59 വിദ്യാർഥികൾക്ക് മഞ്ഞപ്പിത്തം; സ്‌കൂള്‍ അടച്ചു

പു​ളി​ക്ക​ല്‍: 59 വി​ദ്യാ​ർ​ഥി​ക​ൾ​ക്ക് മ​ഞ്ഞ​പ്പി​ത്തം സ്ഥി​രീ​ക​രി​ച്ച​തി​നെ തു​ട​ർ​ന്ന് പു​ളി​ക്ക​ല്‍ പ​ഞ്ചാ​യ​ത്തി​ലെ അ​രൂ​ര്‍ എ.​എം.​യു.​പി സ്‌​കൂ​ള്‍ അ​ട​ച്ചു. ജൂ​ലൈ 29 വ​രെ​യാ​ണ് അ​ട​ച്ച​ത്. ആ​രോ​ഗ്യ​വ​കു​പ്പി​ന്റെ​യും വി​ദ്യാ​ഭ്യാ​സ വ​കു​പ്പി​ന്റെ​യും നി​ർ​ദേ​ശ​ത്തെ തു​ട​ര്‍ന്നാ​ണി​ത്. കൂ​ടു​ത​ൽ കു​ട്ടി​ക​ളി​ലേ​ക്ക് രോ​ഗം പ​ക​രാ​തി​രി​ക്കാ​നു​ള്ള മു​ന്‍ക​രു​ത​ലാ​യാ​ണ് വി​ദ്യാ​ല​യ​ത്തി​ന് അ​വ​ധി ന​ല്‍കി​യ​തെ​ന്ന് സ്‌​കൂ​ള്‍ അ​ധി​കൃ​ത​ര്‍ അ​റി​യി​ച്ചു.

പു​ളി​ക്ക​ല്‍ പ​ഞ്ചാ​യ​ത്തി​ലെ വി​വി​ധ ഭാ​ഗ​ങ്ങ​ളി​ല്‍ മ​ഞ്ഞ​പ്പി​ത്തം പ​ട​ര്‍ന്നു​പി​ടി​ക്കു​ക​യാ​ണ്. അ​രൂ​രും പ​രി​സ​ര​പ്ര​ദേ​ശ​ങ്ങ​ളി​ലു​മാ​ണ് രോ​ഗ​ബാ​ധി​ത​ര്‍ ഏ​റെ​യു​ള്ള​ത്. പ​ഞ്ചാ​യ​ത്തി​ന്റെ വി​വി​ധ ഭാ​ഗ​ങ്ങ​ളി​ലാ​യി 102 പേ​രാ​ണ് മ​ഞ്ഞ​പ്പി​ത്തം ബാ​ധി​ച്ച് ചി​കി​ത്സ​യി​ല്‍ ക​ഴി​യു​ന്ന​ത്. ഇ​തി​ല്‍ 76 പേ​ര്‍ അ​രൂ​ര്‍ മേ​ഖ​ല​യി​ലു​ള്ള​വ​രാ​ണ്.

സ​മീ​പ പ​ഞ്ചാ​യ​ത്തു​ക​ളാ​യ ചെ​റു​കാ​വി​ലും പ​ള്ളി​ക്ക​ലും കൊ​ണ്ടോ​ട്ടി ന​ഗ​ര​സ​ഭ പ്ര​ദേ​ശ​ങ്ങ​ളി​ലും നേ​ര​ത്തേ മ​ഞ്ഞ​പ്പി​ത്തം റി​പ്പോ​ര്‍ട്ട് ചെ​യ്തി​രു​ന്നു. ഇ​തി​ന് തു​ട​ര്‍ച്ച​യാ​യാ​ണ് പു​ളി​ക്ക​ല്‍ പ​ഞ്ചാ​യ​ത്തി​ലും രോ​ഗം വ്യാ​പി​ക്കു​ന്ന​ത്.