പാ​രി​സ്ഥി​തി​ക അ​നു​മ​തിയും സാ​മൂ​ഹി​ക ആ​ഘാ​ത പ​ഠ​നവുമി​ല്ലാ​തെ 45 മീ​റ്റ​ർ ദേ​ശീ​യ​പാ​ത; സർക്കാറുകൾക്ക് ട്രൈബ്യൂണൽ നോട്ടീസ്

കൊ​ച്ചി: പാ​രി​സ്ഥി​തി​ക അ​നു​മ​തി, പ​രി​സ്ഥി​തി-​സാ​മൂ​ഹി​ക ആ​ഘാ​ത പ​ഠ​നം, പൊ​തു തെ​ളി​വെ​ടു​പ്പ് എ​ന്നി​വ ഇ​ല്ലാ​തെ 45 മീ​റ്റ​ർ ദേ​ശീ​യ​പാ​ത വി​ക​സ​ന പ​ദ്ധ​തി ന​ട​പ്പാ​ക്കു​ന്ന​തി​നെ​തി​രാ​യ ഹ​ര​ജി​യി​ൽ കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ൾ​ക്ക് നോ​ട്ടീ​സ് അ​യ​ക്കാ​ൻ ദേ​ശീ​യ ഹ​രി​ത ട്രൈ​ബ്യൂ​ണ​ൽ ഉ​ത്ത​ര​വ്. കോ​ഴി​ക്കോ​ട് രാ​മ​നാ​ട്ടു​ക​ര മു​ത​ൽ ഇ​ട​പ്പ​ള്ളി വ​രെ​യു​ള്ള പ​ദ്ധ​തി​പ്ര​ദേ​ശ​ത്ത് പ​രി​ശോ​ധ​ന ന​ട​ത്താ​നും ആ​ക്ഷേ​പ​ങ്ങ​ൾ പ​ഠി​ക്കാ​നും കേ​ന്ദ്ര പ​രി​സ്ഥി​തി മ​ന്ത്രാ​ല​യ​ത്തി​െൻറ​യും ദേ​ശീ​യ​പാ​ത അ​തോ​റി​റ്റി​യു​ടെ​യും ഉ​ദ്യോ​ഗ​സ്ഥ​ർ ഉ​ൾ​പ്പെ​ട്ട വി​ദ​ഗ്ധ സ​മി​തി​യെ നി​യ​മി​ക്കാ​നും നി​ർ​ദേ​ശി​ച്ചു. സ​മി​തി ജ​നു​വ​രി ഏ​ഴി​നു​മു​മ്പ്​ റി​പ്പോ​ർ​ട്ട്​ ന​ൽ​ക​ണം.

100 കി​ലോ​മീ​റ്റ​ർ ദൈ​ർ​ഘ്യ​മു​ള്ള​തോ 40 മീ​റ്റ​ർ വീ​തി​യി​ൽ ഭൂ​മി ഏ​റ്റെ​ടു​പ്പ് ആ​വ​ശ്യ​മാ​യ​തോ ആ​യ ദേ​ശീ​യ​പാ​ത വീ​തി​കൂ​ട്ട​ൽ പ​ദ്ധ​തി​ക​ൾ​ക്ക് പ​രി​സ്ഥി​തി മ​ന്ത്രാ​ല​യ​ത്തി​െൻറ മു​ൻ​കൂ​ർ അ​നു​മ​തി, പ​രി​സ്ഥി​തി-​സാ​മൂ​ഹി​ക ആ​ഘാ​ത പ​ഠ​നം, പൊ​തു തെ​ളി​വെ​ടു​പ്പ് എ​ന്നി​വ നി​ർ​ബ​ന്ധ​മാ​ണെ​ന്ന് 2013ലെ ​പ​രി​സ്ഥി​തി ആ​ഘാ​ത വി​ല​യി​രു​ത്ത​ൽ ഭേ​ദ​ഗ​തി വി​ജ്​​ഞാ​പ​ന​ത്തി​ൽ വ്യ​ക്ത​മാ​ക്കി​യി​ട്ടു​ണ്ട്. ഈ ​വ്യ​വ​സ്ഥ​ക​ൾ പാ​ലി​ക്കാ​തെ​യു​ള്ള ഭൂ​മി​യേ​റ്റെ​ടു​ക്ക​ലി​നെ​തി​രെ മ​ല​പ്പു​റം സ്വ​ദേ​ശി മു​ഹ​മ്മ​ദ് ജി​ഷാ​ർ, എ​റ​ണാ​കു​ളം സ്വ​ദേ​ശി കെ.​എ​സ്. സ​ക്ക​രി​യ, തൃ​ശൂ​ർ സ്വ​ദേ​ശി​നി ബീ​ന എ​ന്നി​വ​ർ അ​ഡ്വ. ഹ​രീ​ഷ് വാ​സു​ദേ​വ​ൻ മു​ഖേ​ന സ​മ​ർ​പ്പി​ച്ച ഹ​ര​ജി​യി​ലാ​ണ് ട്രൈ​ബ്യൂ​ണ​ലി​െൻറ ഇ​ട​ക്കാ​ല ഉ​ത്ത​ര​വ്.