സംസ്​ഥാനത്ത്​ 466 മദ്യശാലകൾ കൂടി തുറക്കാൻ അനുമതി 

തിരുവനന്തപുരം: സുപ്രീംകോടതി നിർദേശാനുസരണം അടച്ചുപൂട്ടിയ ദേശീയ, സംസ്​ഥാന പാതയോരത്തെ 466 മദ്യശാലകൾ തുറന്നുപ്രവർത്തിപ്പിക്കാൻ സർക്കാർ അനുമതിനൽകി. മദ്യശാലകൾ പൂട്ടിയ ഉത്തരവ്​ സംബന്ധിച്ച്​ ​സുപ്രീംകോടതി തന്നെ വ്യക്​തതവരുത്തിയ സാഹചര്യത്തിലാണിത്​. ജില്ലകളിലെ ഡെപ്യൂട്ടി കമീഷണർമാരിൽനിന്ന്​ അനുമതിേനടി ഫീസ്​ അടച്ചാൽ നാളെ​ മുതൽ പ്രവർത്തനം ആരംഭിക്കാം. ഇതിൽ പല മദ്യശാലകളും ഒാൺ​ൈലനായി ഫീസ്​ അടച്ചിട്ടുണ്ട്​.

അതിനാൽ ഇവയിൽ മിക്കതും ഉടൻ പ്രവർത്തനമാരംഭിക്കുമെന്ന്​ എക്​സൈസ്​ വൃത്തങ്ങൾ പറഞ്ഞു. പുതിയ ബാറുകൾക്ക്​ അനുമതിതേടിയുള്ള നിരവധി അപേക്ഷകളും സർക്കാറി​​െൻറ പരിഗണനയിലുണ്ട്​​. സർക്കാർ അനുമതി ലഭ്യമാക്കുന്ന മുറക്ക്​ എക്​സൈസ്​ വകുപ്പും പ്രവർത്തനാനുമതി നൽകും. ​േദശീയപാതയോരത്തെ 247ഉം സംസ്​ഥാനപാതയിലെ 219ഉം ഉൾപ്പെടെ 466 മദ്യശാലകളാണ്​ തുറക്കുന്നത്​. പാതകൾ സംബന്ധിച്ച സുപ്രീംകോടതി വിധിയുടെ പശ്​ചാത്തലത്തിൽ സംസ്​ഥാനത്ത്​ അടഞ്ഞുകിടന്ന മദ്യശാലകൾ തുറക്കാൻ കോർപറേഷൻ, മുനിസിപ്പാലിറ്റി പരിധിയിലുള്ള സംസ്​ഥാന റോഡ്​ ഡീ നോട്ടിഫൈ ചെയ്യാൻ കഴിഞ്ഞ മന്ത്രിസഭായോഗം തീരുമാനിച്ചിരുന്നു. അതിനിടെയാണ്​ സുപ്രീംകോടതി തന്നെ വിധിയിൽ വ്യക്​തതവരുത്തിയത്​. കോർപറേഷൻ, മുനിസിപ്പാലിറ്റി പരിധിയിലെ ബാറുകളുടെ കാര്യത്തിൽ അതാത്​ സംസ്​ഥാന സർക്കാറുകൾക്ക്​ തീരുമാനമെടുക്കാമെന്നാണ്​ വ്യക്​തമാക്കിയത്​. അതിനാൽ മന്ത്രിസഭക്ക്​ തീരുമാനം ​എടുക്കേണ്ടിവന്നില്ല. അത്​ പരിഗണിച്ചാണ്​ അടച്ചുപൂട്ടിയ മദ്യശാലകൾ തുറക്കാൻ സംസ്​ഥാന സർക്കാർ അനുമതി നൽകിയത്​.

അതി​​െൻറ അടിസ്​ഥാനത്തിലുള്ള നടപടികൾ എക്​സൈസ്​ വകുപ്പും ആരംഭിച്ചു. നിലവിൽ സംസ്​ഥാനത്ത്​ 121 ബാറുകളാണ്​ പ്രവർത്തിക്കു​ന്നത്​. പുതിയ സാഹചര്യത്തിൽ സംസ്​ഥാനത്തെ ദേശീയപാതയോരത്ത്​ അടഞ്ഞുകിടക്കുന്ന നാല്​ ബാറുകൾ കൂടി തുറക്കും. കോർപറേഷൻ, മുനിസിപ്പാലിറ്റി പരിധിയിലുള്ള 276 ബിയർ വൈൻ പാർലറുകൾ കൂടിതുറക്കും. ഇതിൽ 147 എണ്ണം ദേശീയപാതയോരത്തും 129 എണ്ണം സംസ്​ഥാന പാതയോരത്തുമുള്ളവയാണ്​. ഇതിൽ പലതും ബാറുകളായി രൂപപ്പെടും. ദേശീയപാതയോരത്തെ 72ഉം സംസ്​ഥാനപാതയോരത്തെ 76ഉം ഉൾപ്പെടെ 148 കള്ളുഷാപ്പുകൾ, ദേശീയപാതയോരത്തെ 15ഉം സംസ്​ഥാനപാതയോരത്തെ 10ഉം ഉൾപ്പെടെ 25 ബിവ​റേജസ്​ ഒൗട്ട്​ലെറ്റുകൾ, പത്ത്​ ക്ലബുകൾ, മൂന്ന്​ മിലിട്ടറി കാൻറീനുകൾ ഉൾപ്പെടെയാണ്​ തുറക്കുന്നത്​. നിലവിൽ സംസ്​ഥാനത്ത്​ ബിയർ^വൈൻ പാർലറുകളായി പ്രവർത്തിക്കുന്നവയിൽ പലതും ഇതിനോടകംതന്നെ നവീകരണ പ്രവർത്തനങ്ങൾ പൂർത്തിയാക്കി ത്രീസ്​റ്റാർ പദവിയിലേക്ക്​ മാറ്റിയിട്ടുണ്ട്​. 28 ലക്ഷം രൂപ ഫീസടച്ചാൽ ഇവക്ക്​ ത്രീസ്​റ്റാർ ബാറുകളായി തന്നെ പ്രവർത്തനമാരംഭിക്കാൻ സാധിക്കും.