അഞ്ചുപേർക്കുകൂടി കോവിഡ്​; കോട്ടയം ജില്ലയിൽ​ വീണ്ടും അതീവ ജാഗ്രത

കോട്ടയം: ​11 പേർക്ക്​ കോവിഡ്​-19 ബാധിച്ചതോടെ ജില്ല വീണ്ടും അതീവജാഗ്രതയിലായി. വടയാര്‍ സ്വദേശി, ഒളശ്ശ സ്വദേശിയ ായ ആരോഗ്യപ്രവര്‍ത്തകന്‍, ചാന്നാനിക്കാട് സ്വദേശിനിയായ ബിരുദാനന്തര ബിരുദ വിദ്യാര്‍ഥിനി, തിരുവനന്തപുരത്ത് ആരോ ഗ്യ പ്രവര്‍ത്തകയായ കിടങ്ങൂര്‍ പുന്നത്തറ സ്വദേശിനി, വെള്ളൂരില്‍ താമസിക്കുന്ന റെയില്‍വേ ജീവനക്കാരനായ തമിഴ്‌ന ാട് സ്വദേശി എന്നിവർക്കാണ്​ ഞായറാഴ്​ച രോഗം സ്ഥിരീകരിച്ചത്​.

ആസ്​​ട്രേലിയയിൽനിന്ന്​ എത്തിയ പാലാ സ്വദേശിനി, കോട്ടയം മാർക്കറ്റിലെ ചുമട്ടുെതാഴിലാളി, പനച്ചിക്കാട് സ്വദേശിയായ ആരോഗ്യപ്രവര്‍ത്തകന്‍, ഇയാളുടെ മാതാവ്​, മണര്‍കാട് സ്വദേശിയായ ലോറി ഡ്രൈവര്‍, സംക്രാന്തി സ്വദേശിനി എന്നിവർക്ക് ​കഴിഞ്ഞദിവസം​​ രോഗം സ്ഥിരീകരിച്ചിരുന്നു.​ ഇതോടെ ജില്ലയിൽ ചികിത്സയിലുള്ള ആരോഗ്യപ്രവർത്തകരുടെ എണ്ണം മൂന്നായി​.

അതീവ സാഹചര്യം കണക്കിലെടുത്ത്​ എല്ലായിടത്തും പൊലീസ്​ പരിശോധന കർശനമാക്കി. മാസ്​ക്​ ധരിച്ച്​ മാ​ത്രമേ പുറത്തിറങ്ങാൻ അനുവദിക്കുന്നുള്ളൂ. മണർകാട്​ പഞ്ചായത്തിനെ ഹോട്സ്​​േപാട്ടായി പ്രഖ്യാപിച്ചു. നേരത്തേ ഹോട്സ്​​േപാട്ടായി പ്രഖ്യാപിച്ച വിജയപുരം പഞ്ചായത്തി​​െൻറയും പനച്ചിക്കാട്​ പഞ്ചായത്തി​​െൻറയും അതിർത്തികളെല്ലാം അടച്ചിരിക്കുകയാണ്​. ഒരു വഴിയിലൂടെ മാത്രം​ കർശന പരിശോധനക്കുശേഷം അകത്തേക്കും പുറത്തേക്കും ആളുകളെ കടത്തിവിടുന്നുണ്ട്​​.

ഓൺലൈൻ ഭക്ഷണം എത്തിക്കുന്നവരെപോലും കടത്തിവിടുന്നില്ല. ആവശ്യക്ക​ാർ ബാരിക്കേഡിനിപ്പുറം വന്ന്​ ഭക്ഷണം വാങ്ങിയാൽ മതി എന്നാണ്​ നിർദേശം. ശനിയാഴ്​ച രോഗം സ്ഥിരീകരിച്ച സംക്രാന്തി സ്വദേശിനിയുടെ വീടി​​െൻറ 500 മീറ്റർ പരിധിയിൽ സംക്രാന്തി-​വാഴക്കാല റോഡ്​ പൊലീസ്​ ബാരിക്കേഡും കയറും ഉപയോഗിച്ച്​ അടച്ചു. മേഖലയിൽ പൊലീസും ആരോഗ്യപ്രവർത്തകരും ചേർന്ന്​ അണുനശീകരണം നടത്തി. ഇവിടെ പൊലീസ്​ കാവലുണ്ട്​.

അത്യാവശ്യ കാര്യങ്ങൾക്ക്​ മാത്രമാണ്​ ഇതുവഴി ആളുകളെ കടത്തിവിടുന്നത്​. സം​ക്രാന്തി സ്വദേശിനിയുടെ ഭർത്താവിന്​ അസുഖം ബാധിച്ചിട്ടില്ല. ഇവർക്കൊപ്പം താമസിച്ചിരുന്ന ഇദ്ദേഹത്തി​െൻറ മാതാവായ 85കാരിയുടെ സ്രവവും പരിശോധനക്ക്​ അയച്ചിട്ടുണ്ട്​. നഗരസഭയിൽ ശനിയാഴ്​ചയും ഞായറാഴ്​ചയും ചെയർപേഴ്​സ​​െൻറ നേതൃത്വത്തിൽ അവലോകനയോഗം ചേർന്ന്​ സ്ഥിതിഗതികൾ വിലയിരുത്തി.