തിങ്കളാഴ്ച മുതൽ സെക്രട്ടറിയേറ്റിൽ 50 ശതമാനം ജീവനക്കാർ

തിരുവനന്തപുരം: തിങ്കളാഴ്ച മുതൽ സെക്രട്ടറിയേറ്റിൽ 50 ശതമാനം ജീവനക്കാർ ജോലിക്കെത്തണമെന്ന്​ മുഖ്യമന്ത്രി പിണറായി വിജയൻ. നിയമസഭ നടക്കുന്നതിന്‍റെ ഭാഗമായി നിലവിൽ തന്നെ അണ്ടർ സെക്രട്ടറിമാരുൾപ്പടെയുള്ളവർ സെക്രട്ടറിയേറ്റിൽ ജോലിക്കെത്തുന്നുണ്ടെന്നും മുഖ്യമന്ത്രി പറഞ്ഞു. ​സാ​ങ്കേതിക സർവകലാശാ പരീക്ഷ ഓൺലൈനായി നടത്തുമെന്നും മുഖ്യമന്ത്രി അറിയിച്ചു.

മെഡിക്കൽ സാമഗ്രഹികൾക്ക്​ അമിതവില ഈടാക്കരുത്​. അമിതവില ഈടാക്കിയാൽ കർശനനടപടി സ്വീകരിക്കും. പൾസ്​ഓക്​സി മീറ്ററുകൾ ഗുണനിലവാരമുള്ളത്​ വാങ്ങാൻ ശ്രദ്ധിക്കണം. മെഡിക്കൽ സർവീസ്​ കോർപ്പറേഷൻ ഗുണനിലവാരം ഉള്ളവയുടെ പട്ടിക പ്രസിദ്ധീകരിച്ചിട്ടുണ്ട്​.

വാക്​സിനെടുത്താലും ജാഗ്രത തുടരണം. അവർ രോഗവാഹകരാവാൻ സാധ്യതയുണ്ട്​. ബ്ലാക്​ ഫംഗസ്​ മരുന്നുകൾ കേരളത്തിലെത്തിക്കാൻ വിദേശമലയാളികളുടെ സഹായം തേടുമെന്നും അദ്ദേഹം വ്യക്​തമാക്കി.