കെട്ടിക്കിടക്കുന്നത് 7.5 ലക്ഷം ഫയൽ; മുന്നില്‍ തദ്ദേശ വകുപ്പ്

തി​രു​വ​ന​ന്ത​പു​രം: ഓ​രോ ഫ​യ​ലി​ലും ഓ​രോ ജീ​വി​ത​മാ​ണെ​ന്നു​ ജീ​വ​ന​ക്കാ​ർ ഓ​ർ​ക്ക​ണ​മെ​ന്ന്​​ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ആ​വ​ർ​ത്തി​ച്ചു പ​റ​ഞ്ഞി​ട്ടും വി​വി​ധ വ​കു​പ്പു​ക​ളി​ലാ​യി ഇ​നി​യും തീ​ര്‍പ്പാ​ക്കാ​നു​ള്ള​ത് 7.5 ല​ക്ഷ​ത്തോ​ളം അ​പേ​ക്ഷ. ര​ണ്ടു​ഘ​ട്ട​മാ​യി ന​ട​ന്ന ഫ​യ​ല്‍ തീ​ര്‍പ്പാ​ക്ക​ല്‍ യ​ജ്ഞ​ത്തി​ന്​ ശേ​ഷ​മാ​ണി​ത്.

ക​ഴി​ഞ്ഞ​വ​ര്‍ഷം ന​ട​ത്തി​യ ഫ​യ​ല്‍ തീ​ര്‍പ്പാ​ക്ക​ല്‍ യ​ജ്ഞ​ത്തി​ല്‍ 6.9 ല​ക്ഷ​ത്തോ​ളം ഫ​യ​ലു​ക​ളി​ല്‍ തീ​രു​മാ​ന​മാ​യി. അ​തി​നു​ശേ​ഷം വേ​ഗം കു​റ​ഞ്ഞു. ത​ദ്ദേ​ശ വ​കു​പ്പി​ലാ​ണ് ഏ​റ്റ​വും കൂ​ടു​ത​ല്‍ ഫ​യ​ൽ കെ​ട്ടി​ക്കി​ട​ക്കു​ന്ന​ത്. 2.36 ല​ക്ഷം ഫ​യ​ലാ​ണ് ഇ​വി​ടെ തീ​ര്‍പ്പ്​ കാ​ത്തു​കി​ട​ക്കു​ന്ന​ത്. സെ​ക്ര​ട്ടേ​റി​യ​റ്റി​ല്‍ മാ​ത്രം 93,014 ഫ​യ​ൽ തീ​ര്‍പ്പാ​ക്കാ​നു​ണ്ട്. ഇ​തി​ലും ത​ദ്ദേ​ശ വ​കു​പ്പാ​ണ്​ മു​ന്നി​ൽ; 15,000ത്തോ​ളം ഫ​യ​ൽ.

റ​വ​ന്യൂ​വി​ല്‍ 10,000 ത്തോ​ളം ഫ​യ​ലു​ക​ളും ആ​രോ​ഗ്യ​ത്തി​ല്‍ 8,500 ഫ​യ​ലു​ക​ളും തീ​ര്‍പ്പാ​ക്കാ​നു​ണ്ട്. ആ​ഭ്യ​ന്ത​ര​ത്തി​ല്‍ 6,800 ഉം ​പൊ​തു​വി​ദ്യാ​ഭ്യാ​സ വ​കു​പ്പി​ല്‍ 5,400 ഉം ​ജ​ല​വി​ഭ​വ​ത്തി​ല്‍ 5,000ത്തി​ലേ​റെ​യും ഫ​യ​ൽ കെ​ട്ടി​ക്കി​ട​ക്കു​ന്നു. ക​ഴി​ഞ്ഞ ഫ​യ​ല്‍ തീ​ര്‍പ്പാ​ക്ക​ല്‍ യ​ജ്ഞ​ത്തി​ല്‍ കെ​ട്ടി​ക്കി​ട​ന്ന 1.75 ല​ക്ഷ​ത്തി​ൽ 82,401 ഫ​യ​ലാ​ണ് തീ​ര്‍പ്പാ​ക്കി​യ​ത്.

സ​ര്‍ക്കാ​റി​ന്റെ ര​ണ്ടാം വാ​ര്‍ഷി​ക ഭാ​ഗ​മാ​യി 100 ദി​ന ക​ര്‍മ​പ​ദ്ധ​തി അ​ടു​ത്ത​ദി​വ​സ​ങ്ങ​ളി​ല്‍ പ്ര​ഖ്യാ​പി​ക്കും. കെ​ട്ടി​ക്കി​ട​ക്കു​ന്ന ഫ​യ​ൽ തീ​ര്‍പ്പാ​ക്കു​ന്ന​തി​നു​ള്ള ക​ര്‍മ​പ​ദ്ധ​തി​യും വീ​ണ്ടും ആ​ലോ​ചി​ക്കു​ന്നു​ണ്ട്. നി​ശ്ചി​ത സ​മ​യ​ത്തി​നു​ള്ളി​ൽ ഫ​യ​ൽ തീ​ർ​പ്പാ​ക്കാ​ത്ത​വ​ർ​ക്കെ​തി​രെ ന​ട​പ​ടി​യും ആ​ലോ​ചി​ക്കു​ന്നു.