സോൻടാ ക​മ്പ​നി കണ്ണൂരിൽ ‘കത്തിച്ച’ത് 68 ലക്ഷം

ക​ണ്ണൂ​ർ: ബ്ര​ഹ്മ​പു​രം മാ​ലി​ന്യ​പ്ലാ​ന്റ് തീ​പി​ടി​ത്ത​ത്തെ തു​ട​ർ​ന്ന് വി​വാ​ദ​മാ​യ സോ​ൻ​ടാ ഇ​ൻ​ഫ്രാ​ടെ​ക് ക​രാ​ർ ക​മ്പ​നി ക​ണ്ണൂ​ർ കോ​ർ​പ​റേ​ഷ​ന് വ​രു​ത്തി​യ​ത് 68 ല​ക്ഷ​ത്തി​ന്റെ ന​ഷ്ടം. മാ​ലി​ന്യം നീ​ക്കാ​ൻ ക​രാ​ർ എടു​ത്ത് പ്ര​വൃ​ത്തി​ തു​ട​ങ്ങാ​തെ​ ഭീ​മ​മാ​യ തു​ക ക​മ്പ​നി കൈ​പ്പ​റ്റി​. ​ബ്ര​ഹ്മ​പു​ര​ത്തെ മാ​ലി​ന്യം നീ​ക്കാ​ൻ ക​മ്പ​നി ഒ​രു ന​ട​പ​ടി​യും സ്വീ​ക​രി​ച്ചി​ല്ലെ​ന്ന് കേ​ന്ദ്ര മ​ലി​നീ​ക​ര​ണ ബോ​ർ​ഡി​ന്റെ റി​പ്പോ​ർ​ട്ട് പു​റ​ത്തു​വ​ന്നി​രു​ന്നു. ഇ​തേ അ​നാ​സ്ഥ​യാ​ണ് ക​ണ്ണൂ​രി​ലും.

ന​ഷ്ട​മാ​ണെ​ന്ന​റി​ഞ്ഞി​ട്ടും സം​സ്ഥാ​ന സ​ർ​ക്കാ​റി​ന്റെ​യും മു​ഖ്യ​മ​ന്ത്രി​യു​ടെ​യും ഓ​ഫി​സി​ൽ​നി​ന്നു​ള്ള സ​മ്മ​ർ​ദ​ത്തെ തു​ട​ർ​ന്നാ​ണ് കോ​ർ​പ​റേ​ഷ​ന് ക​രാ​റി​ൽ ഒ​പ്പി​ടേ​ണ്ടി​വ​ന്ന​ത്. ചേ​ലോ​റ ട്ര​ഞ്ചി​ങ് ഗ്രൗ​ണ്ടി​ൽ​നി​ന്നു​ള്ള മാ​ലി​ന്യം നീ​ക്കാ​നാ​ണ് 2020 ഫെ​ബ്രു​വ​രി​യി​ൽ ക​രാ​റി​ൽ ഒ​പ്പി​ട്ട​ത്. 6.86 ല​ക്ഷം രൂ​പ​ക്ക​ടു​ത്താ​ണ് മാ​ലി​ന്യം നീ​ക്കാ​നാ​യു​ള്ള പ്രാ​ഥ​മി​ക​ക​രാ​ർ ക​മ്പ​നി​യും കോ​ർ​പ​റേ​ഷ​നും ധാ​ര​ണ​യാ​യ​ത്. കൂ​ടാ​തെ ര​ണ്ട് ഏ​ക്ക​ർ ക​മ്പ​നി​യു​ടെ പേ​രി​ൽ എ​ഴു​തി​ന​ൽ​ക​ണ​മെ​ന്നും ക​രാ​റി​ൽ വ്യ​വ​സ്ഥ​യു​ണ്ടാ​യി​രു​ന്നു. ഓ​പ​ൺ ടെ​ൻ​ഡ​ർ വി​ളി​ക്കാ​തെ ക​രാ​ർ ഒ​പ്പി​ടു​ന്ന​തി​ൽ കൗ​ൺ​സി​ൽ യോ​ഗ​ത്തി​ൽ എതിർപ്പ് ഉ​യ​ർ​ന്നു. എ​ന്നാ​ൽ, സ​ർ​ക്കാ​ർ സ​മ്മ​ർ​ദം​നി​മി​ത്തം ക​രാ​റി​ൽ ഒ​പ്പി​ടാ​ൻ നി​ർ​ബ​ന്ധി​ത​രാ​യെ​ന്ന് മേ​യ​ർ ടി.​ഒ. മോ​ഹ​ന​ൻ പ​റ​ഞ്ഞു. വൈകാതെ ഡീ​സ​ൽ, ജെ.​സി.​ബി ചാ​ർ​ജ് എ​ന്നീ ഇ​ന​ത്തി​ൽ കോ​ർ​പ​റേ​ഷ​നി​ൽ​നി​ന്ന് ക​മ്പ​നി 68 ല​ക്ഷം രൂ​പ മു​ൻ​കൂ​റാ​യി കൈ​പ്പ​റ്റി. മാ​ലി​ന്യ​ത്തി​ന്റെ അ​ള​വ് സം​ബ​ന്ധി​ച്ച് സ​ർ​വേ ന​ട​ത്തി​യ​പ്പോ​ൾ 21 കോ​ടി ന​ൽ​കി​യാ​ലേ പ്ര​വൃ​ത്തി തു​ട​ങ്ങാ​നാവൂ എ​ന്നാ​യി​ ക​മ്പ​നി​യു​ടെ വാദം. തു​ട​ർ​ന്ന് ക​രാ​ർ റ​ദ്ദാ​ക്കി. പി​ന്നീ​ട് പു​ണെ ആ​സ്ഥാ​ന​മാ​യ റോ​യ​ൽ വെ​സ്റ്റേ​ൺ ക​മ്പ​നി​ക്ക് എ​ട്ട് കോ​ടി​ക്ക് ക​രാ​ർ മാ​റ്റി​ന​ൽ​കി.

അ​ന​ധി​കൃ​ത​മാ​യി കൈ​പ്പ​റ്റി​യ 68 ല​ക്ഷം തി​രി​കെ അ​ട​ക്ക​ണ​മെ​ന്നാ​വ​ശ്യ​പ്പെ​ട്ട് സോ​ൻ​ടാ​ക്ക് കോ​ർ​പ​റേ​ഷ​ൻ ​നോ​ട്ടീ​സ് അ​യ​ച്ചി​രി​ക്കു​ക​യാ​ണ്. ക​മ്പ​നി​ക്കെ​തി​രെ കൂ​ടു​ത​ൽ നി​യ​മ​ന​ട​പ​ടി സ്വീ​ക​രി​ക്കാ​നാ​യി ചൊ​വ്വാ​ഴ്ച കോ​ർ​പ​റേ​ഷ​ൻ സ്റ്റി​യ​റി​ങ് യോ​ഗ​വും ചേ​രു​ന്നു​ണ്ട്. ഇ​തി​നി​ടെ ചേ​ലോ​റ ട്ര​ഞ്ചി​ങ് ഗ്രൗ​ണ്ടി​ൽ ചീ​ഫ് എ​ൻ​വ​യ​ൺ​മെൻറ​ൽ എ​ൻ​ജി​നീ​യ​ർ സി​ന്ധു രാ​ധാ​കൃ​ഷ്ണ​ന്‍റെ നേ​തൃ​ത്വ​ത്തി​ലു​ള്ള സം​ഘം പ​രി​ശോ​ധ​ന ന​ട​ത്തി. മാ​ലി​ന്യ​സം​സ്ക​ര​ണ​ത്തി​ന് ട്ര​ഞ്ചി​ങ്‌ ഗ്രൗ​ണ്ടി​ൽ ഏ​ർ​പ്പെ​ടു​ത്തി​യ സം​വി​ധാ​ന​ങ്ങ​ളി​ൽ സം​ഘം സം​തൃ​പ്തി​യാ​ണ് രേ​ഖ​പ്പെ​ടു​ത്തി​യ​ത്.