മണിമലയാറ്റിൽ കുളിക്കാനിറങ്ങിയ 48കാരനെ കാണാതായി

തിരുവല്ല: മണിമലയാറ്റിൽ കുളിക്കാനിറങ്ങിയ 48കാരനെ ഒഴുക്കിൽപെട്ട് കാണാതായി. ഇരവിപേരൂർ വാലുപറമ്പിൽ കൃഷ്ണസദനത്തിൽ ശ്രീകുമാറിനെ (കൊച്ചുമോൻ) ആണ് കാണാതായത്.

ബുധനാഴ്ച വൈകീട്ട് 3.30ന് പൂവപ്പുഴ കടവിൽ കുളിക്കാനിറങ്ങിയപ്പോൾ ഒഴുക്കിൽപെടുകയായിരുന്നു. തിരുവല്ലയിൽ നിന്നെത്തിയ അഗ്നിരക്ഷസേന ആറ് മണി വരെ തിരഞ്ഞങ്കിലും കണ്ടെത്തിയില്ല. തിരച്ചിൽ നാളെയും തുടരും.