ക​ണ​ക്കി​ന് കു​ട്ടി​ക​ളെ നൃ​ത്തം അ​ഭ്യ​സി​പ്പി​ച്ച് വേ​ദി​ക​ളി​ൽ അ​ര​ങ്ങേ​റ്റി​യി​ട്ടു​ണ്ടെ​ങ്കി​ലും ദേ​വി ടീ​ച്ച​ർ ഇ​തു​വ​രെ വേ​ദി​യി​ൽ വ​ന്ന് സ്വ​യം നൃ​ത്ത​ച്ചു​വ​ടു​ക​ൾ വെ​ച്ചി​ട്ടി​ല്ല. ബാ​ലു​ശ്ശേ​രി ഗ്രീ​ൻ അ​രീ​ന ഓ​ഡി​റ്റോ​റി​യ​ത്തി​ൽ ക​ഴി​ഞ്ഞ ദി​വ​സം ന​ട​ന്ന ബ്ലോ​ക്ക് പ​ഞ്ചാ​യ​ത്ത് വ​യോ​ജ​ന ക​ലോ​ത്സ​വ​ത്തി​ൽ ആ​ദ്യ​മാ​യാ​ണ് ചി​ല​ങ്ക കെ​ട്ടി കാ​ണി​ക​ളു​ടെ പ്ര​ശം​സ പി​ടി​ച്ചു​പ​റ്റി​യ​ത്. നാ​ടോ​ടി നൃ​ത്ത​വും സം​ഘ​നൃ​ത്ത​വും നാ​ട​ൻ​പാ​ട്ടും വ​ട​ക്ക​ൻ പാ​ട്ടും തി​രു​വാ​തി​ര​ക്ക​ളി​യും തു​ട​ങ്ങി വി​വി​ധ ക​ലാ​പ​രി​പാ​ടി​ക​ളി​ലേ​ക്ക് ഒ​ട്ട​ന​വ​ധി വി​ദ്യാ​ർ​ഥി​നി​ക​ളെ​യും അ​മ്മ​മാ​രെ​യു​മാ​ണ് 62 വ​ർ​ഷ​ക്കാ​ല​ത്തെ നൃ​ത്ത പ​രി​ശീ​ല​ന ക്ലാ​സി​ലൂ​ടെ ദേ​വി ടീ​ച്ച​ർ അ​ര​ങ്ങി​ലെ​ത്തി​ച്ചി​ട്ടു​ള്ള​ത്.

1968ൽ ​മ​ണ്ണാം​പൊ​യി​ൽ ഇ​ര​ട്ട​ക്കു​ള​ങ്ങ​ര പ​ര​ദേ​വ​ത ക്ഷേ​ത്ര​ത്തി​ൽ കൊ​ള​ത്തൂ​ർ ആ​ശ്ര​മ​ത്തി​ലെ ഗു​രു​വ​രാ​ന​ന്ദ സ്വാ​മി​ക​ളു​ടെ കാ​ൽ​കീ​ഴി​ൽ ദ​ക്ഷി​ണ സ​മ​ർ​പ്പി​ച്ചാ​യി​രു​ന്നു ടീ​ച്ച​റു​ടെ ശി​ക്ഷ​ണ​ത്തി​ൽ കു​ട്ടി​ക​ൾ ആ​ദ്യ​മാ​യി നൃ​ത്ത അ​ര​ങ്ങേ​റ്റം ന​ട​ത്തി​യ​ത്. പി​ന്നീ​ട​ങ്ങോ​ട്ട് ബാ​ലു​ശ്ശേ​രി, പ​നാ​യി, പ​ന​ങ്ങാ​ട് പ്ര​ദേ​ശ​ങ്ങ​ളി​ലാ​യി നി​ര​വ​ധി വി​ദ്യാ​ർ​ഥി​ക​ളാ​ണ് ടീ​ച്ച​റു​ടെ ശീ​ക്ഷ​ണ​ത്തി​ൽ നൃ​ത്താ​ഭ്യാ​സം പ​ഠി​ച്ച​ത്. അ​ക്കാ​ല​ത്ത്‌ ദേ​വി ടീ​ച്ച​റു​ടെ ശി​ക്ഷ​ണ​ത്തി​ലു​ള്ള വി​ദ്യാ​ർ​ഥി​നി​ക​ളാ​യി​രു​ന്നു ബാ​ലു​ശ്ശേ​രി പ്ര​ദേ​ശ​ത്തെ ഉ​ത്സ​വാ​ഘോ​ഷ​ങ്ങ​ളി​ലെ​യും സ്കൂ​ൾ ക​ലോ​ത്സ​വ​ങ്ങ​ളി​ലെ​യും നൃ​ത്ത​നൃ​ത്യ​ങ്ങ​ൾ​ക്ക് മു​ന്നി​ലു​ണ്ടാ​യി​രു​ന്ന​ത്. പി​താ​വ് പ​നാ​യി പാ​ണ​ൻ​ക​ണ്ടി രാ​മ​രും ക​ഥ​ക​ളി ക​ലാ​കാ​ര​നാ​യി​രു​ന്നു. ഫോ​ക് ലോ​ർ അ​ക്കാ​ദ​മി​യു​ടെ കീ​ഴി​ൽ തി​രു​വ​ര​ങ്ങ് പ​രി​പാ​ടി​യു​ടെ ഭാ​ഗ​മാ​യി സം​സ്ഥാ​ന​ത്തി​ന്റെ വി​വി​ധ ഭാ​ഗ​ങ്ങ​ളി​ലാ​യി 35ഓ​ളം സ്റ്റേ​ജു​ക​ളി​ൽ നാ​ട​ൻ ക​ല​ക​ളാ​യ ബ​ലി​യ്ക്ക​ള തോ​റ്റം​പാ​ട്ട് ദേ​വി ടീ​ച്ച​റു​ടെ നേ​തൃ​ത്വ​ത്തി​ൽ അ​വ​ത​രി​പ്പി​ച്ചി​ട്ടു​ണ്ട്. ര​ഞ്ജി​ത്തി​ന്റെ പാ​ലേ​രി മാ​ണി​ക്കം, പ​ട​ച്ചോ​നെ ഇ​ങ്ങ​ള് കാ​ത്തോ​ളീ.. എ​ന്നീ സി​നി​മ​ക​ളി​ലും ദേ​വി ടീ​ച്ച​ർ മു​ഖം കാ​ണി​ച്ചി​ട്ടു​ണ്ട്. ഇ​പ്പോ​ൾ പ​ന​ങ്ങാ​ട് പാ​റ​കു​ന്ന​ത്ത് ഭ​ർ​ത്താ​വ് മോ​ഹ​ൻ​ദാ​സി​നൊ​പ്പം താ​മ​സി​ച്ച് ഈ ​എ​ഴു​പ​ത്ത​ഞ്ചാം വ​യ​സ്സി​ലും കു​ട്ടി​ക​ൾ​ക്ക് നൃ​ത്ത​ചു​വ​ടു​ക​ൾ പ​ഠി​പ്പി​ച്ചു ന​ൽ​കു​ന്നു​ണ്ട്. മ​ക്ക​ളാ​യ സീ​ത​യും സു​മേ​ഷും സി​നേ​ഷും പാ​ര​മ്പ​ര്യ ക​ലാ​കാ​ര​ന്മാ​രാ​യി ടീ​ച്ച​റോ​ടൊ​പ്പം ത​ന്നെ​യു​ണ്ട്.