വിവരാവകാശ മറുപടിക്കത്തിൽ പേര് വെക്കാത്ത ഓഫിസർക്ക് 5000 രൂപ പിഴ

തിരുവനന്തപുരം: വിവരാവകാശ മറുപടികളിൽ സ്വന്തം പേരും ഔദ്യോഗിക വിലാസവും ഫോൺ നമ്പറും ഇ-മെയിലും നൽകണമെന്ന വ്യവസ്ഥ ലംഘിച്ച ഓഫിസർക്ക് 5000 രൂപ പിഴയിട്ട് വിവരാവകാശ കമീഷൻ.

വയനാട് ജില്ല ഫോറസ്റ്റ് ഓഫിസിലെ പൊതുബോധന ഓഫിസർ പി.സി. ബീന മറുപടിക്കത്തിൽ സ്വന്തം പേര് മറച്ചുെവച്ചു, വിവരങ്ങൾ വൈകിപ്പിച്ചു, അപേക്ഷകന് ശരിയായ വിവരം ലഭിക്കാൻ തടസ്സംനിന്നു എന്നീ ചട്ടലംഘനങ്ങളാണ് നടത്തിയത്.

കോഴിക്കോട് സ്വദേശിയുടെ പരാതിയിൽ സംസ്ഥാന വിവരാവകാശ കമീഷണർ എ. അബ്ദുൽ ഹക്കീമാണ് ശിക്ഷ വിധിച്ചത്.