സുൽത്താന്‍റെ ബേപ്പൂർ ‘കുടിയേറ്റത്തിന്​’ 60

ത​ല​യോ​ല​പ്പ​റ​മ്പ്: ക​ഥ​ക​ളു​ടെ​യും സൗ​ഹൃ​ദ​ങ്ങ​ളു​ടെ​യും സു​ൽ​ത്താ​നാ​യി​രു​ന്ന വൈ​ക്കം മു​ഹ​മ്മ​ദ് ബ​ഷീ​ർ ത​ന്‍റെ ക​ഥാ​പാ​ത്ര​ങ്ങ​ളെ​യും പ്രി​യ​പ്പെ​ട്ട​വ​രെ​യും ഉ​റ്റ​വ​രെ​യും വേ​ർ​പി​രി​ഞ്ഞ് ത​ല​യോ​ല​പ്പ​റ​മ്പി​ൽ​നി​ന്ന്​ കു​ടും​ബ​സ​മേ​തം ബേ​പ്പൂ​രി​ലേ​ക്ക്​ താ​മ​സം മാ​റി​യ​തി​ന്​ 60 വ​ർ​ഷം. ന​വം​ബ​ർ 28നാ​യി​രു​ന്നു ജ​ന്മ​നാ​ട്ടി​ൽ​നി​ന്നു​ള്ള മ​ട​ക്കം.

സ്വ​ന്ത​മാ​യു​ണ്ടാ​യി​രു​ന്ന എ​റ​ണാ​കു​ള​ത്തെ ബ​ഷീ​ർ ബു​ക്ക്​​ സ്റ്റാ​ൾ സാ​ഹി​ത്യ പ്ര​വ​ർ​ത്ത​ക സ​ഹ​ക​ര​ണ സം​ഘ​ത്തി​ന് കൈ​മാ​റി​യ പ​ണം​കൊ​ണ്ടാ​ണ് 1958ൽ ​ത​ല​യോ​ല​പ്പ​റ​മ്പ് ടൗ​ണി​ന്‍റെ ഹൃ​ദ​യ​ഭാ​ഗ​ത്ത് പ​ന്ത്ര​ണ്ട​ര സെ​ന്‍റ്​ സ്ഥ​ലം വാ​ങ്ങി​യ​ത്. 1960ൽ ​ഈ സ്ഥ​ല​ത്ത് പ​ഴ​മ നി​ല​നി​ർ​ത്തി അ​സ​ഹ​ർ കോ​ട്ടേ​ജ് എ​ന്ന പേ​രി​ൽ വീ​ട്​ നി​ർ​മി​ച്ചു. നാ​ട്ടി​ൽ ഉ​മ്മ​യു​ടെ​യും സ​ഹോ​ദ​ര​ങ്ങ​ളു​ടെ​യും അ​ടു​ത്ത് താ​മ​സി​ക്ക​ണ​മെ​ന്ന ആ​ഗ്ര​ഹ​ത്തെ​തു​ട​ർ​ന്നാ​ണ്​ ത​ല​യോ​ല​പ്പ​റ​മ്പി​ൽ പു​തി​യ വീ​ട്​ സ്വ​ന്ത​മാ​ക്കി​യ​ത്. മൂ​ത്ത മ​ക​ൾ ഷാ​ഹി​ന ഇ​വി​ടെ​യാ​ണ് ജ​നി​ച്ച​ത്. കോ​ഴി​ക്കോ​ട്​ നി​ന്നു​ള്ള വി​വാ​ഹ​ശേ​ഷം നാ​ട്ടി​ലേ​ക്ക്​ വ​രി​ല്ലെ​ന്ന്​ കു​ടും​ബാം​ഗ​ങ്ങ​ൾ വി​ചാ​രി​ച്ചി​രു​ന്ന​തി​നി​ടെ​യാ​ണ്​ ത​ല​യോ​ല​പ്പ​റ​മ്പി​ൽ അ​ദ്ദേ​ഹം താ​മ​സം തു​ട​ങ്ങി​യ​ത്. ത​ല​യോ​ല​പ്പ​റ​മ്പി​ലെ താ​മ​സം ബ​ഷീ​റി​ന് ഏ​റെ ഇ​ഷ്ട​മാ​യി​രു​ന്നു​വെ​ങ്കി​ലും ഭാ​ര്യ ഫാ​ബി​യു​ടെ പി​താ​വി​ന്‍റെ മ​ര​ണ​ത്തോ​ടെ കോ​ഴി​ക്കോ​ട് ബേ​പ്പൂ​ർ തി​രു​വ​ണ്ണൂ​രി​ലേ​ക്ക് താ​മ​സം മാ​റ്റേ​ണ്ടി​വ​ന്നു.

തു​ട​ർ​ന്ന്​ 1960 മു​ത​ൽ 1964 വ​രെ താ​മ​സി​ച്ചി​രു​ന്ന ത​ല​യോ​ല​പ്പ​റ​മ്പി​ലെ വീ​ടും സ്ഥ​ല​വും 1964 ന​വം​ബ​ർ 28ന് ​ഫെ​ഡ​റ​ൽ ബാ​ങ്കി​ന് വി​റ്റു. ഫെ​ഡ​റ​ൽ ബാ​ങ്ക് സ്ഥാ​പ​ക​ൻ കെ.​പി. ഹോ​ർ​മി​സു​മാ​യി​ട്ടു​ള്ള സൗ​ഹൃ​ദ​മാ​യി​രു​ന്നു ഇ​വ​രി​ലേ​ക്ക്​ സ്ഥ​ലം എ​ത്തി​പ്പെ​ടാ​ൻ കാ​ര​ണം. തൊ​ട്ട​ടു​ത്ത വ​ർ​ഷം അ​സ​ഹ​ർ കോ​ട്ടേ​ജി​ൽ ബാ​ങ്ക്​ പ്ര​വ​ർ​ത്ത​നം തു​ട​ങ്ങി. ബ​ഷീ​റി​ന്‍റെ വേ​ർ​പാ​ടി​നു​ശേ​ഷം കെ.​പി. ഹോ​ർ​മി​സി​ന്‍റെ മ​ക​ൻ രാ​ജു ഹോ​ർ​മി​സ് മു​ൻ​കൈ​യെ​ടു​ത്ത് ഫെ​ഡ​റ​ൽ ബാ​ങ്കി​ന്‍റെ ഈ ​ശാ​ഖ പു​തു​ക്കി​പ്പ​ണി​ത് കേ​ര​ള​ത്തി​ലെ പ്ര​ഥ​മ ബ​ഷീ​ർ സ്മാ​ര​ക​മാ​ക്കി. ബ​ഷീ​ർ ഓ​ർ​മ​ക​ൾ ജ​ന്മ​നാ​ട്ടി​ൽ സ​ജീ​വ​മാ​ണെ​ന്ന്​ വൈ​ക്കം മു​ഹ​മ്മ​ദ് ബ​ഷീ​ർ സ്മാ​ര​ക സ​മി​തി ചെ​യ​ർ​മാ​ൻ കി​ളി​രൂ​ർ രാ​ധാ​കൃ​ഷ്ണ​നും ജ​ന​റ​ൽ സെ​ക്ര​ട്ട​റി പി.​ജി. ഷാ​ജി​മോ​നും ട്ര​ഷ​റ​ർ ഡോ. ​യു. ഷം​ല​യും പ​റ​യു​ന്നു.